Jérémie 29:25 - Mbeti ti Nzapa - Tënë so amu fini

²⁵ Tënë so *KOTA GBIA so ayeke na ndö ti dunia kue, Nzapa ti Israel atene ayeke so: Mo su mbeti na iri ti mo, mo tokua na azo so kue ayeke na Jérusalem, na wayango-sandaga Sefania, molenge ti Maaseya nga na tanga ti awayango-sandaga kue. Tënë so mo yeke tene na ya ti mbeti ni ayeke so:

Jérémie 29:25 Referans Kwoze

Jérémie 52:24

Makonzi ti aturugu ti batango gbia agbu Seraya, kota wayango-sandaga, lo na Sefania, use wayango-sandaga nga awayango-sandaga ota so ayeke bata yanga ti kota da ti Nzapa.

Jérémie 37:3

Andaa gbia Sedesias atokua Yukal, molenge ti Shelemia, lo na wayango-sandaga Sefania, molenge ti Maaseya, ti tene na wayanga-Nzapa Jérémie, atene: “E gbu gere ti mo, sambela KOTA GBIA Nzapa ti e ndali ti e!”

Jérémie 29:29

Wayango-sandaga Sefania adiko mbeti ni na wayanga-Nzapa Jérémie.

Awatokua 9:2

lo hunda na lo titene lo mu na lo ambeti so amu na lo lege ti gue na Damas ti li na ya ti ada ti sambelango Nzapa. Tongana lo wara ambeni koli na wali so amu lege ti Jésus, lo gbu ala si lo ga na ala na Jérusalem.

Néhémie 6:19

Azo ayeke gonda Tobia na le ti mbi; ala yeke mu nga atënë ti mbi ti tene na lo. Tobia ayeke tokua nga ambeti ti bi mbeto na ya ti mbi.

Néhémie 6:17

Na ngoi ni so kue, akota zo ti Juda angba ti tokua ambeti mingi na Tobia; Tobia nga ayeke tokua ambeti na ala.

Néhémie 6:5

Ti fani oku ni, Sanebalat atokua na mbi mbeni zo ti kua ti lo ti ga na mbeni mbeti so a kanga yanga ni pepe.

2 Mbai 32:17

Senakerib atokua mbeti ti zonga *KOTA GBIA, Nzapa ti Israel. Lo tene na ya ti mbeti ni, lo tene: “So anzapa ti amara nde azi azo ti ala na maboko ti mbi pepe so, fade nzapa ti Ezekias ayeke zi nga azo ti lo na maboko ti mbi pepe.”

2 Agbia 19:14

Ezekias amu mbeti ni na maboko ti awatokua ni, lo diko ni si lo gue na ya ti kota da ti *KOTA GBIA. Lo zi ya ti mbeti ni na le ti KOTA GBIA.

2 Agbia 19:9

Gbia ti Asirii ama a tene, Tiraka, gbia ti Etiopii ayeke ga ti tiri bira na lo. Tongaso, lo kiri lo tokua azo na Ezekias, lo tene:

Jérémie 29:1

Tënë ti ya ti mbeti ni laa, mbeti so Jérémie asu na Jérusalem si atokua na *akangba, awayango-sandaga, awayanga-Nzapa na tanga ti azo so kue Nabukodonosor agbu ala na Jérusalem si ague na ala na Babilone.