Jérémie 31:13 - Mbeti ti Nzapa - Tënë so amu fini

¹³ Tongaso, fade amaseka-wali ayeke dodo na ngia, amaseka-koli na ambakoro ayeke sara legeoko tongaso. Mbi yeke sara si mawa ti ala aga ngia, mbi yeke de be ti ala. Na peko ti vundu ti ala, mbi yeke sara si ala duti na ngia.

Jérémie 31:13 Referans Kwoze

Abia (Psaumes) 30:11

KOTA GBIA, ma mbi, baa mawa ti mbi! KOTA GBIA, mu maboko na mbi!”

Ésaïe 61:3

Ala yeke na mua ndali ti *Sion, me Nzapa atokua mbi ti zia na li ti ala ye ti pendere na plase ti mburu ti wâ; ti kpaka na tere ti ala mafuta so afa ngia ti ala, me afa mua pepe; ti yu na ala bongo ti matanga na plase ti be so awoko. Tongaso, a yeke haka ala na akeke so afa mbirimbiri ti Nzapa, a yeke haka ala na yaka so afa gonda ti KOTA GBIA.

Ésaïe 51:11

Azo so KOTA GBIA azi ala, fade ala yeke kiri; ala yeke dekongo na ngia si ala yeke linda na ni na *Sion. Ngia so angba lakue lakue ayeke za na ndö ti le ti ala, nzerengo tere so asi singo ayeke duti na ala, pasi na demango tere ayeke kpe ti hon.

Jérémie 31:4

Maseka-wali Israel, mbi yeke kiri ti leke mo na nduzu, a yeke kiri ti leke mo na nduzu. Mo yeke kiri ti mu akete ngo ti mo na tere ti mo tongana aye ti pendere si mo yeke gue ti dodo na popo ti azo so ayeke sara ngia.

Jean 16:22

Ye so ayeke si na ala fadeso ayeke tongaso: fade ala yeke na vundu, me na pekoni, mbi yeke kiri ti ga ti baa ala si be ti ala akiri asi na ngia. Mara ti ngia so, zo oko alingbi ti zi ni na be ti ala pepe.

Ésaïe 51:3

KOTA GBIA abaa mawa ti *Sion, lo baa mawa ti aye ti lo so kue abuba. Ndo ti lo so ayeke tongana benyama, lo yeke sara si aga tongana yaka ti Eden; ndo ti lo so ngu ayeke daa pepe, lo yeke sara si aga yaka ti KOTA GBIA. Na ya ti gbata ni, fade azo ayeke duti na ngia si ala yeke sara ngia, ala yeke he bia ti gondango Nzapa si ala yeke pika mozoko.

Ésaïe 35:10

Azo so KOTA GBIA ayeke zi ande ala, ala yeke mu lege ni so ti kiri. Na singo ti ala na *Sion, ala yeke dekongo na ngia. Ngia so ayeke hunzi laoko pepe, ayeke su na ndö ti le ti ala. Ngia so ahon ndoni ayeke si be ti ala singo, pasi na demango tere ayeke hon.

Abia (Psaumes) 149:3

Ayeke nzoni ala dodo ti sepela iri ti lo; ala pika ngo na kundi ti gonda lo.

Esther 9:22

Na ya ti alango ni so laa azuife awara lege ti wu pupu na maboko ti awato ti ala; na ya ti nze so laa vundu ti ala aga ngia si mawa ti ala aga lango ti matanga. Alango ni so aga alango so ala yeke sara matanga ti tengo kobe, ala yeke sara ngia; ala yeke tokua kobe na amba ti ala na popo ti ala si ala yeke mu aye na azo ti mawa.

Néhémie 12:43

Na lango ni so, azo amu gba ti *sandaga na Nzapa, ala sara ngia mingi. Biani, Nzapa asara si be ti azo ti lo asi singo na kota ngia. Na Jérusalem, awali na amolenge asara nga ngia mingi si a ma ngia ni na mbeni ndo yongoro.

Néhémie 12:27

So ala hunzi ti leke gbagba ti Jérusalem awe, a tokua titene a iri azo ti mara ti Lévi so ayeke lango na ando nde nde ti ga na Jérusalem ti sara matanga ti ziango gbagba ti gbata ni nde ndali ti Nzapa. Ala sara matanga ni na ngia, na lege ti abia ti sepelango Nzapa, na lege ti pikango ngo, akota kundi na akete kundi.

Zakarii 8:19

Tënë so KOTA GBIA so ayeke na ndö ti dunia kue atene ayeke so: “Alango ti kengo kobe so ala azo ti Juda, ala yeke ke na ya ti osio nze ni, oku nze ni, mbarambara nze ni nga na nze baleoko ni ti ngu oko oko, fade alango ni so ayeke kiri ti ga alango ti matanga, alango ti ngia na ti kota ngia nga na ti nzoni matanga. “Me ayeke nzoni ala ye taa-tënë nga na siriri.”

Ésaïe 60:20

Lâ ti mo ayeke kiri ti kui pepe, nze ti mo ayeke kiri ti linda pepe. Biani, mbi KOTA GBIA, mbi yeke ga lumiere ti mo lakue lakue; lango ti mo ti sarango mua ayeke hunzi.

Esdras 6:22

Na pekoni, na ya ti lango mbarambara, ala sara na ya ti ngia, matanga ti Mapa so a sara na mama ni pepe. KOTA GBIA azia ngia na be ti ala, ngbanga ti so lo sara si be ti gbia Darius aga nzoni na mbage ti ala; ye so asara lani si be ti azo ti Israel awara ngangu si ala kiri ti gbu kua ti lekengo kota da ti Nzapa ti Israel.

Awafango-ngbanga 21:21

Ala duti kâ ti baa ndo. Tongana ala baa amolenge-wali ti kodro ti Silo so ayeke sigigi ti dodo na ndembe ti matanga ni, fade ala sigigi na ndo so ala honde tere ti ala daa so. Zo oko oko ayeke gbu molenge-wali ti Silo oko ague na lo na sese ti Benjamin si lo ga wali ti lo.

Ésaïe 61:2

Lo tokua mbi ti tene na azo, atene: so ayeke ngu so KOTA GBIA ayeke sara nzoni be na ala; so ayeke lango so Nzapa ti e ayeke kiri peko ti sioni na awato ti lo. Lo tokua mbi ti de be ti azo so kue ayeke na vundu.

Abia (Psaumes) 126:5

Zo so alu le ti kobe na ngu ti le, fade lo yeke ko le ti kobe ni na ngia.

Abia (Psaumes) 148:12

Ala amaseka-koli na amaseka-wali, ala akangba na amolenge, ala sepela lo!

Ésaïe 12:1

Na lango ni so, fade mo yeke tene: “*KOTA GBIA, mbi mu na mo singila, ngbanga ti so mo sara lani ngonzo na tere ti mbi, me ngonzo ni ade awe, mo de be ti mbi awe.

Jérémie 33:11

bia ti azo so tere ti ala anzere, bia ti azo so ayeke na ngia, bia ti akoli na awali so amu tere fini ni. A yeke ma nga bia ti azo so ayeke ga na *sandaga ti mungo singila na ya ti kota da ti KOTA GBIA, atene: ‘Ala mu singila na KOTA GBIA so ayeke na ndö ti dunia kue, ngbanga ti so lo yeke nzoni, nzoni be ti lo angba kpu na kpu!’ Biani, fade mbi yeke sara titene kodro so akiri na kozo ndo ti lo”; tënë so KOTA GBIA atene laa.