Jérémie 24:10 - Mbeti ti Nzapa - Tënë so amu fini

¹⁰ Fade mbi yeke tokua na ndö ti ala bira, kota nzara na sioni kobela ti bubango kodro. Ye ni ayeke ninga ngbii, ala kue ahunzi na ya ti kodro so mbi mu ando na ala nga na akotara ti ala so.”

Jérémie 24:10 Referans Kwoze

Ésaïe 51:19

Aye ti mawa use so asi na mo awe: aye ti mo kue abuba si kpale ati na ndö ti mo; kota nzara na bira afâ azo ti mo. Zo wa laa ayeke dema mo, zo wa? Zo wa laa ayeke de be ti mo, zo wa?

Ezekiel 33:27

“Mo tene na ala, mo tene: Tënë so Kota Gbia NZAPA atene ayeke so: ‘Fini ti mbi! Azo so angba na ya ti gbata so abuba awe so, fade ala yeke kui kuâ ti yongoro zeme; azo so ayeke na ya ti ngonda, mbi yeke mu ala na anyama ti ngonda titene ate ala; azo so ahonde tere ti ala na ndö ti ahoto nga na ya ti adu ti têne, sioni kobela ti bubango kodro ayeke fâ ala.

Ezekiel 7:15

“Na ndö ti alege, gi bira na bira, na ya ti ada, gi kobela ti bubango kodro na kota nzara. Na ya ti ayaka, azo ayeke kui na ya ti bira, na ya ti agbata, kota nzara na sioni kobela ti bubango kodro ayeke fâ azo.

Jérémie 34:17

“Baa, tënë so KOTA GBIA atene ayeke so: Ala oko oko kue alingbi fade ti to mbela titene a zi a-ita ti ala na amba ti ala na gbe ti ngbaa; me ala ma yanga ti mbi pepe. Ndani laa, mbi KOTA GBIA, mbi to mbela titene a zi lege na bira, na sioni kobela ti bubango kodro nga na nzara ti ga na tere ti ala; so tënë ti yanga ti KOTA GBIA laa. Fade akodro-gbia kue ti sese ayeke do na kota mbeto na bango ala.

Jérémie 27:8

“Tongana mbeni mara wala mbeni kodro-gbia ake ti sara kua na Nabukodonosor, gbia ti Babilone, tongana mara ni wala kodro ni ake ti yoro go ti lo na gbe ti zuge ti gbia ti Babilone, mbi yeke ga na tere ti mara ni na lege ti bira, kota nzara na sioni kobela ti bubango kodro. Na lege ti lo, mbi yeke sara si kodro ni abuba biani biani.

Jérémie 19:7

Na ndo so, fade mbi yeke sara si poroso ti azo ti Juda na ti Jérusalem aga senge senge ye. Mbi yeke sara si ala ti na gbe ti awato ti ala si awato ni afâ ala na ya ti bira, awato ti ala ni ayeke baa mawa ti ala oko pepe. Mbi yeke sara si kuâ ti ala aga kobe ndali ti andeke ti nduzu na anyama ti sese.

Jérémie 16:4

Fade ngangu kobela ayeke fâ ala; zo ayeke toto kuâ ti ala pepe, zo ayeke lu nga kuâ ti ala pepe. Me ala yeke ga tongana puru na ndö ti sese. Fade bira na nzara ayeke fâ ala si kuâ ti ala ayeke ga kobe ti andeke ti nduzu na ti anyama ti sese.”

Jérémie 15:2

Tongana azo ni ahunda mo, atene: ‘E yeke gue na ndo wa?’, fade mo yeke kiri tënë na ala: ‘Tënë so KOTA GBIA atene ayeke so: Zo so a diko lo ti kui, fade lo yeke kui! Zo so a diko lo ti kui na ya ti bira, lo yeke kui na ya ti bira! Zo so a diko lo ti kui kuâ ti nzara, lo yeke kui na nzara! Zo so a diko lo titene a gue na lo na kodro wande, a yeke gue na lo na kodro wande!’

Jérémie 9:16

Tënë so KOTA GBIA so ayeke na ndö ti dunia kue atene laa. “Ala gbu li ti ala si! Ala iri awali ti totongo kuâ ti ga! Ala iri awali so kua ti ala ayeke gi totongo kuâ.

Jérémie 5:12

Azo ti Juda abere tënë ti KOTA GBIA, ala tene: “Lo yeke daa lawa! Fade mbeni ye ti sioni ayeke wara e pepe; bira wala nzara ayeke si na e pepe.

Aye so Nzapa afa 6:8

Mbi baa ndo si mbi baa mbeni mbarata so tere ti lo avuru akpa kuâ. Iri ti zo so aduti na ndö ti mbarata ni ayeke “Kuâ” si ndo ti akuâ ayeke mu peko ti lo. A mu na lo ngangu ti gue na ndö ti sese kue, ti fâ azo na yongoro zeme, na lege ti nzara, na lege ti kuâ nga na lege ti asioni nyama. Tongana azo ayeke osio, lo yeke fâ oko.

