Jérémie 44:19 - Mbeti ti Nzapa - Tënë so amu fini

¹⁹ Awali ni akiri atene: “So e yeke zö dukani si e yeke tuku samba ti mu na sandaga na gbia-wali ti yayu so, akoli ti e ayeda na ni na e pepe? So e yeke sara agatoo so akpa gbia-wali ni si e yeke mu sandaga ti samba na lo so, akoli ti e ahinga ni pepe?”

Jérémie 44:19 Referans Kwoze

Jérémie 7:18

Amolenge ayeke ro akeke ti wâ, ababâ ayeke tingo wâ, awali ayeke pete ya ti farini na ngu ti sara na agatoo titene ala mu na gbia-wali ti yayu. Ala yeke tuku samba na sese ti mu na *sandaga na anzapa nde titene ala zia ngonzo na be ti mbi.

Jérémie 44:15

Akoli so kue ahinga atene, awali ti ala ayeke mu *sandaga na anzapa nde, ala na awali so abongbi gbani gbani na ndo so; so ti tene azo so kue aga ti duti na Ezipte nga na Patros atene na Jérémie:

2 Mbai 21:6

Lo mu peko ti sarango ye ti agbia ti Israel tongana ti so azo ti sewa ti Akab asara, ngbanga ti so lo mu mbeni molenge ti Akab ti ga wali ti lo. Lo sara ye so ayeke sioni na le ti *KOTA GBIA.

1 Agbia 21:25

Mbeni zo ti ka tere ti lo ti sara sioni na le ti KOTA GBIA tongana Akab ayeke daa laoko pepe. Biani, wali ti lo Yezabel laa ayeke pusu lo ti sara sioni.

Tongo nda ti aye 3:6

Wali ni abaa so ale ti keke ni ayeke nzoni titene zo ate ni; ayeke pendere titene zo abaa ni si ayeke nzoni ti sara si zo ahinga ndo. Lo mu mbeni le ni, lo te, lo mu nga na koli ti lo so ayeke na tere ti lo si lo kue, lo te ni.

Amato 11:21

Taa-tënë, fade zo ti sioni ayeke wara ngbanga ti sioni ti lo; me azo ti mbirimbiri kue ayeke sigigi daa.

Jérémie 44:20

Tongaso Jérémie atene na azo ni kue, akoli na awali so akiri tënë tongaso na lo so, lo tene:

Wungo ti azo 30:8

tongana koli ti lo ama tënë ni, me lo zi yanga daa pepe na lango ni so, alingbi maseka-wali ni asara ye kue alingbi na zendo so lo mu.

Wungo ti azo 30:12

tongana koli ti lo ama tënë ni si lo zi yanga daa pepe, lo ke ni pepe, alingbi wali ni asara ye alingbi na dengo ba ti yanga ti lo, lo sara ye alingbi na zendo so lo mu.