Jérémie 26:5 - Mbeti ti Nzapa - Tënë so amu fini

⁵ Ala ma tënë ti azo ti kua ti mbi, awayanga-Nzapa! Mbi mu ngoi ti mbi kue ti tokua na ala awayanga-Nzapa, me ala ma ala pepe.

Jérémie 26:5 Referans Kwoze

Jérémie 11:7

Biani, mbi gboto mê ti akotara ti ala na ndö ni, ti londo na ndembe so mbi sara si ala sigigi na sese ti Ezipte, ngbii asi laso; mbi mu ngoi ti mbi kue ti gboto mê ti ala na ndö ni si mbi kiri mbi tene: Ala ma tënë ti mbi.

Jérémie 7:25

Ti londo na lango so akotara ti ala asigigi na sese ti Ezipte ngbii asi laso, mbi mu ngoi ti mbi ti tokua na ala azo ti kua ti mbi kue so ayeke awayanga-Nzapa. Na ya ti lango oko oko, mbi yeke tokua ala.

Jérémie 7:13

Baa, fadeso ala yeke sara gi mara ti asioni ye so. Mbi mu ngoi ti mbi kue ti tene tënë na ala, me ala ma pepe; mbi iri ala, me ala ke ti yeda; so tënë ti yanga ti KOTA GBIA laa.

Esdras 9:11

so mo fa na e na lege ti awayanga-Nzapa, azo ti kua ti mo! Lani mo gboto mê ti e, mo tene: ‘Sese so ala yeke gue ti mu ni titene aga ti ala so ayeke *sioni, ngbanga ti so amara so aduti na sese ni ayeke *sioni; ala sara si asioni ye so zo alingbi ti baa na le ti lo fani use pepe amu ndo kue na sese ni.

2 Agbia 9:7

Mo laa mo yeke fâ ande azo ti sewa ti Akab, kota zo ti mo! Ndali ti mene ti azo ti kua ti mbi, awayanga-Nzapa nga ndali ti mene ti azo ti kua ti KOTA GBIA so kue Yezabel atuku, fade mbi yeke kiri peko ti sioni na Akab.

Aye so Nzapa afa 11:18

Amara nde asara ngonzo, me ndembe ti ngonzo ti mo asi awe, ndembe titene a fâ ngbanga na li ti azo so akui awe. So ayeke ndembe ti mungo futa na azo ti kua ti mo, awayanga-Nzapa, ala na azo ti mo so ayeke kpe mbeto ti mo, akete zo na akota zo. So ayeke ndembe ti bubango azo ti bubango sese.”

Aye so Nzapa afa 10:7

Me na ndembe so mbarambara ange ni ayeke huru tatalita ti lo, fade Nzapa ayeke sara aye so lo leke na hondengo ni ando. Lo yeke sara ye ni alingbi gi na tënë so lo tene na azo ti kua ti lo, awayanga-Nzapa.”

Zakarii 1:6

Me atënë ti mbi na ambela ti mbi so mbi zia na yanga ti awayanga-Nzapa, azo ti kua ti mbi, ti tene na ala so, atënë ni andu akotara ti ala. Nilaa, akotara ti ala akiri na mbage ti mbi si ala yeda, atene: ‘KOTA GBIA so ayeke na ndö ti dunia kue aleke lani na be ti lo ti sara ye na e alingbi na lege ti dutingo ti e nga na asarango ye ti e. Ye so lo sara na e laa.’ ”

Amos 3:7

Biani, kozo titene Kota Gbia NZAPA asara mbeni ye, lo yeke fa tënë ti be ti lo na azo ti kua ti lo, awayanga-Nzapa.

Ezekiel 38:17

“Tënë so mbi Kota Gbia NZAPA, mbi tene ayeke so: Mbi tene tënë ti mo ando na lege ti azo ti kua ti mbi, awayanga-Nzapa ti Israel. Na ya ti angu mingi, ala tene peko ti tënë ti yanga ti mbi atene, mo laa mbi yeke tokua mo ti gue ti tiri bira na azo ti mbi.

2 Agbia 24:2

*KOTA GBIA atokua na tere ti Yoakim gba ti azo ti Babilone so ayeke gbu ye ti azo na ngangu, ala ti Sirii, ala ti Moab na ala ti Amon. Ala tuku na ya ti kodro-gbia ti Juda si abuba kodro ni kue alingbi na tënë ti yanga ti KOTA GBIA so lo tene na lege ti azo ti kua ti lo, awayanga-Nzapa.

2 Agbia 17:23

Nilaa KOTA GBIA atumba ala yongoro na tere ti lo alingbi na tënë so lo tene na lege ti azo ti kua ti lo so kue ayeke awayanga-Nzapa. Tongaso a mu azo ti Israel na sese ti ala wani, a gue na ala na kodro ti Asirii, ndo so ala ngba daa ngbii asi laso.

2 Agbia 17:13

KOTA GBIA agboto mê ti azo ti Israel na azo ti Juda na lege ti awayanga-Nzapa kue nga na lege ti azo so ayeke baa nda ti aye, atene: “Ala zia sioni lege ti sarango ye ti ala, ala sara ye alingbi na tënë ti ndia ti mbi, ambela ti mbi nga na akpengba tënë ti mbi. Ala sara ye alingbi na *Ndia so mbi mu ando na akotara ti ala si mbi mu ni na ala na lege ti azo ti kua ti mbi, awayanga-Nzapa.”

Jérémie 29:19

Biani, ala ma tënë ti mbi pepe, ataa so mbi mu ngoi ti mbi kue ti tokua na ala awayanga-Nzapa so ayeke azo ti kua ti mbi; so tënë ti yanga ti KOTA GBIA laa. Me ala ma awayanga-Nzapa ni pepe; so tënë ti yanga ti KOTA GBIA laa.’

Jérémie 32:33

Titene ala zia le ti ala na mbage ti mbi, ala zia gi peko ti ala na mbi. Ataa so mbi mu ngoi ti mbi kue ti fa ye na ala, ala ma pepe; ala ke ti ma wango ti mbi.

Jérémie 35:15

Mbi mu ngoi ti mbi kue ti tokua na ala azo ti kua ti mbi, awayanga-Nzapa ti tene na ala, azo ti Juda, atene: ‘Ayeke nzoni zo oko oko azia sioni lege ti sarango ye ti lo; ala sara si sarango ye ti ala akiri aga nzoni; ala mu peko ti anzapa nde pepe ti voro ala. Tongaso, fade ala yeke ngba ti duti na ya ti kodro so mbi mu na ala, ala na akotara ti ala.’ Me ala dingi mê ti ala kete pepe, ala ma mbi pepe.

Jérémie 35:17

Jérémie akiri atene: “Ndani laa, tënë so KOTA GBIA so ayeke na ndö ti dunia kue, Nzapa ti Israel atene ayeke so: Ala azo ti Juda na ala, azo ti Jérusalem, akpale so kue mbi tene tënë ni so, mbi yeke sara titene aga na ndö ti ala. Biani, mbi tene tënë na ala, me ala ma mbi pepe; mbi iri ala, me ala ke ti yeda.”

Jérémie 44:4

Mbi mu ngoi ti mbi kue ti tokua na ala na peko ti tere, na peko ti tere, azo ti kua ti mbi so ayeke awayanga-Nzapa ti tene na ala: ‘Be ti mbi ake asioni sarango ye so zo alingbi ti baa na le ti lo fani use pepe so; ala sara ni pepe!