Jérémie 39:2 - Mbeti ti Nzapa - Tënë so amu fini

² Na lango gumbaya ti nze osio ni ti ngu baleoko na oko ni, azo ti Babilone akoro mbeni du na ya ti gbagba ti gbata ni.

Jérémie 39:2 Referans Kwoze

Sofonii 1:10

So tënë ti yanga ti KOTA GBIA laa: na lango ni so, azo ayeke ma dekongo na yanga ti gbagba Ti-asusu; azo ayeke ma kota dekongo na ya ti Fini Vaka, ala yeke ma go ti aye so ati ngangu na ndö ti akete hoto.

Ezekiel 33:21

Na lango oku ti nze baleoko ni, na ngu baleoko na use ni, na peko ti so a gbu e, a gue na e na kodro wande, mbeni zo so angba na fini na peko ti so a mu gbata ti Jérusalem, aga si atene na mbi: “Gbata ni ati awe!”

Jérémie 5:10

Ala mondee na li ti agbagba ti azo ti mara ni, ala buba aye; me ala buba ye kue pepe! Ala fâ gi amaboko ti *vinye ti azo ni; amaboko ni so ayeke ti KOTA GBIA pepe.

Jérémie 1:3

Tënë ni akiri asi na lo na ngoi so Yoakim, molenge ti Yosias, ayeke gbia ti Juda ngbii asi na ngoi so Sedesias, mbeni molenge ti Yosias ayeke gbia ti Juda; ngbii asi na ya ti ngu baleoko na oko ni so lo le-gbia. Na ngu ni so, na ya ti oku nze ni si a gbu azo ti Jérusalem, a gue na ala na kodro wande.

Jérémie 32:1

Tënë ti *KOTA GBIA asi na Jérémie na ngu baleoko ni so Sedesias ayeke gbia ti Juda; ngu ni so alingbi na ngu baleoko na miombe ni so Nabukodonosor ayeke gbia ti Babilone.

Jérémie 34:22

Mbi yeke mu yanga titene aturugu ni akiri aga ti li na ya ti gbata ni, ala tiri bira na gbata ni, ala mu ni si ala gbi ni na wâ. Fade mbi yeke sara si agbata ti Juda aga ndo so ye kue abuba daa si zo ayeke daa mbeni pepe.” So tënë ti yanga ti KOTA GBIA laa.

Jérémie 37:8

Azo ti Babilone ayeke kiri ti ga, ala yeke tiri bira na gbata so, ala yeke mu ni si ala yeke bi wâ daa.

Ezekiel 4:3

Mo mu mbeni kota le ti wen, mo zia ni aluti na popo ti mo na gbata ni. Mo baa ndo na mbage ti gbata ni si le ti mo angba gi na ndö ni: mo laa mo yeke sara bira na gbata ni. Aye so kue aye ti fa mbeni ye ti gbotongo mê ti azo ti Israel.

Ezekiel 5:2

Tongana lango so awato angoro gbata ni ti mu na bira alingbi awe, fade mo yeke mu kozo mbage ni, mo gbi ni na be ti gbata ni. Mo yeke mu use mbage ni, mo fâ ya ni na yongoro zeme, mo ngoro na gbata ni kue. Mo yeke mu ota mbage ni, mo tuku ni na le ti nduzu si pupu amu ahon na ni; ti mbi, fade mbi yeke gboto yongoro zeme ti mbi ti tumba na peko ni.

Zakarii 8:19

Tënë so KOTA GBIA so ayeke na ndö ti dunia kue atene ayeke so: “Alango ti kengo kobe so ala azo ti Juda, ala yeke ke na ya ti osio nze ni, oku nze ni, mbarambara nze ni nga na nze baleoko ni ti ngu oko oko, fade alango ni so ayeke kiri ti ga alango ti matanga, alango ti ngia na ti kota ngia nga na ti nzoni matanga. “Me ayeke nzoni ala ye taa-tënë nga na siriri.”