Jérémie 25:18 - Mbeti ti Nzapa - Tënë so amu fini

¹⁸ Mbi to nda ni na Jérusalem nga na gbata ti sese ti Juda na agbia ni, na akota zo ti kodro ni. Mbi sara si agbata ni aga ndo ti gba ti atêne si aga ye ti dongo be, ye so azo ayeke huru yanga ti ala na bango ni; aga tapande ndali ti azo so ayeke deba amba ti ala. Ye so asi laso laa.

Jérémie 25:18 Referans Kwoze

Jérémie 44:22

KOTA GBIA akanga be ti lo gbaa na asioni sarango ye ti ala nga na asioni sarango ye ti ala so zo alingbi ti baa na le ti lo fani use pepe so. Ndani laa kodro ti ala aga ndo ti gba ti atêne, aga ngonda si zo ayeke daa mbeni pepe, aga tapande ndali ti azo so ayeke deba amba ti ala; ye ni laa a yeke baa ni laso so.

Jérémie 24:9

Na ya ti akodro-gbia kue ti sese, fade mbi yeke sara si ala, azo ti Juda, ala ga tapande ti kpale so ayeke sara si azo ado na kota mbeto. Na ando so kue mbi yeke tumba ala daa, ala yeke ga tapande; zo ayeke mu iri ti ala ti zonga na mba ti lo wala ti he lo, ti he bia na iri ti lo wala ti deba lo.

Abia (Psaumes) 60:3

O Nzapa, mo ke e awe, mo sara si e kangbi kirikiri. Mo sara ngonzo awe: kiri ngangu na e maa!

1 Pierre 4:17

Biani, ngoi so e yeke daa ayeke ngoi so Nzapa ayeke to nda ti fango ngbanga ti azo ti da ti lo. So Nzapa ayeke to nda ti fango ngbanga ti e kozoni so, fade ti azo so ake ti ma na be na Nzoni Tënë ti Nzapa ayeke duti tongana nyen?

Amos 3:2

“Na popo ti asewa kue ti sese so, gi ala oko laa mbi soro ala. Ndani laa fade mbi yeke hunda na ala titene ala fa na mbi peko ti asioni ye so kue ala sara.”

Amos 2:5

Fade mbi yeke bi wâ na ya ti kodro ti Juda si wâ ni ayeke gbi ayangbo ti gbata ti Jérusalem kue.”

Daniel 9:12

Atënë so mo tene ando na ndö ti e na amakonzi so ayeke na li ti e, mo sara si aga taa-tënë: kota sioni kpale so mo sara si ati na ndö ti e na Jérusalem, ade mara ni asi na mbeni ndo laoko pepe na dunia so.

Jérémie 25:11

Fade kodro so kue ayeke ga ndo ti gba ti atêne si ayeke ga ye ti dongo be. Na ya ti ngu balembarambara, amara ni kue ayeke duti na gbe ti komandema ti gbia ti Babilone.

Jérémie 25:9

mbi yeke tokua titene a gi amara ti mbage ti Banga kue, so tënë ti yanga ti KOTA GBIA laa. Mbi yeke iri zo ti kua ti mbi Nabukodonosor, gbia ti Babilone, titene lo ga. Mbi yeke sara titene azo ni aga atuku na ndö ti kodro so; ala ga na tere ti azo ti kodro ni nga na tere ti amara so kue angoro kodro ni. Mbi yeke hunzi ala na amara ni kue. Mbi yeke sara si kodro ni ati biani biani si aga ye ti dongo be. Na bango kodro ni, fade azo ayeke huru yanga ti ala; so tënë ti yanga ti KOTA GBIA laa.

Jérémie 1:10

Hinga, mo tene, laso mbi mu na mo kua ti sara ndali ti amara nga ndali ti akodro-gbia: mo yeke gboto aye si mo yeke de aye na sese; mo yeke buba aye si mo yeke kungbi aye na sese; mo yeke leke aye na nduzu si mo yeke lu aye.”

