Jérémie 39:9 - Mbeti ti Nzapa - Tënë so amu fini

⁹ Na pekoni, Nebuzaradan, makonzi ti aturugu ti batango gbia agbu tanga ti azo so angba na ya ti gbata ni, ala na azo so lani azia tere ti ala na gbia ti Babilone nga na tanga ti azo so angba si lo gue na ala na Babilone.

Jérémie 39:9 Referans Kwoze

Jérémie 40:1

Tënë ti *KOTA GBIA asi na Jérémie na peko ti so Nebuzaradan, makonzi ti aturugu ti batango gbia azi Jérémie si lo zia lege na lo ti londo na Rama ti hon. Na ndembe so Nebuzaradan agbu lani Jérémie, andaa a kanga lo na zingiri si lo yeke na popo ti azo ti Jérusalem na ti Juda so kue a gbu ala ti gue na ala na Babilone.

Tongo nda ti aye 37:36

Ti azo ti Madian, ala gue na Joseph na Ezipte si ala ka lo na Potifar, mbeni kota zo ti kua ti gbia Faraon; Potifar ayeke makonzi ti aturugu so ayeke bata gbia ni.

Jérémie 52:26

Nebuzaradan, makonzi ti aturugu ti batango gbia amu azo ni ague na ala na gbia ti Babilone, na gbata ti Ribla.

Jérémie 10:18

Biani, tënë so KOTA GBIA atene ayeke so: “Ti fadeso, mbi yeke bi azo ti kodro ni yongoro, tongana ti so a yeke bi ye na *mvingi; mbi yeke pete ala mbage na mbage si ala kpe ahon pepe.”

2 Agbia 25:20

Nebuzaradan, makonzi ti aturugu ti batango gbia amu azo ni ague na ala na gbia ti Babilone, na gbata ti Ribla.

2 Agbia 25:11

Na pekoni Nebuzaradan, makonzi ti aturugu ti batango gbia agbu tanga ti azo so angba na ya ti gbata ni, ala na azo so lani azia tere ti ala na gbia ti Babilone nga na tanga ti azo ti kodro ni si lo gue na ala na Babilone.

Jérémie 16:13

Ndani laa, mbi yeke tumba ala na kodro so ti bi ala na ya ti mbeni kodro nde so ala hinga ni pepe; ataa akotara ti ala ahinga kodro ni so pepe. Kâ, bi na lâ, fade ala yeke voro anzapa nde. Biani, mbi yeke sara nzoni be na ala oko pepe.’ ”

Ésaïe 5:13

Ndani laa KOTA GBIA atene: “Fade a yeke gbu azo ti mbi ti gue na ala na kodro wande, ngbanga ti so ala hinga ndo pepe. Akota zo ayeke kui nzara si asenge zo ayeke kui nzara ti ngu.”

2 Agbia 20:18

Na popo ti amolenge ti mo, ala so mo wani, mo du ala, fade a yeke mu ambeni ti gue na ala titene ala ga *ambaiwa na yangbo ti gbia ti Babilone.’ ”

Ndia ti fani use ni 4:27

Fade KOTA GBIA ayeke kangbi ala kirikiri na popo ti amara nde; wungo ti ala ayeke ngba gi kete na ya ti akodro so KOTA GBIA ayeke tumba ala daa.

Awayango-sandaga 26:33

Ti ala, mbi yeke tokua bira na tere ti ala si mbi yeke sara titene ala kangbi na popo ti amara nde. Kodro ti ala ayeke ga ngonda si agbata ti ala ayeke buba kue.

Jérémie 24:8

“Me ti asioni fige so akpa titene zo ate ni pepe, ngbanga ti ala yeke sioni ahon ndoni so, tënë so mbi KOTA GBIA, mbi tene ayeke so: Ye so zo ayeke sara na afige ni, gi ni laa mbi yeke sara na Sedesias, gbia ti Juda, lo na akota zo ti kodro ti lo, na tanga ti azo ti Jérusalem na ala so kue angba na ya ti kodro ni nga na ala so aduti fadeso na sese ti Ezipte.

Jérémie 38:19

Gbia Sedesias akiri tënë na Jérémie: “Mbi yeke na mbeto ndali ti azo ti Juda so ahon na mbage ti azo ti Babilone so: mbi hinga pepe, fade a yeke zia mbi na maboko ti ala si ala yeke he mbi.”

Jérémie 52:27

Gbia ti Babilone afâ ngbanga ti kuâ na li ti ala si lo fâ ala na Ribla, na sese ti Hamat. Lege so a gbu azo ti Juda a gue na ala na kodro wande, yongoro na sese ti ala laa.

Jérémie 40:7

Andaa ambeni makonzi ti aturugu, ala na aturugu ti ala angba na ya ti ngonda. Ala ma a tene, gbia ti Babilone amu Gedalia, molenge ti Ahikam azia lo na li ti kodro ni. Ala ma nga atene, gbia ni amu na lo akoli, awali, amolenge nga na awayere ti kodro ni, azo so a gue na ala na Babilone pepe, titene lo baa ndo na ndö ti ala.

Daniel 2:14

Daniel atene tënë na lege ti ndara nga na hange na Ariok, makonzi ti aturugu so ayeke bata gbia. Andaa Ariok amu fade lege ti gue ti fâ azo ti nganga so ayeke na Babilone.