Jérémie 50:8 - Mbeti ti Nzapa - Tënë so amu fini

⁸ Ala sigigi na Babilone, ala kpe! Ala sigigi na ngangu na ya ti kodro ni! Ala sara tongana akoli-ngasa so atambula na dawa ti amba ti ala.

Jérémie 50:8 Referans Kwoze

Jérémie 51:6

Ala azo, ala sigigi na ya ti Babilone, ala kpe ahon! Ayeke nzoni zo oko oko asoo fini ti lo; tongaso si ala kui ndali ti sioni ti lo pepe. Biani, ndembe titene KOTA GBIA akiri na kodro ni peko ti sioni ti lo alingbi awe. Lo futa kodro ni alingbi na ye so lo sara.

Ésaïe 48:20

Ala londo na Babilone asigigi! Ala londo hio na popo ti azo ni, ala kpe! Ala dekongo na ngia, ala fa tënë so, ala to mbela na ni ngbii asi na nda ti sese kue, ala tene: “*KOTA GBIA azi Jacob, zo ti kua ti lo awe.”

Aye so Nzapa afa 18:4

Mbi kiri mbi ma mbeni go so alondo na yayu, atene: “Ala sigigi! Azo ti mbi, ala sigigi na ya ti gbata so, tongaso si ala bongbi na lo ti sara asiokpari ti lo pepe, tongaso si aye ti sioni so a leke ndali ti lo so asi na ala pepe.

Jérémie 51:45

Ala azo ti mbi, ala sigigi na ya ti gbata ni! Ayeke nzoni zo oko oko asoo fini ti lo si lo kpe ngonzo ti mbi ti wâ!

2 Korente 6:17

Ndani laa *Kota Gbia Nzapa atene: “Ala sigigi na popo ti azo ni, ala duti yongoro! Ala ndu mbeni ye ti *sioni oko pepe, tongaso, fade mbi yeke yamba ala.”

Ésaïe 52:1

*Sion, zingo, zingo hio si! Mo fa ngangu ti mo! Jérusalem, gbata so ayeke nde si ayeke nzoni kue, yu apendere bongo ti mo! Biani, azo so afâ *ganza pepe nga na azo so aga *sioni awe ayeke kiri ti si na ndo ti mo pepe.

Amato 30:31

koli-kondo: lo yeke tambula na baba, wala koli-ngasa, na gbia so atambula na le ti aturugu ti lo.

Wungo ti azo 16:26

Lo tene na azo ti Israel, lo tene: “Ala hon yongoro na tere ti ada ti bongo ti azo ti sioni so; ala mu mbeni ye ti azo ni so oko pepe, ngbanga ti ala kui ndali ti siokpari ti azo ni.”

Ésaïe 52:11

Ala so ayeke yo akungba so a zia nde ndali ti kua ti *KOTA GBIA, ala hon, ala hon, ala londo na Babilone, ala hon! Ye so ayeke sioni, ala ndu ni pepe. Ala bata tere ti ala *nzoni na sigingo ti ala.

Zakarii 2:11

He, ala azo ti *Sion, ala londo, ala kpe, ala so aduti kâ na Babilone so!”