Jérémie 6:3 - Mbeti ti Nzapa - Tënë so amu fini

³ Azo aga na mbage ti lo tongana awabatango-taba so aga na anyama ti ala. Azo ni asara bâbâ ti ala na tere ti gbata ni, angoro ni kue; zo oko oko aduti na ndo ti lo, lo na aturugu ti lo.

Jérémie 6:3 Referans Kwoze

Nzoni Tënë so Luc asu na mbeti 19:43

Biani, ambeni lango ayeke ga so awato ti mo ayeke bongbi sese aga koto, angoro mo kue. Ala yeke ngoro mo si ala yeke pete mo mbage na mbage kue.

Nahum 3:18

Mo, gbia ti Asirii, akomanda ti mo alango biani biani awe, aturugu ti mo ti kota kamba alango na du ti kuâ biani biani awe. Azo ti mo akangbi kirikiri na ndö ti ahoto, zo ti bongbingo ala na ndo oko ayeke daa pepe.

Jérémie 12:10

Awabatango-taba mingi abuba yaka ti *vinye ti mbi; ala do na gbe ti gere ti ala yaka ti mbi, ala sara si pendere yaka so aga benyama, aga ngonda.

2 Agbia 24:2

*KOTA GBIA atokua na tere ti Yoakim gba ti azo ti Babilone so ayeke gbu ye ti azo na ngangu, ala ti Sirii, ala ti Moab na ala ti Amon. Ala tuku na ya ti kodro-gbia ti Juda si abuba kodro ni kue alingbi na tënë ti yanga ti KOTA GBIA so lo tene na lege ti azo ti kua ti lo, awayanga-Nzapa.