Jérémie 36:7 - Mbeti ti Nzapa - Tënë so amu fini7 Tongaso, e hinga pepe, vorongo tere ti ala ayeke si na KOTA GBIA si zo oko oko ayeke zia sioni lege ti sarango ye ti lo. Biani, KOTA GBIA asara ngonzo mingi si ngonzo ti lo ti wâ alondo na tere ti mara so.” Gade chapit la |
Jérémie 36:7
36 Referans Kwoze
“Ala gue, ahunda *KOTA GBIA ndali ti mbi, ndali ti azo ti kodro nga ndali ti azo ti Juda kue, ndali ti atënë ti ya ti mbeti so a wara so. Biani, KOTA GBIA asara ngonzo mingi; ngonzo ti lo alondo tongana wâ na tere ti e, ngbanga ti so akotara ti e aye ti ma atënë ti ya ti mbeti so pepe; ala sara ye pepe alingbi na atënë so a su na ya ti mbeti ni na ndö ti e.”
Ala sara ye tongana ti akotara ti ala pepe. Ando, akozo wayanga-Nzapa afa tënë ti mbi na akotara ti ala ni, atene: Tënë so KOTA GBIA so ayeke na ndö ti dunia kue atene ayeke so: ‘Ala zia ngbene lege ti sarango ye ti ala, ala zia asioni sarango ye ti ala.’ Me ala ma pepe, ala ma yanga ti mbi pepe; so tënë ti yanga ti KOTA GBIA laa.
A yeke bongbi wen ti nginza, bengba wen, wen, plon na eten na ya ti tawa. Na pekoni, a yeke tingo wâ na gbe ni ti sara si aga ngu. Gi tongana ti so a sara na wen so, na lege ti ngonzo ti mbi, na lege ti ngonzo ti mbi ti wâ, fade mbi yeke bongbi ala ti zia ala na ya ti wâ si mbi yeke sara titene ala ga ngu.
Le ti mbi ayeke be na tere ti ala si ngonzo ti mbi ti wâ ayeke tuku na ndö ti ala ngbii be ti mbi ade si. Mbi yeke kiri na ala peko ti sioni so ala sara. Tongaso, fade ala yeke hinga atene, mbi KOTA GBIA laa mbi tene tënë na ala; mbi kanga be ti mbi na ala gbaa ndali ti so ala bata tere ti ala na mbi pepe. Ndani laa, mbi yeke tuku ngonzo ti mbi ti wâ na ndö ti ala ngbii be ti mbi ade si.
Tënë ni akiri asi na lo na ngoi so Yoakim, molenge ti Yosias, ayeke gbia ti Juda ngbii asi na ngoi so Sedesias, mbeni molenge ti Yosias ayeke gbia ti Juda; ngbii asi na ya ti ngu baleoko na oko ni so lo le-gbia. Na ngu ni so, na ya ti oku nze ni si a gbu azo ti Jérusalem, a gue na ala na kodro wande.
“Ala gue, ahunda *KOTA GBIA ndali ti mbi, ndali ti tanga ti azo ti Israel nga ndali ti azo ti Juda, ndali ti atënë ti ya ti mbeti so a wara so. Biani, KOTA GBIA asara ngonzo mingi si ngonzo ni atuku na ndö ti e, ngbanga ti so akotara ti e abata tënë ti lo pepe, ala sara ye pepe alingbi na atënë so a su na ya ti mbeti so.”
Ndani laa, fade ngonzo ti mbi ayeke londo na tere ti ala tongana wâ na lango ni so. Mbi yeke zia ala, mbi yeke honde le ti mbi na ala. Tongaso, fade amara nde ayeke te ala kue, akpale mingi na aye ti ngangu mingi ayeke si na ala, azo ti Israel si ala yeke tene: ‘Akpale so kue asi na e, ngbanga ti so Nzapa ti e ayeke na popo ti e mbeni pepe!’
KOTA GBIA atene na Moïse: “Mo ga nduru ti gue na peko ti ababâ ti mo so akui so awe. Na peko ti mo, fade azo so ayeke to nda ti kpe na peko ti anzapa ti awande ti voro ala, anzapa ti kodro so ala, azo ti Israel, ala yeke li daa. Fade azo so ayeke ke mbi si ala yeke buba ya ti *mbuki so mbi na ala e sara ni.
Ti mo, molenge ti zo, mo kanga akungba ti mo tongana ti mbeni zo so a gbu lo ti gue na lo na kodro wande. Mo londo na ndo so mo yeke daa na le ti azo kue, na kota lâ, mo gue na mbeni ndo nde tongana zo so a gbu lo ti gue na lo na kodro wande. E hinga pepe, fade ala yeke hinga atene, ala yeke azo ti mara ti ngangu li.
Piblisite