Jérémie 6:25 - Mbeti ti Nzapa - Tënë so amu fini

²⁵ Ala sigigi ti gue na yaka pepe, ala fono na ndö ti alege pepe, ngbanga ti so wato ayeke kâ si lo yeke fâ azo; mbeto ayeke mbage na mbage kue.”

Jérémie 6:25 Referans Kwoze

Jérémie 49:29

Ayeke nzoni ala gbu ada ti bongo na abagara ti azo ni, abongo ti ala ti sarango na da nga na akungba ti ala ahon na ni. Ala mu nga *azambala ti azo ni ahon na ni; ala dekongo na li ti ala, atene: ‘Mbeto ayeke mbage na mbage kue!’

Jérémie 20:10

Mbi yeke ma gi sioni tënë ti gba ti azo. Ala yeke di iri ti mbi: “Mbeto-mbage-na-mbage-kue”. Ambeni ayeke tene: “Ala gue na lo na ngbanga ma!” Ambeni ayeke tene ti ala: “Een, e yeke gue na lo!” Ataa amba ti mbi so mbi na ala e ye tere mingi, ala yeke ku ti baa wala mbi yeke girisa lege. Ala yeke tene na be ti ala, atene: “Tongana lo ti fade na ya ti handa ti lo wani, ka anzere mingi. Tongaso si fade e gbu lo si e kiri na lo peko ti sioni so lo sara na e”.

Jérémie 14:18

Tongana mbi gue na yaka, mbi yeke baa gi azo so akui na lege ti bira. Tongana mbi kiri na ya ti gbata, mbi yeke baa gi azo so akui na lege ti nzara. Awayanga-Nzapa na awayango-sandaga atambula na ya ti kodro ni kue, me ala gi li ti ala daa gbaa.”

Abia (Psaumes) 31:13

Be ti azo agirisa na mbi tongana ti so be ti azo ayeke girisa na zo so akui awe. Mbi yeke tongana gbagba ta so a bi ni awe.

Mbeti ti Job 18:11

Mbage na mbage kue, kota mbeto agbu lo; mbeto ni ayeke mu peko ti lo na ndo so kue lo yeke gue daa.

Nzoni Tënë so Luc asu na mbeti 19:43

Biani, ambeni lango ayeke ga so awato ti mo ayeke bongbi sese aga koto, angoro mo kue. Ala yeke ngoro mo si ala yeke pete mo mbage na mbage kue.

Jérémie 8:14

“E ngba ti duti dutingo ngbanga ti nyen? E londo, e bongbi tere, e li na ya ti agbata so gbagba ti bira ayeke na tere ni, e duti kâ ti ku kuâ ti e ma! Biani, KOTA GBIA, Nzapa ti e aye gi kuâ ti e; lo ye titene e nyon gi ngu so sioni yoro ayeke daa, ngbanga ti so e sara siokpari ti ke lo.

Jérémie 4:10

Tongaso mbi tene: ‘Ae Kota Gbia NZAPA! Biani, mo handa azo ti kodro so awe; mo handa nga azo ti Jérusalem, mo tene: Ala yeke duti na siriri! Andaa gi zeme laa ayeke na go ti e!’ ”

Jérémie 4:5

Ala to mbela na sese ti Juda kue, ala to mbela nga na ya ti Jérusalem. Ala huru didi na ya ti kodro ni kue, ala dekongo ngangu, ala tene: “Ala azo, ala bongbi tere ti ala, ala li na ya ti agbata so gbagba ti bira ayeke na tere ni!”

Ésaïe 1:20

Me tongana ala ke si ala sara ngangu li, ala yeke kui ande kuâ ti yongoro zeme.” Tënë so asigigi na yanga ti KOTA GBIA laa.

2 Mbai 15:5

Na ngoi ni so, zo alingbi ti fono na siriri pepe, ngbanga ti so kota wusuwusu ayeke na popo ti azo ti kodro kue.

Jérémie 30:5

“Tënë so KOTA GBIA atene ayeke so: E ma dekongo ti ye ti mbeto; ye ti kota mbeto laa, me ti siriri pepe.

Jérémie 46:5

Me nyen laa asi, nyen? Nyen laa mbi yeke baa so, nyen? Be ti azo ni afun kue awe, ala yeke kiri na peko! A kinda angangu zo ti bira ti ala awe; ala yeke kpe kirikiri, ala baa ndo na peko pepe; mbeto ayeke mbage na mbage kue; so tënë ti yanga ti KOTA GBIA laa.

Abia ti demango tere 2:22

Azo so alango nduru na mbi si mbeto ti ala agbu mbi mingi so, mo tisa ala ti ga na tere ti mbi, mo baa mo tene, azo na lango ti matanga. KOTA GBIA, na lango so ngonzo ti mo alondo, zo oko ti kpe ti soo kuâ ayeke daa pepe, zo oko ti ngba na fini ayeke daa pepe. Amolenge so mbi bata ala si ala kono na da ti mbi so, awato aga afâ ala, ahunzi ala kue!

Jérémie 8:15

E yeke ku fade titene e duti na siriri, me mbeni nzoni ye oko ayeke daa pepe. E yeke ku fade mbeni ngoi titene kobela ti e akai, me gi kota mbeto laa aga.

Jérémie 49:5

Mbi yeke sara titene kota mbeto aga na ndö ti mo; mbeto ni ayeke londo mbage na mbage kue si aga na ndö ti mo; so tënë ti yanga ti Kota Gbia NZAPA so ayeke na ndö ti dunia kue laa. Fade ala yeke kangbi kirikiri si zo oko oko akpe, lo baa ndo na peko pepe. Azo so ayeke kpe, zo oko ti bongbingo ala ayeke daa pepe.

Ezekiel 7:18

Ala yeke yu bongo ti mua, ala yeke do na mbeto. Kamene ayeke gbu le ti ala, ala yeke kio kua ti li ti ala.

Ezekiel 21:17

Molenge ti zo, mo toto, mo dekongo ngangu! A tokua yongoro zeme so na tere ti azo ti mbi, nga na tere ti amakonzi kue ti Israel. Biani, fade a yeke fâ ala legeoko na azo ti mbi ni. Mo zia maboko na ndö ti go ti mo ti fa vundu ti be ti mo.