Jérémie 5:6 - Mbeti ti Nzapa - Tënë so amu fini

⁶ Ndani laa fade abamara ti gbako ayeke gbu ala, ambo ti benyama ayeke suru ya ti ala. Aze ayeke ku ala na tere ti agbata ti ala. Azo so kue alondo na ya ti agbata ni ti sigigi, aze ni ayeke gbu ala si ayeke suru ya ti ala, ngbanga ti so ala sara ngangu li ahon ndoni; ala sara aye gbani gbani so ake Nzapa.

Jérémie 5:6 Referans Kwoze

Sofonii 3:3

Amakonzi ti lo ayeke tongana abamara so ayeke toto; awafango-ngbanga ti lo ayeke tongana ambo ti ngonda so ate kobe ti ala ti lakui kue si na ndaperere, ala yeke na ye oko ti tengo ni pepe.

Habakuk 1:8

Ambarata ti ala ayapu na loro ahon ze, ala yeke hon hio na bira tongana ambo ti ngonda so ayeke gi anyama na lakui. Azo ti kpengo na mbarata ti ala alondo yongoro si ala ga, ala mu ndo kue, ala yeke huru tongana *ngoalo so ayeke huru ti ti na ndö ti nyama.

Jérémie 4:7

Bamara alondo na ya ti gbako ti lo si ayeke sigigi. Zo ti bubango kodro ti amara nde alondo awe, lo yeke ga. Lo londo na ndo ti lo si lo yeke ga ti buba kodro ti mo; fade lo yeke sara si agbata ti mo aga ngonda si zo ayeke daa mbeni pepe.

Ezekiel 22:27

Amakonzi ti ala ayeke tongana ambo ti ngonda so ayeke suru ya ti nyama so ala gbu; ala yeke tuku mene ti azo, ala yeke fâ azo titene ala nzi aye ti ala.

Aye so Nzapa afa 13:2

Nyama so mbi baa lo so akpa ze. Gere ti lo akpa ti *urse si yanga ti lo akpa ti bamara. Sioni nyama ni, lo so akpa ngunde so, lo mu na nyama ni ngangu ti lo, mbata ti lo ti gbia nga na kota komandema ti lo.

Osée 5:14

Biani, fade mbi Kota Gbia, mbi yeke duti tongana bamara ndali ti Efraim, tongana kete bamara ndali ti Juda. Mbi laa, mbi yeke suru ya ti ala, na pekoni, mbi yeke mu ala ti gue na ala tongana taba so a fâ lo, zo oko ti gboto ala na maboko ti mbi ayeke daa pepe.”

Daniel 7:6

Na pekoni mbi baa ndo, mbi baa mbeni nyama so ayeke tongana ze. Akpangi osio ayeke na ndö ti peko ti lo tongana ti ndeke. Li ti lo ayeke osio si a mu na lo ngangu ti sara komandema.

Daniel 7:4

Kozo nyama ni ayeke tongana bamara, me akpangi ti lo ayeke tongana ti *ngoalo. So mbi ngba ti baa ndo, andaa a zi akpangi ti lo ni awe; a yo lo na nduzu na ndö ti sese, lo luti na ndö ti gere ti lo tongana zo si a mu na lo hingango ndo ti zo.

Ezekiel 23:19

Me lo kiri lo sara ye ti ndumba ahon ndoni, tongana ti so lani lo sara na Ezipte na ngoi so lo de maseka.

Ezekiel 16:25

Na asangbi-lege oko oko kue, mo sara mbeni ndo na nduzu, mo mu pendere ti mo ti sara na sioni ye so zo alingbi ti baa na le ti lo fani use pepe. Mo zia tere ti mo na akoli so kue ayeke hon na lege; sarango aye ti ndumba ti mo ayeke gue guengo na nduzu.

Abia ti demango tere 1:5

Awato ti Sion ahon ndö ti lo na bira awe; azo ti kengo gbata ti Sion aduti nzoni. Ndali ti gba ti asioni so azo ti Sion asara, *KOTA GBIA azia ala na ya ti mawa. Nilaa, awato ti lo agbu amolenge ti kodro ni si ague na ala na kodro wande.

Jérémie 49:19

KOTA GBIA atene: “Mbi yeke duti tongana bamara so asigigi na ya ti pere ti yanga ti ngu ti Jourdain ti gue na ndo so anyama ayeke wara fini pere daa. Gi hio tongaso, mbi yeke sara si azo ni kue alondo ahon. Na pekoni, mbi yeke zia na ndö ti Edom makonzi so mbi yeke soro lo. Biani, zo wa laa alingbi na mbi, zo wa? Zo wa laa alingbi ti gue na mbi na gbe ti ngbanga, zo wa? Zo ti li ni wa laa alingbi ti gbu le ni na mbi, zo wa?”

Jérémie 30:24

Ngonzo ti wâ ti KOTA GBIA ayeke kai ande pepe, ngbii ye so lo leke na be ti lo ti sara, lo sara ni kue si. Gbanda si ala yeke ma ya ti tënë so nzoni.

Jérémie 30:14

Andeko ti mo kue, be ti ala agirisa na mo awe, ngbanga ti ala ayeke na mo mbeni pepe. Biani, mbi pika mo, mo baa mo tene, mbi yeke fade wato ti mo. Mbi pika mo ngangu, ngbanga ti so sioni ti mo ahon ndoni, siokpari ti mo awu mingi.

