Jérémie 24:7 - Mbeti ti Nzapa - Tënë so amu fini

⁷ Mbi yeke mu na ala be ti hinga so mbi yeke KOTA GBIA. Na be ti ala kue, fade ala yeke kiri na mbage ti mbi. Ala yeke duti azo ti mbi si mbi yeke duti Nzapa ti ala.

Jérémie 24:7 Referans Kwoze

Ahebro 8:10

Kota Gbia atene: Baa, mbuki so mbi na azo ti Israel, e yeke sara ni ayeke so: Na peko ti alango ni so, mbi yeke mu andia ti mbi na ala, mbi yeke su ni na ya ti li ti ala nga na ndö ti be ti ala. Mbi yeke duti Nzapa ti ala si ala yeke duti azo ti mbi.

Jérémie 30:22

Fade ala yeke duti azo ti mbi si mbi yeke duti Nzapa ti ala.”

Ezekiel 37:23

Ala yeke kiri ti ga *sioni pepe na lege ti vorongo afungo yanda, na lege ti sarango asioni ye so zo alingbi ti baa na le ti lo fani use pepe nga na lege ti asioni nde nde so ala sara. Mbi yeke zi ala na ando so kue ala duti daa si ala sara siokpari so; mbi yeke sara si ala ga *nzoni. Ala yeke duti azo ti mbi si mbi yeke duti Nzapa ti ala.

Zakarii 8:8

Fade mbi yeke kiri na ala si ala yeke duti na Jérusalem. Ala yeke duti azo ti mbi si mbi yeke duti Nzapa ti ala. Mbi yeke sara komandema na ndö ti ala na lege ti batango tënë ti yanga ti mbi na fango ngbanga ti mbirimbiri.”

Rome 6:17

E mu singila na Nzapa: ando, ala yeke angbaa ti siokpari, me fadeso, ala yeda na be ti ala kue na taa-tënë so a fa na azo kue si ala, azo ti Rome, ala yeda nga na ni.

1 Samuel 7:3

Tongaso, Samuel atene na azo ti Israel kue, atene: “Tongana ala kiri na KOTA GBIA na be ti ala kue, ayeke nzoni ala zi na popo ti ala anzapa ti awande nga na ayanda ti *Astarte. Ala zia be ti ala na ndö ti KOTA GBIA, ala sara kua gi na lo oko si fade lo zi ala na maboko ti azo ti Filistii.”

Ezekiel 37:27

Ndo ti dutingo ti mbi ayeke na popo ti ala; mbi yeke duti Nzapa ti ala si ala yeke duti azo ti mbi.

Zakarii 13:9

Fade mbi yeke mu ota mbage ti azo so angba na fini so, mbi yeke hon na ala na le ti wâ ti zi sioni ye na tere ti ala tongana ti so a yeke kporo wen ti nginza na ya ti wâ ti zi sioni ye na tere ni. Mbi yeke tara ala ti zi sioni ye na tere ti ala tongana ti so a yeke tara lôro na le ti wâ ti zi sioni ye na tere ni. Fade ala yeke iri mbi ti mu maboko na ala; ti mbi, mbi yeke ma ala. Mbi yeke tene: ‘Ala yeke azo ti mbi’, ala yeke tene: ‘KOTA GBIA ayeke Nzapa ti e.’ ”

Jérémie 3:10

Ataa ye so kue asi, ita ti lo ti wali Juda-wali-gbanambana akiri na mbi na be ti lo kue pepe, me na lege ti handango ndo”; so tënë ti yanga ti KOTA GBIA laa.

Ésaïe 51:16

Mbi gbara yayu, mbi zia gere ti sese si mbi tene na azo ti *Sion: ‘Ala laa ayeke azo ti mbi; mbi zia tënë ti mbi na yanga ti ala, mbi bata ala na gbe ti de ti maboko ti mbi.’ ”

2 Mbai 6:38

tongana ala kiri na mbage ti mo na be ti ala kue, na yingo ti ala kue na ya ti kodro so a gbu ala si a gue na ala daa, tongana ala baa ndo na mbage ti kodro so mo mu ando na akotara ti ala, wala ala baa ndo na mbage ti gbata so mo soro nga na mbage ti da so mbi sara ndali ti mo, tongana ala sambela mo,

Ahebro 11:16

Me kodro so nzara ni ayeke sara ala so ayeke kodro so ayeke nzoni ahon atanga ni kue, so ti tene kodro ti yayu. Ndani laa kamene asara Nzapa pepe titene ala iri lo Nzapa ti ala. Biani, lo leke mbeni gbata ndali ti ala.

Abia (Psaumes) 119:2

Ti ala nzoni, azo so asara aye so lo hunda na ala si ala mu be ti ala kue ti gi lo!

Jérémie 7:23

Yanga so mbi mu na ala ayeke so: Ayeke nzoni ala ma yanga ti mbi, tongaso si mbi yeke duti Nzapa ti ala si ala yeke duti azo ti mbi. Ala tambula mbirimbiri na lege so mbi fa na ala si ala yeke duti nzoni.

Jérémie 11:4

Ando, mbi sara si akotara ti ala asigigi na sese ti Ezipte so ayeke tongana kota wâ so a yeke kporo wen na ya ni. Na ndembe ni so, mbi mu yanga na ala, mbi tene: Ala ma tënë ti mbi, ala sara ye so kue mbi mu yanga na ala ti sarango ni. Tongaso, fade ala yeke duti azo ti mbi si mbi, mbi yeke duti Nzapa ti ala.

Jérémie 29:10

“Tënë so KOTA GBIA akiri atene ayeke so: ‘Tongana ngu balembarambara so a diko ndali ti Babilone so ahon awe, mbi yeke ga ti baa lege ti ala; nzoni ye so mbi mu zendo ti sarango ni na ala, fade mbi yeke sara ni: mbi yeke kiri na ala ge na Jérusalem.

Ezekiel 14:11

Tongaso si azo ti Israel ayeke kiri ti gue yongoro na mbi pepe; ala yeke kiri ti ga *sioni ndali ti asioni ye ti ala pepe. Fade ala yeke duti azo ti mbi si mbi yeke duti Nzapa ti ala.” So tënë ti yanga ti Kota Gbia NZAPA laa.

Ezekiel 16:62

Mbi yeke kiri ti sara mbuki ti mbi na mo si mo yeke hinga, mo tene, mbi yeke KOTA GBIA.

Ezekiel 39:22

Ti to ndani na lango ni so ti gue na ni, fade azo ti Israel ayeke hinga atene, mbi laa mbi yeke KOTA GBIA, Nzapa ti ala.”

Ezekiel 11:17

Tongaso, mo tene na ala, mo tene: Tënë so mbi Kota Gbia NZAPA, mbi tene ayeke so: ‘Fade mbi yeke zi ala na popo ti amara nga na ya ti akodro so mbi kangbi ala daa ti bongbi ala; mbi yeke kiri ti mu na ala sese ti Israel.

Osée 2:22

Biani, ye so mbi yeke ka na peko ti mo ayeke batango tënë ti yanga ti mbi. Tongaso fade mo yeke hinga so mbi yeke KOTA GBIA.