Jérémie 37:14 - Mbeti ti Nzapa - Tënë so amu fini

¹⁴ Jérémie akiri tënë: “Mvene! Mbi yeke kpe ti kiri na mbage ti azo ti Babilone pepe!” Me Iria aye ti ma tënë so oko pepe; lo gbu Jérémie si ague na lo na akota zo ti lo.

Jérémie 37:14 Referans Kwoze

Abia (Psaumes) 27:12

Azo so ayeke na nzara ti sara sioni na mbi, mo zia mbi, mbi ti na maboko ti ala pepe. Biani, azo alondo ti bi tënë ti mvene na li ti mbi, ala diko sioni tënë na tere ti mbi.

1 Pierre 3:16

Ala kiri tënë na azo ni na ngangu pepe, ala ne azo ni. Alingbi mbeni sioni ye oko aduti na be ti ala pepe. Tongaso, taa ye so azo ayeke bi tënë na li ti ala senge senge ndali ni, kamene ayeke gbu azo so atene sioni tënë na tere ti ala ndali ti nzoni dutingo ti ala oko na Christ.

Nzoni Tënë so Luc asu na mbeti 6:26

Mawa na ala, ala so azo kue ayeke tene nzoni tënë ti ala! Biani, akotara ti ala asara ando gi tongaso na awayanga-Nzapa ti mvene!”

Abia (Psaumes) 35:11

Azo alondo ti bi tënë ti mvene na li ti mbi, ala hunda mbi na ndö ti ye so mbi hinga pepe.

Néhémie 6:8

Mbi kiri tënë na lo, mbi tene: “Tënë so mo tene so ayeke taa-tënë pepe; so atënë ti ya ti li ti mo wani laa!”