Néhémie 9:36

Laso, e yeke angbaa! E yeke angbaa na ya ti sese so mo mu na akotara ti e titene ala baa nzoni na lege ti anzoni le ti kobe ti yaka.

Esdras 9:7

Ti londo na ngoi ti akotara ti e ngbii asi laso, e sara sioni ahon ndoni. Ndali ti siokpari ti e, e na agbia ti e, na awayango-sandaga ti e, e ti na gbe ti agbia ti amara nde; ala sara bira na e, ala gbu e ague na e na kodro wande, ala gbu aye ti e ahon na ni, ala bi kamene na le ti e, tongana ti laso so.

2 Agbia 22:19

Tënë so mbi tene na ndö ti gbata so nga na ndö ti azo ti gbata ni apika be ti mo si mo sara tere ti mo kete na gbe ti KOTA GBIA. Fade gbata so ayeke ga ngonda si ayeke ga ye so a deba ni awe. Na mango tënë so mbi tene, mo suru bongo na tere ti mo si mo toto na dawa ti mbi. Mbi nga, mbi ma mo awe; so tënë ti yanga ti KOTA GBIA laa.

1 Agbia 8:24

Zendo so mo mu lani na babâ ti mbi David, zo ti kua ti mo, mo sara ye alingbi na ni awe. Tënë so mo tene na lo, mo wani, mo sara ye alingbi na ni awe; ye ni laa asi laso so.

Josué 6:18

Me ti ala, ala sara hange! Aye so a zia ni titene a buba ni, ala mu ni pepe. Tongana ala mu mbeni ye, fade ala yeke sara si kpale ati na ndö ti bâbâ ti azo ti Israel si ayeke buba bâbâ ni kue.

2 Mbai 29:8

Aye so asara si kota ngonzo alondo na be ti KOTA GBIA na tere ti azo ti Juda na ti Jérusalem. Ndali ti aye ni, lo sara mbeni ye ti ziango mbeto na be ti zo, ye ti mawa nga na ye ti kamene so ala wani ayeke baa na le ti ala so.

Ésaïe 40:23

Lo sara si amakonzi ti dunia so aga ye oko pepe, lo sara si awafango-ngbanga ti sese so aga senge senge ye.

Ésaïe 65:15

Azo so mbi soro ala ayeke mu iri ti ala, azo ti sioni, ti deba azo na ni; ala yeke tene: ‘Alingbi Kota Gbia NZAPA afâ mo tongana zo tongaso!’ Me ti ala, azo ti kua ti mbi, fade a yeke mu mbeni iri nde na ala.

Jérémie 26:6

Tongana ala ma pepe, fade mbi yeke buba kota da ti Nzapa so, tongana ti so mbi buba ti Silo. Mbi yeke sara si gbata ti Jérusalem aga tapande ti dengo ba ndali ti amara ti sese kue.’ ”

Ezekiel 30:7

Fade Ezipte ayeke ga benyama ahon akodro so kue aga benyama. Agbata ti lo ayeke buba ahon agbata so kue abuba.

Mishe 6:16

Ala yeke bata gi lege ti ambela ti gbia Omri, nga na lege ti sarango ye kue ti asewa ti Akab. Ala yeke sara gi aye so agbia ni afa na ala. Ndani laa, fade mbi yeke buba gbata ti ala si azo ti gbata ni ayeke ga ye ti ngia na le ti azo. Kamene so agbu le ti azo ti mbi so, fade kamene ni ayeke kiri ti gbu le ti ala.”

Jérémie 13:3

Ti fani use ni, tënë ti KOTA GBIA asi na mbi, atene:

Jérémie 13:9

“Tënë so KOTA GBIA atene ayeke so: Gi tongaso laa mbi yeke buba baba ti azo ti Juda, na kota baba ti azo ti Jérusalem.