Jérémie 31:30 - Mbeti ti Nzapa - Tënë so amu fini

³⁰ Biani, tongana zo ate akpi-kpi le ti vinye, pembe ti lo wani laa ayeke kui; fade zo oko oko ayeke kui ndali ti sioni ti lo wani.

Jérémie 31:30 Referans Kwoze

Ezekiel 18:20

Zo so asara siokpari, lo laa lo yeke kui. Fade molenge ayeke yo ngbanga ti sioni ti babâ ti lo pepe; babâ ayeke yo ngbanga ti sioni ti amolenge ti lo pepe. Zo ti mbirimbiri ayeke wara futa ti sarango ye ti mbirimbiri ti lo, zo ti sioni ayeke wara futa ti sarango sioni ti lo.”

Ésaïe 3:11

Me ti zo ti sioni, so mawa na lo! Fade ye ti lo kue ayeke ga sioni, a yeke sara na lo alingbi na asarango ye ti lo.

Galasii 6:5

Biani, fade zo oko oko ayeke kiri tënë na ndö ti ye so lo wani, lo sara.

Ezekiel 18:4

Biani, fini ti azo kue ayeke ye ti mbi, ataa fini ti ababâ wala ti amolenge. Zo so asara siokpari, lo laa lo yeke kui.

Ndia ti fani use ni 24:16

Moïse atene: Alingbi ti fâ ababâ na amama pepe ndali ti siokpari ti amolenge ti ala; alingbi nga ti fâ amolenge pepe ndali ti siokpari ti ababâ na amama ti ala; a yeke fâ zo oko oko ndali ti siokpari ti lo wani.

Ezekiel 33:18

Tongana zo ti mbirimbiri azia lege ti mbirimbiri ti lo si lo sara sioni ye, fade lo yeke kui ndali ni.

Jacques 1:15

Tongana nzara ti be ti zo amu ngo awe, ayeke du siokpari. Tongana siokpari ni ahon ndoni awe, ayeke gue na zo na kuâ.

Ezekiel 33:13

Tongana mbi tene na zo ti mbirimbiri, mbi tene: Fade mo yeke duti na fini biani! Me tongana lo baa ti lo, lo tene, sarango ye ti mbirimbiri so lo sara so alingbi awe si lo to nda ti sara sioni ye, a yeke kiri ti dabe na nzoni sarango ye ti lo ti kozo so pepe. Fade lo yeke kui ndali ti sioni so lo sara.

Ezekiel 33:8

Tongana mbi tene na zo ti sioni, mbi tene: ‘Mo zo ti sioni, fade mo yeke kui biani!’ Tongana mo gboto mê ti lo titene lo zia lege ti sarango ye ti lo pepe si zo ti sioni ni akui ndali ti siokpari ti lo, mo laa mbi yeke hunda mene ti lo na maboko ti mo.

Ezekiel 3:24

Yingo ti Nzapa ali mbi, lo mu mbi, lo zia mbi, mbi luti na nduzu. Lo tene na mbi, lo tene: “Gue na ya ti da ti mo, mo kanga yanga ti da ni na ndö ti mo.

2 Agbia 14:6

Me lo fâ pepe amolenge ti azo ti fango babâ ti lo, alingbi na tënë so a su na ya ti mbeti ti *Ndia ti Moïse. Na ya ti mbeti ni, KOTA GBIA amu yanga atene: “Fade a yeke fâ ababâ na amama pepe ndali ti siokpari ti amolenge ti ala; a yeke fâ nga amolenge pepe ndali ti siokpari ti ababâ na amama ti ala; a yeke fâ zo oko oko ndali ti siokpari ti lo wani.”

Mbeti ti Job 21:20

Ayeke nzoni zo ti sioni abaa aye ti lo abuba taa na le ti lo wani; lo nyon ngonzo ti Nzapa so ngangu ti lo ahon angangu kue si!