Jérémie 34:5 - Mbeti ti Nzapa - Tënë so amu fini

⁵ Me mo yeke kui na siriri. Azo ayeke leke kuâ ti mo tongana ti so ala leke ti akotara ti mo so ayeke agbia kozo na mo. Azo ni ayeke zö dukani ndali ti mo si ala yeke he bia ti totongo kuâ so na ndö ti mo: ‘So ye ti mawa ti nyen-oo! Gbia akui awe.’ ” So tënë ti yanga ti KOTA GBIA laa.

Jérémie 34:5 Referans Kwoze

Jérémie 22:18

Baa, tënë so KOTA GBIA atene ndali ti Yoakim, molenge ti Yosias, gbia ti Juda ayeke so: “Na ndembe ti kuâ ti lo, zo ayeke he bia ti totongo kuâ ndali ti lo pepe; wala ti tene pepe: ‘Ae ita ti mbi ti koli, so ye ti mawa ti nyen!’ ‘Ae ita ti mbi ti wali, so ye ti mawa ti nyen!’ Zo ayeke he bia ti totongo kuâ ndali ti lo pepe, atene: ‘Ae gbia, so ye ti mawa ti nyen!’ ‘Ae kota zo, so ye ti mawa ti nyen!’

2 Mbai 16:14

A lu lo na ya ti du ti kuâ so lo mu yanga si a zi ni na Gbata ti David. A zia kuâ ti lo na ndö ti mbeni gbogbo so asi singo na ayombo nde nde so awalekengo-yombo laa aleke ni na kode ti ala. A zö gba ti yombo ndali ti lo.

Daniel 2:46

Tongaso gbia Nabukodonosor ati akpo li ti lo na sese, lo voro Daniel si lo mu yanga titene a mu *sandaga si a zö dukani na Daniel.

Ezekiel 17:16

“Fini ti mbi! So tënë ti yanga ti mbi, Kota Gbia NZAPA laa: Gbia so ayeke kui ande na kodro ti gbia so azia lo na ndö ti mbata ti gbia so. Biani, lo baa dengo ba ti yanga ti lo tongana senge ye, lo buba ya ti mbuki ni. Tongaso, na Babilone, na ndo ti gbia ni laa, gbia ti Israel ayeke kui.

Abia ti demango tere 4:20

Lo so KOTA GBIA asoro lo ti zia lo gbia so, lo so fini ti e ayeke na maboko ti lo si e tene tënë ti lo, e tene: “Tongana e wara ndo na popo ti awande, fade lo laa lo yeke bata e.” Baa, awato agbu lo, abi lo na du ti kanga ti ala.

2 Mbai 34:28

Mbi yeke zia mo ti gue na tere ti akotara ti mo na siriri; a yeke lu nga mo na siriri na ya ti du ti kuâ ti mo. Sioni kpale so kue mbi yeke sara titene aga na ndö ti gbata so nga na ndö ti azo ti gbata so, fade mo yeke baa ni pepe.’ ” Kota wayango-sandaga na amba ti lo akiri ague, atene peko ti tënë ni na gbia Yosias.

2 Agbia 22:20

Ndani laa, mbi yeke zia mo ti gue na tere ti akotara ti mo na siriri; a yeke lu nga mo na siriri na ya ti du ti kuâ ti mo. Sioni kpale so kue mbi yeke sara titene aga na ndö ti gbata so, fade mo yeke baa ni pepe.’ ” Kota wayango-sandaga Hilkia na amba ti lo akiri ague, atene peko ti tënë ni na gbia Yosias.

Jérémie 34:4

“Ye oko, Sedesias, gbia ti Juda, alingbi mo ma tënë ti KOTA GBIA si! Tënë so KOTA GBIA atene na ndö ti mo ayeke so: Fade a yeke fâ mo na ya ti bira pepe.

1 Samuel 31:12

Akpengba turugu atambula bi bi bi, ala gue, azi kuâ ti Saul na ti amolenge ti lo na tere ti gbagba ti Bet-Shean, ala kiri na Yabesh si ala gbi ni.