Jérémie 4:24 - Mbeti ti Nzapa - Tënë so amu fini

²⁴ Mbi baa ahoto: ala yeke yingi si akete hoto kue ayeke do.

Jérémie 4:24 Referans Kwoze

Ezekiel 38:20

Asusu ti kota ngu-ingo, andeke ti nduzu, anyama ti ngonda, anyama so kue ayeke hara harango nga na azo kue ti ndö ti sese, tere ti ala ayeke do na mbeto na dawa ti mbi. Ahoto ayeke ti na sese, atêne ayeke tuku na sese, agbagba kue ayeke ti na sese.

Jérémie 10:10

Me KOTA GBIA ayeke taa Nzapa, lo yeke Nzapa so ayeke na fini, lo yeke gbia kpu na kpu. Tongana lo sara ngonzo, sese ayeke yingi; tongana le ti lo abe na ngonzo, amara nde alingbi ti kanga be ti ala pepe.

Ésaïe 5:25

Ndani laa ngonzo ti *KOTA GBIA alondo tongana wâ na tere ti azo ti lo. Lo yo maboko ti lo na nduzu ti pika ala. Ahoto ayingi, kuâ ti azo ni alango na ndö ti lege tongana zende. Ataa so kue, ngonzo ti KOTA GBIA akai pepe, maboko ti lo angba gi na nduzu.

Mishe 1:4

Ahoto aga tongana potopoto na gbe ti gere ti lo, apopo-hoto ayeke suru si aga tongana puru ti wotoro na le ti wâ, wala tongana ngu so atuku na ndö ti hoto si ayeke zu na gbeni.

Abia (Psaumes) 97:4

Awâ ti bekpa ti lo aza na ndö ti dunia kue, azo ti sese abaa ni si tere ti ala ado.

Abia (Psaumes) 18:7

Na ya ti ye ti ngangu so asi na mbi, mbi iri KOTA GBIA titene lo mu na mbi maboko, mbi dekongo na Nzapa ti mbi. Kâ na ya ti kota da ti lo, lo ma go ti mbi; so mbi dekongo na lo, dekongo ni asi na mê ti lo.

1 Agbia 19:11

KOTA GBIA atene na lo: “Sigigi! Gue mo luti na dawa ti mbi na ndö ti hoto. Mbi KOTA GBIA, mbi yeke ga ti hon.” Kozo titene KOTA GBIA ahon, mbeni kota pupu aya ngangu mingi, asuru ya ti ahoto si afâ ya ti atêne; me KOTA GBIA ayeke na ya ti pupu ni pepe. Na peko ti pupu ni, sese ayingi; me KOTA GBIA ayeke na ya ti sese so ayingi so pepe.

Habakuk 3:10

Akota hoto abaa mo, ala yeke do na mbeto; kota ngu-Nzapa apika, amu ndo kue; kota ngu-ingo atoto, lo tuku *amapo ti lo kâ na nduzu.

Habakuk 3:6

Tongana lo luti, sese ayeke yingi. Tongana lo baa ndo, amara ayeke do na mbeto. Ahoto ti giriri, ya ni asungba, akete hoto ti giriri ayeke kungbi, ati na sese, akete hoto ni ayeke ando lege so lo yeke tambula daa.

Jérémie 8:16

Wato asi na sese ti Dan awe; so ambarata ti lo ayeke dekongo kâ, azo ayeke ma toto ni mango ge. Ndali ti toto ti ambarata ni, sese kue ayingi. Ala yeke ga, ala yeke buba kodro ni na aye ti ya ni kue; ala yeke buba gbata ni na azo ti ya ni kue.”

Abia (Psaumes) 77:18

Mbinda atuku gba ti ngu. Na le ti nduzu, bekpa atoto si ale ti kokora ti mo ahon na ndo kue.

Aye so Nzapa afa 6:14

Le ti nduzu arule tere ti lo si ayeke hon tongana mbeti so azo ayeke rule ni; ahoto na azoa kue alondo na ndo so ala yeke daa si ahon.

Sigingo 19:18

Guru ti wâ amu ndö ti hoto ti Sinai kue, ngbanga ti so KOTA GBIA azu na ndö ti hoto ni na ya ti wâ. Guru ni alondo tongana guru ti wâ ti mbeni fur; hoto ni kue ado ngangu mingi.

Jérémie 9:10

KOTA GBIA atene: “Mbi yeke sara titene Jérusalem aga ndo so ye kue abuba daa; ndo so aga ndo ti lango ti *anzagua. Mbi yeke sara si agbata ti Juda aga gi ngonda, ndo so zo ayeke daa mbeni pepe.”

Ésaïe 13:13

Ndani laa, fade yayu ayeke yingi si gere ti sese ayeke do na lege ti ngonzo ti KOTA GBIA so ayeke na ndö ti dunia kue, na lango so ngonzo ti lo ni ayeke londo tongana wâ.

Ésaïe 24:20

Sese ayeke hon mbage na mbage tongana zo so samba ahon ndö ti lo, ayeke yingi tongana mbeni kete da. Siokpari ti azo ane na ndö ti lo si lo ti, lo lingbi ti londo pepe.