Jérémie 23:22 - Mbeti ti Nzapa - Tënë so amu fini

²² Tongana ala duti fade na ya ti bongbi ti mbi, ka ala yeke tene peko ti atënë ti mbi na azo ti mbi biani; ka ala yeke sara si azo ni azia ngbene lege ti sarango ye ti ala si azo ni azia nga sioni sarango ye ti ala.”

Jérémie 23:22 Referans Kwoze

Zakarii 1:4

Ala sara ye tongana ti akotara ti ala pepe. Ando, akozo wayanga-Nzapa afa tënë ti mbi na akotara ti ala ni, atene: Tënë so KOTA GBIA so ayeke na ndö ti dunia kue atene ayeke so: ‘Ala zia ngbene lege ti sarango ye ti ala, ala zia asioni sarango ye ti ala.’ Me ala ma pepe, ala ma yanga ti mbi pepe; so tënë ti yanga ti KOTA GBIA laa.

Jérémie 25:5

Lo tene na ala: ‘Ala zia ngbene lege ti sarango ye ti ala, ala zia asioni ti ala. Tongaso, fade ala yeke wara lege ti duti ngbene ye kpu na kpu, lakue lakue na ya ti kodro so mbi mu ando na ala nga na akotara ti ala.

Jérémie 23:18

Me zo wa laa aduti na ya ti bongbi ti mbi KOTA GBIA, zo wa? Zo wa laa abaa mbi na tenengo tënë ni, zo wa? Zo wa laa ama tënë ni, zo wa? Zo wa laa adingi mê ti lo ti ma tënë ni, zo wa? Zo wa laa ama nda ni, zo wa?”

Awatokua 20:27

Biani, aye so kue Nzapa aleke na be ti lo so, mbi fa na ala awe, mbi honde ye oko pepe.

Ezekiel 13:22

Na lege ti mvene ti ala, awali ni, ala sara si be ti azo ti mbirimbiri awoko, ataa so mbi laa mbi zia vundu na be ti azo ti mbirimbiri ni pepe. Ala mu ngangu na be ti azo ti sioni si ala lingbi ti zia lege ti sioni ti ala pepe ti ngba na fini.

Jérémie 35:15

Mbi mu ngoi ti mbi kue ti tokua na ala azo ti kua ti mbi, awayanga-Nzapa ti tene na ala, azo ti Juda, atene: ‘Ayeke nzoni zo oko oko azia sioni lege ti sarango ye ti lo; ala sara si sarango ye ti ala akiri aga nzoni; ala mu peko ti anzapa nde pepe ti voro ala. Tongaso, fade ala yeke ngba ti duti na ya ti kodro so mbi mu na ala, ala na akotara ti ala.’ Me ala dingi mê ti ala kete pepe, ala ma mbi pepe.

1 Tesalonike 5:6

Tongaso, alingbi e lango tongana tanga ti azo pepe, me le ti e akpengba, e sara ye ahon ndoni pepe, me na legeni.

Ezekiel 3:17

“Molenge ti zo, mbi zia mo sanziri ndali ti azo ti Israel. Tongana mo ma mbeni tënë na yanga ti mbi, fade mo yeke gboto mê ti ala na iri ti mbi.

Ezekiel 2:7

Fade mo yeke tene na ala atënë ti mbi, ataa ala ma mo, ataa ala ma mo pepe; azo ni ayeke azo ti ngangu li.

Ezekiel 18:30

Ndani laa, ala azo ti Israel, fade mbi yeke fâ ngbanga na li ti zo oko oko alingbi na lege ti sarango ye ti lo; so tënë ti yanga ti mbi, Kota Gbia NZAPA laa. Ala zia ngbene lege ti sarango ye ti ala, ala zia lege ti asioni ye so kue ala yeke sara. Tongaso si ye so ayeke sara titene ala ti, aduti daa mbeni pepe.

Jérémie 36:3

E hinga pepe, fade azo ti Juda ayeke ma nda ti asioni ye so mbi ye ti tokua na ndö ti ala si zo oko oko alingbi ti zia sioni lege ti sarango ye ti lo. Tongaso, fade mbi yeke zi sioni ti ala nga na siokpari ti ala na li ti ala.”

Jérémie 9:12

KOTA GBIA akiri atene: “Ye ni asi tongaso, ngbanga ti so azo ni azia lege ti ye so mbi fa na ala, ala ke ti ma mbi; ala ke ti sara ye alingbi na tënë ti mbi.

Jérémie 23:14

Me na popo ti awayanga-Nzapa ti Jérusalem, mbi baa kota ye ti buba: ala yeke lango na awali kirikiri, tenengo mvene aga ye ti tere ti ala, ala yeke mu maboko na azo ti sarango sioni. Tongaso, zo oko ti zia sioni ti lo ayeke daa pepe. Na le ti mbi, awayanga-Nzapa ni kue aga tongana azo ti Sodome; azo ti Jérusalem aga tongana azo ti Gomore.”

Ezekiel 13:5

Awayanga-nzapa ni ague ti kanga adu ti gbagba pepe, ala leke gbagba pepe ti bata ala, azo ti Israel, na ngoi ti bira, na *lango ti KOTA GBIA.

Amos 3:7

Biani, kozo titene Kota Gbia NZAPA asara mbeni ye, lo yeke fa tënë ti be ti lo na azo ti kua ti lo, awayanga-Nzapa.

Malashii 2:6

Ala fa gi taa-tënë na azo si mbeni tënë ti mvene asigigi na yanga ti ala pepe. Ala tambula na mbi na siriri, na legeni. Ala sara si azo mingi azia lege ti sarango ye ti sioni.