Jérémie 44:11 - Mbeti ti Nzapa - Tënë so amu fini

¹¹ Jérémie akiri atene: “Ndani laa, tënë so KOTA GBIA so ayeke ndö ti dunia kue, Nzapa ti Israel atene ayeke so: ‘Mbi leke na be ti mbi ti sara sioni na ala si mbi yeke hunzi azo ti Juda kue.

Jérémie 44:11 Referans Kwoze

Jérémie 21:10

So tënë ti yanga ti KOTA GBIA laa: Mbi wani, mbi yeke kiri na ndö ti gbata so ti sara sioni na ni, me nzoni pepe. Fade a yeke zia gbata ni na maboko ti gbia ti Babilone, lo yeke bi wâ daa.”

Amos 9:4

Tongana awato ti ala agbu ala ague na ala na kodro wande, kâ, mbi yeke mu yanga si a fâ ala kue. Le ti mbi ayeke ngba na ndö ti ala, mbi yeke sara sioni na ala, me mbi yeke sara nzoni na ala pepe.”

Abia (Psaumes) 34:16

Le ti KOTA GBIA ayeke na ndö ti azo ti mbirimbiri, mê ti lo ayeke ma dekongo ti ala.

Awayango-sandaga 26:17

Fade mbi yeke ga na tere ti ala; awato ti ala ayeke kinda ala. Azo so ake ala ayeke ga ti sara komandema na ndö ti ala; ti ala, ala yeke kpe, ataa so mbeni zo atumba peko ti ala pepe.

Awayango-sandaga 17:10

“Tongana mbeni zo ti Israel, wala mbeni wande so ayeke duti na popo ti ala ate mene, ataa mara ti mene wa, fade mbi KOTA GBIA, mbi yeke ga na tere ti lo, mbi yeke zi lo na popo ti bongbi ti azo ti Israel.

Ezekiel 15:7

Mbi yeke be le na ala. Ala baa ti ala atene, ala sigigi na ya ti wâ awe, me fade wâ ayeke gbi ala kue. Tongaso, ala azo ti Jérusalem, fade ala yeke hinga atene, mbi laa mbi yeke KOTA GBIA, mbi so mbi be le na azo ni.

Jérémie 44:26

Ala azo ti Juda kue, ala so ayeke na kodro ti Ezipte so, ala ma tënë ti KOTA GBIA! Mbi deba na iri ti mbi so ayeke kota: na ya ti Ezipte kue, mbeni zo ti Juda ayeke kiri ti mu iri ti KOTA GBIA ti deba na ni pepe, atene: ‘Kota Gbia NZAPA ayeke na fini!’