Jérémie 27:18 - Mbeti ti Nzapa - Tënë so amu fini

¹⁸ “Tongana azo ni so ayeke taa awayanga-Nzapa, tongana biani KOTA GBIA laa azia tënë ti lo na yanga ti ala, ayeke nzoni ala voro tere ti ala na KOTA GBIA so ayeke na ndö ti dunia kue titene akungba so angba na ya ti kota da ti Nzapa ge, akungba so angba na yangbo ti gbia ti Juda na ti so angba na Jérusalem, azo amu ahon na ni na Babilone pepe.

Jérémie 27:18 Referans Kwoze

1 Samuel 7:8

Ala tene na Samuel: “Mo zia e pepe; mo voro KOTA GBIA, Nzapa ti e titene lo soo e na maboko ti azo ti Filistii.”

Jérémie 18:20

Zo ayeke kiri sioni ndali ti nzoni? Awato ti mbi ni asara kuku ti gbu na mbi. KOTA GBIA, mo dabe ti mo so mbi laa mbi luti na le ti mo ti tene na mo nzoni tënë ndali ti ala titene mo zia ti sara ngonzo na tere ti ala.

1 Agbia 18:24

Na pekoni, fade ala sambela nzapa ti ala; mbi nga, mbi sambela KOTA GBIA. Nzapa so ayeke kiri tënë na lege ti wâ, lo laa lo yeke taa Nzapa.” Azo ni kue atene: “So nzoni!”

1 Samuel 12:23

Ti mbi, fade mbi yeke sambela KOTA GBIA lakue ndali ti ala; mbi yeke ngba ti fa na ala nzoni lege nga na lege so ayeke mbirimbiri. Tongana mbi sara tongaso pepe, andaa mbi sara sioni mingi na KOTA GBIA.

1 Samuel 12:19

Azo ni kue atene na Samuel: “Sambela KOTA GBIA, Nzapa ti mo ndali ti e azo ti gbe ti mo si e kui pepe. Biani, na ndö ti asiokpari so kue e sara, e kiri e zia mbeni na ndö ni na lege ti so e hunda mbeni gbia.”

Malashii 1:9

Fadeso, ala tara ti voro tere ti ala na mbi, Nzapa titene mbi baa mawa ti ala! Na peko ti ye so ala sara so, fade mbi yeke kiri ti yamba ala na nzoni be? Tënë so KOTA GBIA so ayeke na ndö ti dunia kue atene laa.

Ezekiel 22:30

Mbi gi mbeni zo na popo ti ala titene lo leke gbagba ti bata na kodro ni, ti luti na dawa ti mbi na ndo so du akoro daa na tere ti gbagba ni; tongaso si mbi buba kodro ni pepe; me mbi wara zo oko pepe.

Ezekiel 14:14

Ataa akoli ota so, Noe, Daniel na Job ayeke fade na popo ti azo ti kodro ni, mbirimbiri ti ala ayeke soo gi fini ti ala wani. So tënë ti yanga ti Kota Gbia NZAPA laa.

Jérémie 42:2

wayanga-Nzapa Jérémie si ala tene na lo: “E gbu gere ti mo, ayeke nzoni vorongo tere ti e agbu be ti mo. Sambela *KOTA GBIA, Nzapa ti mo ndali ti tanga ti e so e ngba na fini so. Lani e yeke mingi, fadeso e ngba gi kete, tongana ti so mo yeke baa na le ti mo so.

Jérémie 15:1

*KOTA GBIA atene na mbi: “Ataa Moïse na Samuel aluti fade na dawa ti mbi ti sambela ndali ti mara so, ka tënë ti azo ti mara so ayeke so be ti mbi oko pepe. Mo tumba azo ni na dawa ti mbi, ala hon!

Jérémie 7:16

“Jérémie, mbi ye titene mo sambela ndali ti azo so pepe. Mo toto wala mo voro tere ti mo na mbi ndali ti ala pepe; mo ngba ti sambela mbi ndali ti ala pepe, ngbanga ti so fade mbi yeke ma mo pepe.

2 Mbai 32:20

Gbia Ezekias na wayanga-Nzapa Ésaïe, molenge ti Amoz asambela Nzapa ti yayu, ala dekongo na lo titene lo mu na ala maboko.

1 Agbia 18:26

Awayanga ti nzapa Baal amu bagara so a mu na ala si ala leke lo ti mu na *sandaga. Na pekoni, ala sambela Baal, ti londo na ndaperere ngbii asi na bekombite, ala tene: “Baal, mo kiri tënë na e!” Me ala ma mbeni go oko pepe, zo oko akiri tënë na ala pepe. Ala yeke dodo na tere ti gbalaka so ala leke so.

Tongo nda ti aye 20:17

Abraham asambela ndali ti Abimelek si Nzapa akai kobela na tere ti Abimelek, na wali ti lo, na azo ti kua ti lo ti wali si ala kiri adu amolenge.