Jérémie 36:29 - Mbeti ti Nzapa - Tënë so amu fini

²⁹ Fade mo yeke tene tënë so na ndö ti Yoakim, gbia ti Juda, mo tene: ‘Tënë so KOTA GBIA atene ayeke so: Jérémie asu lani na mbeti, atene, fade gbia ti Babilone ayeke ga biani si lo yeke buba kodro so; lo yeke fâ azo na anyama ti hunzi ala. Me Yoakim asuku na Jérémie si lo gbi rulo ni.

Jérémie 36:29 Referans Kwoze

Jérémie 26:9

Ngbanga ti nyen si mo tene peko ti tënë ti yanga ti KOTA GBIA, mo tene: ‘Fade a yeke buba kota da ti Nzapa so tongana ti Silo, a yeke buba gbata so si azo ti gbata ni ayeke duti daa mbeni pepe so?’ ” Tongaso azo so kue ayeke na ya ti kota da ti Nzapa abongbi na tere ti Jérémie.

Ésaïe 30:10

Ala tene na azo ti bango nda ti aye, atene: “Ala baa ye pepe!” Ala tene na awayanga-Nzapa: “Ala tene na e taa-tënë pepe, me gi anzerengo tënë; ala tene na e gi ye so anzere na be ti e, ataa ye ni ayeke mvene.

Jérémie 32:3

Sedesias, gbia ti Juda amu fade yanga titene a kanga Jérémie kâ. Biani, lo suku na Jérémie ngbanga ti tënë ti peko ti yanga ti KOTA GBIA so Jérémie atene: “Baa, tënë so KOTA GBIA atene ayeke so: Mbi yeke zia Jérusalem na maboko ti gbia ti Babilone si lo yeke mu ni.

Ésaïe 45:9

Mawa na zo so aye ti tiri na zo so asara lo! Zo ayeke tongana ta ti sese na popo ti ambeni ta ti sese. Sese ti sarango na ta alingbi ti tene na zo so ayeke sara lo, atene: “Nyen laa mo yeke sara so?” Ta ti sese alingbi ti tene na zo ti sarango lo, atene: “Mo sara ye ni na legeni pepe!”?

Ésaïe 29:21

azo ni ayeke azo so ayeke bi tënë ti mvene na li ti azo, ala so ayeke zia kuku titene awafango-ngbanga ati daa, ala so ayeke fâ ngbanga na li ti azo so asara ye oko pepe.

Mbeti ti Job 15:24

Ye ti ngangu na ye ti vundu ayeke zia mbeto na be ti lo. Aye ni ayeke tuku na ndö ti lo tongana gbia so aleke tere ti lo ti tiri bira.”

Ndia ti fani use ni 29:19

Fade KOTA GBIA ayeke zi tënë ni na li ti lo pepe. Ngonzo na mbanda ti KOTA GBIA ayeke londo tongana menga ti wâ na tere ti zo ni. Adengo ba so kue a su tënë ni na ya ti mbeti so, lo yeke sara titene ati na ndö ti zo ni; lo yeke zi iri ti zo ni na ndö ti sese.

1 Korente 10:22

Wala e ye ti sara ye tongaso titene Nzapa asara mbanda? Ala baa ti ala atene, e yeke na ngangu e hon lo?

Awatokua 5:39

Me tongana alondo na Nzapa, ala amba ti mbi, ala yeke na ngangu ti kanga lege ni pepe! Ala sara hange si ala tiri bira na Nzapa pepe!” Azo ti fango ngbanga ni aye peko ti tënë ti Gamaliel.

Awatokua 5:28

“E ke fade na ala na kuru go titene ala fa ye na iri ti koli so. Me ye ni asara tongana nyen si fango ye ti ala ni amu ya ti Jérusalem kue so? Na ndö ni, ala kiri atene, e laa e fâ lo!”

Jérémie 28:8

Awayanga-Nzapa ayeke daa ngbene ye ngu na ngu kozoni na mbi nga kozoni na mo. Ala tene peko ti atënë ti yanga ti KOTA GBIA na ndö ti akodro mingi nga na ndö ti akota kodro-gbia. Ala tene tënë ti bira, ti sioni kpale na ti sioni kobela ti bubango kodro.

Jérémie 21:10

So tënë ti yanga ti KOTA GBIA laa: Mbi wani, mbi yeke kiri na ndö ti gbata so ti sara sioni na ni, me nzoni pepe. Fade a yeke zia gbata ni na maboko ti gbia ti Babilone, lo yeke bi wâ daa.”

Mbeti ti Job 40:8

Mo ye biani ti fa so mbi fâ ngbanga na legeni pepe? Mo ye ti fa so mbi sara sioni si mo laa mo sara nzoni?

Mbeti ti Job 15:25

Biani lo yoro maboko na le ti Nzapa; lo gi yanga ti Nzapa, lo so ngangu ti lo ahon angangu kue.

Jérémie 25:9

mbi yeke tokua titene a gi amara ti mbage ti Banga kue, so tënë ti yanga ti KOTA GBIA laa. Mbi yeke iri zo ti kua ti mbi Nabukodonosor, gbia ti Babilone, titene lo ga. Mbi yeke sara titene azo ni aga atuku na ndö ti kodro so; ala ga na tere ti azo ti kodro ni nga na tere ti amara so kue angoro kodro ni. Mbi yeke hunzi ala na amara ni kue. Mbi yeke sara si kodro ni ati biani biani si aga ye ti dongo be. Na bango kodro ni, fade azo ayeke huru yanga ti ala; so tënë ti yanga ti KOTA GBIA laa.

Jérémie 25:13

Akpale so kue mbi tene tënë ni si a su tënë ni na ya ti buku so, fade mbi yeke sara si akpale ni ati na ndö ti kodro so. Jérémie atene tënë ni na peko ti yanga ti mbi na tere ti amara so kue awe.

Jérémie 33:12

Tënë so KOTA GBIA so ayeke na ndö ti dunia kue atene ayeke so: “Na ya ti kodro so abuba kue awe so, so azo na anyama ayeke daa pepe so, na ya ti agbata ni kue, ndo ayeke kiri ti duti daa ndali ti awabatango-taba, ndo titene ala zia ataba na angasa ti ala daa ti wu tere.

Jérémie 36:23

Tongana Yehudi adiko kamba ota wala osio ti mbeti ni, gbia ayeke fâ ni na zeme ti fango na mbeti, lo bi na le ti wâ ti ya ti duke ni. Lo sara tongaso ngbii rulo ni kue agbi.