Jérémie 34:8 - Mbeti ti Nzapa - Tënë so amu fini

⁸ Tënë ti *KOTA GBIA akiri asi na Jérémie na peko ti so gbia Sedesias asara *mbuki na azo ti Jérusalem kue ti to mbela titene a zi azo na gbe ti ngbaa.

Jérémie 34:8 Referans Kwoze

Awayango-sandaga 25:10

Na lege so, ala yeke sara si ngu baleoku ni aga ngu so ayeke nde si ayeke nzoni kue ndali ti Nzapa. Ala yeke fa atene, a zi azo ti kodro ni kue na gbe ti ngbaa awe. Ngu so ayeke duti ngu ti kiringo na nengo ti ala. Zo oko oko ayeke kiri ti mu sese ti lo, zo oko oko ayeke kiri na ya ti kete mara ti lo.

Jérémie 34:17

“Baa, tënë so KOTA GBIA atene ayeke so: Ala oko oko kue alingbi fade ti to mbela titene a zi a-ita ti ala na amba ti ala na gbe ti ngbaa; me ala ma yanga ti mbi pepe. Ndani laa, mbi KOTA GBIA, mbi to mbela titene a zi lege na bira, na sioni kobela ti bubango kodro nga na nzara ti ga na tere ti ala; so tënë ti yanga ti KOTA GBIA laa. Fade akodro-gbia kue ti sese ayeke do na kota mbeto na bango ala.

2 Agbia 11:17

Yoyada asara mbuki na popo ti KOTA GBIA na gbia nga na azo ti kodro titene ala ga azo ti KOTA GBIA. Yoyada asara nga mbuki na popo ti gbia na azo ti kodro.

Ésaïe 61:1

Yingo ti Kota Gbia NZAPA ayeke na ndö ti mbi. Biani, *KOTA GBIA atuku mafuta na li ti mbi, lo tokua mbi ti fa nzoni tënë na awayere, ti kanga ka ti be ti azo so be ti ala afâ, ti tene na azo so a gbu ala na ngbaa atene, a zi ala awe, ti tene na azo ti kanga atene, ala yeke sigigi na ya ti kanga!

2 Mbai 29:10

Fadeso, mbi ye ti sara *mbuki na KOTA GBIA, Nzapa ti Israel, tongaso si sioni ngonzo ti lo ade na tere ti e.

2 Mbai 23:16

Yoyada asara mbuki na popo ti lo na azo kue nga na gbia titene ala ga azo ti KOTA GBIA.

Ndia ti fani use ni 15:12

Moïse atene: Tongana mbeni ita ti ala hebro, koli wala wali, aka tere ti lo na ala si lo sara kua na ala tongana ngbaa, fade lo yeke sara kua ni na ya ti ngu omene. Na ngu mbarambara ni, ala yeke zi lo na gbe ti ngbaa ni.

Ésaïe 58:6

Kengo kobe so mbi ye ayeke so: ti zi zingiri na tere ti azo so a kanga ala na mbana, ti zi ala na gbe ti nengo kungba, ti zi azo so amba ti ala asara ngangu na ala, ti fâ ya ti *zuge kue,