Ndia ti fani use ni 28:21

Lo yeke tokua sioni kobela ti bubango kodro na tere ti ala ngbii kobela ni afâ ala kue ahunzi ala na ndö ti sese so ala yeke gue ti mu ni titene aga ti ala.

Jérémie 21:9

Zo so ayeke ngba na ya ti gbata so, fade lo yeke kui na lege ti bira, ti kota nzara na ti sioni kobela ti bubango kodro. Me zo so ayeke sigigi na ya ti gbata ni ti zia tere ti lo na maboko ti aturugu ti Babilone, zo ni ayeke soo fini ti lo; ye so ayeke ngba na lo ayeke gi fini ti lo.

Jérémie 42:17

Azo so kue ayeda ti honde tere ti ala na Ezipte, fade ala yeke kui na lege ti bira, kota nzara na sioni kobela ti bubango kodro. Kpale so mbi yeke sara si aga na ndö ti ala, zo oko ayeke sigigi na ya ni pepe, zo oko ayeke ngba na fini pepe.’ ”

1 Agbia 14:15

KOTA GBIA ayeke pika azo ti Israel si ala yeke ga tongana sosongo so ayeke yingi na le ti ngu. KOTA GBIA ayeke zi ala na ndö ti nzoni sese so lo mu ando na akotara ti ala si lo yeke kangbi ala kirikiri na mbage ti ngu ti Efrate. Ye ni ayeke si ande na ala, ngbanga ti so ala zia ngonzo na be ti KOTA GBIA na lege so ala akeke aluti na nduzu ndali ti nzapa-wali *Ashera.

Jérémie 9:15

Mbi yeke kangbi ala kirikiri na popo ti amara so ala hinga kozoni pepe; ataa ala wani, ataa akotara ti ala ahinga amara ni so pepe. Mbi yeke sara si azo angba ti sara bira na ala ngbii azo ni ahunzi ala kue si.”

Jérémie 14:12

Ataa ala ke kobe, fade mbi yeke ma dema ti ala pepe. Ataa ala ya na mbi asandaga so a yeke gbi ni kue na wâ nga na asandaga ti ale ti kobe, ayeke nzere na be ti mbi pepe. Me mbi yeke hunzi ala na lege ti bira, na lege ti nzara nga na lege ti sioni kobela ti bubango kodro.”

Jérémie 29:17

Tënë so KOTA GBIA so ayeke na ndö ti dunia kue atene ayeke so: ‘Mbi yeke tokua na ndö ti ala bira, nzara na sioni kobela ti bubango kodro. Mbi yeke sara titene ala kpa afige so afun awe, so ayeke sioni ahon ndoni si akpa titene zo ate ni pepe so.

Jérémie 29:18

Mbi yeke tumba peko ti ala na lege ti bira, nzara na sioni kobela ti bubango kodro. Mbi yeke sara tongaso si akodro-gbia ti sese kue ado na kota mbeto na bango ala. Na ya ti akodro so kue mbi yeke kangbi ala daa, ala yeke ga tapande ndali ti azo so ayeke deba amba ti ala; ala yeke ga ye ti dongo be nga na ye so azo ayeke huru yanga ti ala na bango ni.

Jérémie 32:24

“Fadeso azo ti Babilone abongbi sese si aga *koto, ala ga nduru na gbata ni titene ala mu ni awe; ala yeke tiri bira titene ala mu gbata ni. Na lege ti bira, kota nzara na sioni kobela ti bubango kodro, gbaa fade gbata ni ayeke ti na maboko ti ala. Tënë so lani mo tene, ni laa asi awe so; ti mo, mo yeke baa gi ni bango!

Jérémie 32:25

Ka so gbata ni aga nduru ti ti na maboko ti azo ti Babilone awe so, ngbanga ti nyen si mo Kota Gbia NZAPA, mo mu yanga na mbi, mo tene: ‘Vo yaka ni, mo futa ngere ni na dawa ti azo so aduti na tere ni?’ ”

Jérémie 42:22

Ti fadeso, kite ni ayeke daa pepe: fade ala yeke kui na lege ti bira, kota nzara na sioni kobela ti bubango kodro na ya ti kodro so ala ye ti gue ti honde tere ti ala daa.”

Ezekiel 6:11

Tënë so Kota Gbia NZAPA atene ayeke so: “Mo pika maboko ti mo, mo do sese na gere ti mo si mo tene: ‘Ae!’ ndali ti asioni ye so kue azo ti Israel asara nga ndali ti aye so ala sara si zo alingbi ti baa na le ti lo fani use pepe so. Fade ala yeke kui na ya ti bira, na lege ti kota nzara nga na sioni kobela ti bubango kodro.