Jérémie 41:18 - Mbeti ti Nzapa - Tënë so amu fini

¹⁸ titene ala kpe azo ti Babilone so ala sara mbeto ti ala. Biani, Ismael afâ lani Gedalia, molenge ti Ahikam, lo so gbia ti Babilone azia lo na li ti kodro ni.

Jérémie 41:18 Referans Kwoze

Jérémie 40:5

So Jérémie ade ti gue pepe, Nebuzaradan akiri atene na lo: “Mo lingbi ti kiri na tere ti Gedalia, molenge ti Ahikam, molenge ti Shafan. Gbia ti Babilone azia Gedalia titene lo ga govoronere ti agbata ti Juda. Mo na lo aduti na popo ti azo ti agbata ni, wala mo gue na ndo so kue mo baa nzoni na le ti mo.” Makonzi ti aturugu ni amu na Jérémie kobe ti tengo ni na lege; lo mu nga na lo amatabisi si lo zia lege na lo ti gue.

Jérémie 42:16

bira so ala yeke sara mbeto ni so, fade ayeke wara ala kâ; nzara so ayeke sara si ala yeke gi be ti ala mingi so, fade ayeke tumba peko ti ala ti wara ala kâ; kâ laa ala yeke kui.

Jérémie 42:11

Fadeso ala kiri asara mbeto ti gbia ti Babilone pepe, lo so mbeto ti lo ahon ndö ti ala so. Ala sara mbeto ti lo pepe! So tënë ti yanga ti KOTA GBIA laa. Biani, mbi yeke na ala ti soo ala, ti zi ala na maboko ti lo.

Ésaïe 57:11

Zo wa laa azia lani mbeto na be ti mo, zo wa laa mo sara mbeto ti lo si mo handa mbi, be ti mo agirisa na mbi so? Mo kiri mo dabe ti mo na mbi pepe so? Aninga mingi mbi zi yanga pepe, ndani laa mo yeke kpe mbeto ti mbi pepe so?

2 Agbia 25:25

Me na nze mbarambara ni, Ismael, molenge ti Netania, molenge ti Elishama amu azo baleoko na peko ti lo si ala ga na tere ti Gedalia na gbata ti Mispa. Ismael ayeke zo ti sewa ti gbia. Lo na azo baleoko so ayeke na peko ti lo apika Gedalia si lo kui; ala fâ nga azo ti Juda na azo ti Babilone so ayeke na tere ti lo na Mispa.

Jérémie 42:1

Tongaso amakonzi kue ti aturugu, mbirimbiri Yohanan, molenge ti Karea, lo na Yezania, molenge ti Hoshaya nga na azo so kue ayeke na ndo so, akete zo na akota zo, ague nduru na

2 Agbia 25:22

Nabukodonosor, gbia ti Babilone azia lani ambeni zo angba na kodro ti Juda. Lo mu Gedalia, molenge ti Ahikam, molenge ti Shafan ti ga govoronere ti azo ni.