Jérémie 31:31 - Mbeti ti Nzapa - Tënë so amu fini

³¹ “Mbeni lango ayeke ga so mbi na azo ti Israel nga na azo ti Juda, e yeke sara fini *mbuki; so tënë ti yanga ti KOTA GBIA laa.

Jérémie 31:31 Referans Kwoze

Ezekiel 37:26

Mbi yeke sara *mbuki ti siriri na ala; mbuki ni ayeke ngba lakue lakue na popo ti mbi na ala. Mbi yeke zia ala na ndö ti sese so, mbi yeke sara si ala wu mingi. Mbi yeke zia da ti mbi so ayeke nde si ayeke nzoni kue na popo ti ala kpu na kpu.

Jérémie 32:40

Mbi na ala e yeke sara *mbuki so angba lakue lakue: mbi yeke kiri ti zia peko ti mbi na ala pepe, me mbi yeke ngba ti sara nzoni na ala. Mbi yeke zia na be ti ala kpengo mbeto ti mbi, tongaso si ala kiri ti hon yongoro na tere ti mbi pepe.

2 Korente 3:6

Lo laa lo sara si e ga azo so alingbi ti sara kua ti fini *mbuki so alondo na ndia so a su ni sungo pepe, me so alondo na Yingo-Vuru. Ndia so a su ni sungo ayeke gue na zo na kuâ, me Yingo ayeke mu fini na zo.

Ahebro 12:24

Ala ga nduru na Jésus awe, lo so lo leke tënë ti fini *mbuki; ala ga nduru awe na mene ti Jésus so atuku ndali ti azo si ayeke tene nzoni tënë ahon mene ti Abel.

Nzoni Tënë so Luc asu na mbeti 22:20

So ala te kobe ni awe, lo mu nga kopo ti vin si lo tene: “Kopo so ayeke fini *mbuki na lege ti mene ti mbi, mene so atuku ndali ti ala.

1 Korente 11:25

Na peko ti tengo kobe, lo mu kopo si lo kiri lo sara gi tongaso, lo tene: “Kopo so ayeke fini *mbuki na lege ti mene ti mbi. Lakue tongana ala yeke nyon ni, ala sara ye so ti dabe ti ala na mbi.”

Marc 14:24

Jésus atene na ala: “So ayeke mene ti mbi, mene so abongbi azo na Nzapa na ya ti *mbuki; mene so atuku ndali ti gba ti azo.

Matthieu 26:28

ngbanga ti so ayeke mene ti mbi, mene so abongbi azo na Nzapa na ya ti *mbuki; mene so atuku ndali ti gba ti azo titene azi siokpari ti ala.

Ahebro 9:15

Ndani laa, Christ ayeke zo ti lekengo songo na popo ti azo na Nzapa na lege ti mbeni fini mbuki. Azo so Nzapa airi ala alingbi ti wara anzoni ye so ayeke ngba ande lakue lakue, aye so Nzapa amu zendo ni. Azo ni so alingbi ti wara aye ni, ngbanga ti so Christ akui awe si na lege ti kuâ ti lo, azo so asara siokpari na ndembe so ala ngba na gbe ti kozo mbuki, lo lingbi ti zi ala na ya ti siokpari.

Filipe 3:3

E so, e yeke voro Nzapa na lege ti Yingo ti lo si e yeke gonda tere ti e ndali ti gango so e ga oko na Jésus Christ so, e laa e fâ mbirimbiri ganza; e yeke zia be ti e na ndö ti e wani pepe.

Jérémie 30:3

So tënë ti yanga ti KOTA GBIA laa: Mbeni lango ayeke ga so mbi yeke sara titene azo ti Israel na azo ti Juda so ayeke azo ti mbi akiri na kozo ndo ti ala. Fade mbi yeke kiri na ala na ya ti kodro so mbi mu ando na akotara ti ala; ala yeke kiri ti mu ni titene aga ye ti ala; mbi KOTA GBIA laa, mbi tene.”

Jérémie 23:5

“So tënë ti yanga ti KOTA GBIA laa: Baa, mbeni lango ayeke ga so mbi yeke sara titene taa *hale ti David abaa gigi. Lo yeke sigigi tongana kete keke so asigigi na ya ti sese. Lo yeke le-gbia tongana nzoni gbia, lo yeke sara ye na lege ti ndara, lo yeke fâ ngbanga mbirimbiri si lo yeke sara ye ti mbirimbiri na ya ti kodro ni.

Ahebro 13:20

Nzapa so ayeke mu siriri na zo, lo sara si *Kota Gbia ti e Jésus so lo yeke kota wabatango-taba, alondo na popo ti akuâ asigigi. Ndali ti mene ti lo so lo mu na *sandaga, e na Nzapa, e sara *mbuki so ayeke ngba lakue lakue.

Amos 9:13

So tënë ti yanga ti KOTA GBIA laa: “Alango ayeke ga so zo so angba ti fâ yaka, mo ye ti baa, zo ti fango ale ti kobe asi awe, zo so angba ti lu ale ti *ble, mo ye ti baa, zo ti fango ale ti vinye asi awe. Na lango ni so, fade fini vin ayeke londo na ndö ti akota hoto ti sua na sese, fini vin ni ayeke sua amu ndö ti akete hoto kue.

Jérémie 31:27

“So tënë ti yanga ti KOTA GBIA laa: Mbeni lango ayeke ga so mbi yeke tuku azo na anyama gbani gbani na ya ti akodro-gbia ti Israel na ti Juda tongana ti so zo ayeke tuku ale ti kobe na le ti yaka.

Galasii 6:16

Mbi tene na azo so kue ayeke sara ye alingbi na ye so mbi fa so, mbi tene: siriri ti Nzapa na nzoni be ti lo aduti na ala, nga na azo so kue ayeke taa mara ti lo!

Ndia ti fani use ni 29:14

ayeke nga ndali ti azo so kue ayeke luti laso na ndo so na le ti KOTA GBIA Nzapa ti e; ayeke nga ndali ti azo so ayeke na popo ti e laso pepe.

Ésaïe 59:21

KOTA GBIA atene: “Tënë ti *mbuki so mbi na ala e yeke sara laa: yingo ti mbi ayeke duti na ndö ti ala, mbi yeke zia tënë ti mbi na yanga ti ala; tënë ni ayeke hon yongoro na yanga ti ala pepe, na yanga ti amolenge ti ala pepe, na yanga ti amolenge ti amolenge ti ala pepe, ti londo fadeso ti gue na ni, kpu na kpu. Tënë so mbi KOTA GBIA, mbi tene laa.”

Ahebro 7:12

Tongana lege ti dutingo ti awayango-sandaga aga nde, alingbi a mu nga mbeni ndia nde.