Jérémie 51:20 - Mbeti ti Nzapa - Tënë so amu fini

²⁰ “Babilone, lani mo yeke martoo, mo yeke ye ti bira ti mbi. Mbi mu mo ti nika amara nde nga ti buba akodro-gbia.

Jérémie 51:20 Referans Kwoze

Mishe 4:13

“Ala azo ti Jérusalem, ala londo, ala gue, apika ale ti kobe ni! Fade mbi yeke sara titene ala ga ngangu tongana bagara so adidi ti lo ayeke na wen si asokoto ti gere ti lo ayeke na bengba wen. Fade ala yeke nika amara gbani gbani; aye so ala gbu na peko ti bira, ala zia ni nde ndali ti mbi, KOTA GBIA; amosoro ti azo ni, ala zia ni nde ndali ti mbi, Kota Gbia ti sese kue.”

Ésaïe 37:26

Senakerib, mo hinga pepe? Mbi leke aye so ngbene ye aninga awe, mbi leke pialo ni na be ti mbi giriri. Fadeso mbi yeke sara aye ni. Ti mo, ayeke ti sara si agbata so ngangu gbagba ayeke na tere ni aga gba ti atêne.

Matthieu 22:7

Ngonzo agbu gbia ni si lo tokua aturugu ti lo, ala gue, afâ azo ti fango zo so si ala gbi gbata ti ala kue.

Jérémie 50:23

Mara ti ye tongaso alingbi ti si? Babilone ayeke ando tongana martoo so ayeke nika aye ti sese kue; laso, a nika lo awe, lo ga fuku! Mara ti ye tongaso alingbi ti si? Na popo ti amara kue, Babilone aga ngonda.

Jérémie 25:9

mbi yeke tokua titene a gi amara ti mbage ti Banga kue, so tënë ti yanga ti KOTA GBIA laa. Mbi yeke iri zo ti kua ti mbi Nabukodonosor, gbia ti Babilone, titene lo ga. Mbi yeke sara titene azo ni aga atuku na ndö ti kodro so; ala ga na tere ti azo ti kodro ni nga na tere ti amara so kue angoro kodro ni. Mbi yeke hunzi ala na amara ni kue. Mbi yeke sara si kodro ni ati biani biani si aga ye ti dongo be. Na bango kodro ni, fade azo ayeke huru yanga ti ala; so tënë ti yanga ti KOTA GBIA laa.

Ésaïe 10:5

*KOTA GBIA atene: “Mawa na Asirii! Lo yeke tongana nduru keke ti ngonzo ti mbi; tongana lo gbu keke so na maboko ti lo, andaa sioni ngonzo ti mbi laa.

Jérémie 25:11

Fade kodro so kue ayeke ga ndo ti gba ti atêne si ayeke ga ye ti dongo be. Na ya ti ngu balembarambara, amara ni kue ayeke duti na gbe ti komandema ti gbia ti Babilone.

Ésaïe 10:15

Do ayeke pika kate ti lo na zo so amu do ni ti sara na kua? Sii ayeke fa baba na zo so ayeke sara kua na ni? Ye ni ayeke tongana nduru keke so ayingi fade zo so ayo keke ni na nduzu, wala tongana keke so ayo fade na nduzu zo so amu ni ti sara na kua!

Ésaïe 13:5

Aturugu ni alondo na kodro yongoro si aga, ala londo yongoro kâ na nda ti sese. KOTA GBIA na azo so ayeke fa ngonzo ti lo ayeke ga ti buba kodro ni kue.

Ésaïe 8:9

Ala azo, ala do na mbeto, fade a yeke nika ala! Ala azo so alango yongoro, ala dingi mê ti ala, ala ma! Ala leke tere ti ala ti tiri bira, fade a yeke nika ala! Ala leke tere ti ala ti tiri bira, fade a yeke nika ala!

Ésaïe 45:1

Tënë so *KOTA GBIA atene na Sirus, gbia so lo soro lo ayeke so: “Mbi gbu mo na maboko ti mo ti koli ti kinda amara nde na gbe ti mo, ti zi na maboko ti agbia komandema ti ala, ti zi ayanga ti gbagba ti agbata so akanga kangango na dawa ti mo.

Ezekiel 21:31

Tënë so mbi Kota Gbia NZAPA, mbi tene ayeke so: Fade a yeke zi bongo so a yeke kanga na li ti mo tongana kpoto, a yeke zi kpoto ti mo ti gbia. Ye kue ayeke ga nde! Asenge zo ayeke duti na kota ndo, akota zo ayeke ga asenge zo.

Mishe 4:12

Tënë so ayeke na be ti KOTA GBIA, azo ni ahinga ni oko pepe; ye so lo leke na be ti lo ti sarango ni, ala hinga ni oko pepe: lo ye ti bongbi ala tongana ti so a yeke bongbi ale ti kobe na le ti lakere titene a pika ni so.

Nahum 2:1

Ala azo ti Juda, baa mbeni zo alondo na ndö ti ahoto ayeke ga, lo yeke ga na nzoni tënë: lo yeke tene tënë ti siriri! Ala sara amatanga ti ala, ala sara ye alingbi na zendo so ala mu na Nzapa. Zo ti sioni pialo ti bubango ndo so ayeke kiri ti hon na ya ti kodro ti ala pepe; ti lo ahunzi biani biani awe.

Zakarii 10:4

Amakonzi nde nde ayeke sigigi ande na popo ti azo ti mara ti Juda; ala yeke duti ande tongana ngangu têne ti gere ti da, tongana keke ti gbungo-li ti da ti bongo, tongana kokora ti tiringo na bira.

Ezekiel 21:11

Ti mo, molenge ti zo, mo ba li ti mo na sese na kota mawa na be ti mo, mo dema! Fade mo yeke dema na le ti azo kue.