Jérémie 25:29 - Mbeti ti Nzapa - Tënë so amu fini

²⁹ Biani, gbata so a zia nde ndali ti mbi, mbi yeke to nda ti tokua kota kpale ti ti na ndö ni. Ala baa ti ala atene, ala yeke sigigi na ya ni? Oko pepe, fade ala yeke sigigi na ya ni pepe. Me gi bira laa mbi yeke tokua na tere ti azo ti dunia kue; so tënë ti yanga ti KOTA GBIA laa.”

Jérémie 25:29 Referans Kwoze

1 Pierre 4:17

Biani, ngoi so e yeke daa ayeke ngoi so Nzapa ayeke to nda ti fango ngbanga ti azo ti da ti lo. So Nzapa ayeke to nda ti fango ngbanga ti e kozoni so, fade ti azo so ake ti ma na be na Nzoni Tënë ti Nzapa ayeke duti tongana nyen?

Ezekiel 38:21

Na ndö ti ahoto ti mbi kue, mbi yeke ga na bira na tere ti mo, Gog. So tënë ti yanga ti mbi, Kota Gbia NZAPA laa. Fade zo oko oko ayeke fâ ita ti lo na yongoro zeme.

Amato 11:31

Zo ti mbirimbiri awara futa ti lo na sese so awe; ayeke nzoni azo ahinga biani atene, fade zo ti sioni na zo ti siokpari ayeke wara nga ye so alingbi na ala!

1 Agbia 8:43

mo so mo yeke na yayu, na ndo so mo yeke duti daa, ayeke nzoni mo ma sambela ti wande so si ye so kue lo hunda na mo, mo mu ni na lo. Tongaso, fade azo kue ti ndö ti sese so ayeke hinga mo, ala yeke kpe mbeto ti mo tongana ti so azo ti Israel, azo ti mo, ayeke kpe mbeto ti mo; azo ni ayeke hinga nga atene, da so mbi sara so, a di iri ti mo na ndö ni.

Abdias 1:16

“Lani ala, azo ti Israel, ala nyon kopo ti ngonzo ti mbi na ndö ti hoto ti mbi so ayeke nde si ayeke nzoni kue; legeoko nga, fade amara nde ayeke nyon ni, ala wu tere ti ala pepe. Ala yeke nyon ngbii, ala sule si ala ga tongana azo so a du fade ala pepe.

Ezekiel 9:6

Ataa ambakoro, ataa amaseka-koli wala amaseka-wali, ataa amolenge wala awali, ala fâ ala, ahunzi ala kue. Me azo so nzoroko ayeke na ndö ti le ti ala, ala ndu ala pepe. Ala to nda ni ge na ndo so a zia ni nde ndali ti mbi.” Nilaa akoli ni ato nda ti fâ *akangba so ayeke na dawa ti kota da ti Nzapa.

Jérémie 49:12

Tënë so KOTA GBIA atene ayeke so: “Azo so alingbi fade ti nyon kopo ti mbi pepe, a fâ ngbanga na li ti ala titene ala nyon ni. Ti mo, Edom, mo lingbi ti kpe ngbanga ni tongana nyen? Fade mo yeke sigigi na ya ni oko pepe. Kopo ni so, fade mo yeke nyon ni biani!

Nzoni Tënë so Luc asu na mbeti 23:31

Tongana azo asara tongaso na fini keke, fade ti holengo keke ayeke duti tongana nyen?”

Zakarii 13:7

So tënë ti yanga ti *KOTA GBIA so ayeke na ndö ti dunia kue laa: “Yongoro zeme, londo mo gue na tere ti wabatango-taba ti mbi nga na tere ti mba ti mbi so ayeke mu maboko na mbi! Fâ wabatango-taba ni si ataba ni akangbi kirikiri, mbi yeke kiri ti pika akete taba ni.”

Ezekiel 14:21

Biani, tënë so Kota Gbia NZAPA atene ayeke so: “Mbi tokua asioni kpale ti mbi osio na ndö ti Jérusalem: bira, kota nzara, asioni nyama na sioni kobela ti bubango kodro. Mbi tokua ni ti fâ azo na anyama kue ti hunzi ala.

Ezekiel 14:17

“Wala tongana mbi sara si bira aga na ya ti kodro ni, mbi yeke mu yanga na aturugu ti buba kodro ni nga ti fâ azo na anyama kue ti hunzi ala.

Jérémie 46:28

Mo Israel, zo ti kua ti mbi, sara mbeto pepe! So tënë ti yanga ti KOTA GBIA laa. Biani, mbi yeke na mo. Amara so kue mbi kangbi mo lani na popo ti ala, mbi yeke fâ ala kue ti hunzi ala; me ti mo, mbi yeke hunzi mara ti mo pepe. Biani, mbi pika mo, me na legeni; mbi lingbi fade ti zia mo senge tongaso pepe!”

Jérémie 30:11

So tënë ti yanga ti KOTA GBIA laa: Mbi yeke na mo ti soo mo. Amara so kue mbi kangbi mo lani na popo ti ala, mbi yeke fâ ala kue ti hunzi ala; me ti mo, mbi yeke hunzi mara ti mo pepe. Biani, mbi pika mo, me na legeni; mbi lingbi fade ti zia mo senge tongaso pepe!”

Jérémie 13:13

fade mo yeke tene na ala: ‘Tënë so KOTA GBIA atene ayeke so: Mbi yeke mu vin na azo ti kodro ni, na agbia, *ahale ti David so aduti na ndö ti mbata ti lo ti gbia so; mbi yeke mu nga ni na awayango-sandaga, awayanga-Nzapa nga na azo ti Jérusalem kue titene ala nyon, ahon ndö ti ala.

Ésaïe 10:12

Tongana KOTA GBIA ahunzi ande akua ti lo kue na li ti hoto ti *Sion nga na Jérusalem awe, fade lo yeke ga na tere ti gbia ti Asirii ndali ti kuru baba ti lo nga ndali ti bango azo tongana mbumbuse ye.

Amato 17:5

Zo so ahe wayere, andaa lo he lo so asara lo. Zo so, tongana mbeni ye ti ngangu asi na mba ti lo si tere ti lo anzere daa, fade a yeke zia peko ni senge na lo pepe.

Amato 11:21

Taa-tënë, fade zo ti sioni ayeke wara ngbanga ti sioni ti lo; me azo ti mbirimbiri kue ayeke sigigi daa.

Jérémie 19:3

Fade mo yeke tene: Agbia ti Juda na azo so ayeke lango na Jérusalem, ala ma tënë ti KOTA GBIA si! Tënë so KOTA GBIA so ayeke na ndö ti dunia kue, Nzapa ti Israel atene ayeke so: Fade mbi yeke sara si mbeni kota kpale ati na ndo so. Azo so kue ayeke ma tënë ni, fade ayeke toto na mê ti ala tongana sungbango ti bekpa.