Jérémie 25:38

mo baa mo tene, bamara so azia ndo ti lo si ahon. Kodro ti ala aga tongana benyama ndali ti aye ti mawa so bira abi ni kâ; nga ndali ti ngonzo ti wâ ti KOTA GBIA.

Jérémie 14:7

“Tongana asioni ti e ayeke bi tënë na li ti e, ayeke nzoni KOTA GBIA, mo sara mbeni ye ndali ti iri ti mo. Biani, e zia mo fani mingi; e sara sioni so ake mo.

Jérémie 2:19

Fade sioni ti mo wani ayeke kiri na li ti mo. Mo zia mbi awe; fade mo yeke wara ye ti peko ni! Tongaso si mo hinga, mo tene, ziango KOTA GBIA Nzapa ti mo, ayeke sioni si ayeke ye ti vundu mingi; tongana mo kpe mbeto ti mbi pepe, so ayeke ye ti vundu mingi!” So tënë ti yanga ti KOTA GBIA so ayeke na ndö ti dunia kue laa.

Jérémie 2:17

Ye so kue asi na mo gi ndali ti mo wani pepe? Ye ni asi ndali ti so mo zia KOTA GBIA, Nzapa ti mo na ndembe so lo yeke fa lege na mo.

Jérémie 2:15

Abamara atoto na ndö ti lo awe; ala toto ngangu. Azo asara si kodro ti lo aga ngonda; ala gbi agbata ti lo, zo ayeke daa mbeni pepe.

Ésaïe 59:12

Biani *KOTA GBIA, fani mingi, e ke ndia ti mo. Asiokpari ti e abi tënë na li ti e; lakue kengo ndia ti e agbu tere ti e si aga ye oko; e hinga asioni ti e:

Abia (Psaumes) 104:20

Mo sara vukongo ndo, so bi laa; na ndembe so laa anyama ti ngonda kue ayeke fono;

Esdras 10:10

Wayango-sandaga Esdras alondo si lo tene na ala: “Azo ti Israel, ala sara ye so ayeke sioni mingi na lege so ala mu awali so ayeke awande ti ga awali ti ala. So ayeke mbeni siokpari so ala zia na ndö ti asiokpari so azo ni asara awe.

Esdras 9:6

mbi sambela, mbi tene: “Nzapa ti mbi, kamene ahon ndö ti mbi tongana mbi yo le ti mbi na nduzu ti baa ndo na mbage ti mo. Siokpari ti e ayeke gbani gbani, ahon ndö ti li ti e; sioni ti e ague ngbii akpo le ti nduzu.

Wungo ti azo 32:14

Ala, mara ti azo ti sarango siokpari so, ala ye ti mu peko ti sarango ye ti ababâ ti ala titene ngonzo ti KOTA GBIA alondo na tere ti azo ti Israel?

Abia (Psaumes) 80:13

Mo kungbi gbagba so ayeke na tere ti keke ni ngbanga ti nyen? Azo so kue ayeke hon na lege ayeke nzi ale ni;

Jérémie 8:5

Biani, azo ti Jérusalem agirisa lege awe; ngbanga ti nyen si ala ngba ngbango na ndö ti sioni lege so ala mu ni so? Ala gbu tënë ti anzapa ti mvene ti ala ni ngangu; ala ke ti kiri na mbi.

Jérémie 30:15

Ngbanga ti nyen si mo yeke toto ndali ti kpale so asi na mo? Ndali ti ka ti mo so aso mingi so? Mbi sara si aye ni so asi na mo, ngbanga ti so sioni ti mo ahon ndoni, siokpari ti mo awu mingi.

2 Mbai 36:14

Amakonzi kue ti awayango-sandaga na amakonzi ti azo ti kodro akiri asara sioni mingi ahon ndoni. Ala mu gi peko ti asioni sarango ye ti amara nde, asioni ye so zo alingbi ti baa na le ti lo fani use pepe. Ala sara si kota da ti KOTA GBIA aga *sioni, da so KOTA GBIA azia nde ndali ti lo si ayeke na Jérusalem so.

Mbeti ti Job 10:16

Tongana mbi ye ti yo li ti mbi na nduzu, mo yeke tumba peko ti mbi tongana bamara. Lakue, mo yeke kiri ti nika mbi na lege ti kota ngangu ti mo.

Ésaïe 1:23

Amakonzi ti mo ayeke azo ti ngangu li, ala yeke sara songo na azo ti nzi. Ala kue aye tënë ti goro, ala yeke kpe na peko ti aye so azo ayeke mu na ala na hondengo ni; ala yeke fâ ngbanga ti nyindu na legeni pepe, tënë ti wali-mua ayeke gbu be ti ala pepe.

Jérémie 2:31

– Ala, azo ti fadeso, ala ma tënë ti KOTA GBIA mbirimbiri! – Ala, azo ti Israel, mbi ga tongana benyama ndali ti ala? Wala kodro so ndo avuko daa pitipiti? Ala, azo ti mbi, ndani nyen si ala yeke tene: ‘E yeke gue na ndo so be ti e aye, e yeke kiri na mo mbeni pepe’ so?

Jérémie 8:7

Ataa sigonye so ayeke huru na le ti nduzu, lo hinga ngoi so lo yeke londo ti hon na mbeni ndo yongoro; ataa *kolokoto na hirondele nga na grive, ala hinga ngoi so ala yeke kiri ka na ni. Me azo ti mbi abaa andia ti mbi tongana senge ye.”