Jérémie 22:16 - Mbeti ti Nzapa - Tënë so amu fini

¹⁶ Zo ti mawa na wayere, lo fâ ngbanga ti ala na legeni; so asara si lo baa nzoni mingi. So tënë ti yanga ti KOTA GBIA laa.

Jérémie 22:16 Referans Kwoze

Jérémie 9:24

“Mbeni lango ayeke ga so mbi yeke ga na tere ti azo so atene, ani yeke azo so afâ *ganza awe so; so tënë ti yanga ti KOTA GBIA laa.

Ésaïe 1:17

Ala manda ti sara nzoni ye; ala gi lege ti fâ ngbanga ti mbirimbiri. Ala kanga lege na zo so asara ngangu na azo; ala fâ ngbanga ti nyindu na legeni; ala gbu koko ti wali-mua.”

Tite 1:16

Ala tene na yanga ti ala atene, ala hinga Nzapa, me ye so ala yeke sara afa so, ala bere tënë ti lo awe. Ala yeke azo so sioni ti ala ahon ndoni, azo ti ngangu li, ala lingbi ti sara nzoni ye oko pepe.

Jean 17:3

Fini so angba lakue lakue ayeke titene azo ahinga mo, mo so mo yeke oko taa Nzapa si ala hinga nga Jésus Christ, lo so mo tokua lo.

Jérémie 9:16

Tënë so KOTA GBIA so ayeke na ndö ti dunia kue atene laa. “Ala gbu li ti ala si! Ala iri awali ti totongo kuâ ti ga! Ala iri awali so kua ti ala ayeke gi totongo kuâ.

Abia (Psaumes) 109:31

Biani, lo luti na mbage ti maboko ti koli ti zo ti mawa titene lo soo lo na maboko ti azo so aye ti fâ ngbanga na li ti lo.

Abia (Psaumes) 9:10

KOTA GBIA ayeke tongana ngangu gbagba so ayeke bata azo so a sara ngangu na ala; lo yeke tongana ngangu gbagba so ayeke bata azo na ngoi ti aye ti ngangu.

Jérémie 5:28

Ala kono mingi si tere ti ala ayeke za zango. Ala hon azo kue na sarango sioni. Ala yeke fâ ngbanga na legeni pepe; ala yeke baa tënë ti nyindu na legeni pepe; tongaso pepe, ka nyindu ni abaa nzoni. Ala yeke baa tënë ti awayere na legeni pepe.

1 Mbai 28:9

– Ti mo, molenge ti mbi Salomon, ayeke nzoni mo hinga Nzapa ti babâ ti mo; mo sara na lo na be ti mo kue, tere ti mo ayapu na kua, ngbanga ti so KOTA GBIA laa ayeke baa ya ti be ti zo si lo hinga tënë ti be ti zo. Tongana mo gi lo, fade lo yeke zia lege na mo ti wara lo; me tongana mo zia lo, fade lo yeke ke mo kpu na kpu.

Jean 17:6

Azo so mo zi ala na dunia si mo mu ala na mbi, mbi sara si ala hinga mo. Ala yeke ti mo, mo mu ala na mbi si ala sara ye alingbi na tënë ti mo.

Jean 16:3

Azo ni ayeke sara ye so na ala, ngbanga ti so azo ni ahinga Babâ wala mbi pepe.

Jérémie 9:3

Ayeke nzoni zo oko oko asara hange na mba ti lo; ala zia be ti ala na ndö ti a-ita ti ala pepe, ngbanga ti so azo kue ayeke azo ti handango a-ita ti ala; ataa mba ti mo so mo ye lo mingi, lo yeke du mvene na li ti mo.

Jean 8:19

Ala hunda lo, atene: “Babâ ti mo ni ayeke na ndo wa?” Jésus akiri tënë, atene: “Ala hinga mbi wala Babâ ti mbi pepe. Tongana ala hinga fade mbi, ka ala hinga nga Babâ ti mbi.”

1 Samuel 2:2

KOTA GBIA oko laa ayeke nde si ayeke nzoni kue, mbeni zo ti bata e tongana lo ayeke daa pepe; lo yeke oko kota têne so e luti na ndö ni ti bata tere ti e; mbeni nzapa nde tongana lo ayeke daa pepe.

Abia (Psaumes) 36:10

Aye kue abaa gigi gi na lege ti mo; e ngba na fini gi na lege ti lumiere ti mo.

Amato 31:9

Mo tene tënë, mo fâ ngbanga ti azo na legeni! Gbu koko ti awayere na ti azo ti mawa!”

Mishe 6:8

Mo zo, a fa na mo ye so ayeke nzoni awe. Ye so KOTA GBIA ahunda na mo ayeke gi so: sara ye so ayeke mbirimbiri, ye tënë ti sarango ye ti nzoni be, tambula na Nzapa ti mo na lege ti sarango tere ti mo kete.