Jérémie 2:17 - Mbeti ti Nzapa - Tënë so amu fini

¹⁷ Ye so kue asi na mo gi ndali ti mo wani pepe? Ye ni asi ndali ti so mo zia KOTA GBIA, Nzapa ti mo na ndembe so lo yeke fa lege na mo.

Jérémie 2:17 Referans Kwoze

Jérémie 4:18

Futa ti lege ti dutingo ti mo na sioni sarango ye ti mo laa mo wara awe so! Ye ni asee, taa-tënë, me so lengo ti sioni ti mo laa! So ali taa mo, agbu bio!”

Jérémie 2:19

Fade sioni ti mo wani ayeke kiri na li ti mo. Mo zia mbi awe; fade mo yeke wara ye ti peko ni! Tongaso si mo hinga, mo tene, ziango KOTA GBIA Nzapa ti mo, ayeke sioni si ayeke ye ti vundu mingi; tongana mo kpe mbeto ti mbi pepe, so ayeke ye ti vundu mingi!” So tënë ti yanga ti KOTA GBIA so ayeke na ndö ti dunia kue laa.

Jérémie 2:13

Azo ti mbi asara asioni ye use: ala do mbi azia, mbi so mbi yeke li ti ngu so ayeke mu fini na zo; ala gue ti zi du ti ngu ndali ti ala wani; andaa du ti ngu ni akoro korongo; du ni alingbi ti bata ngu pepe.”

Osée 13:9

“Mo Israel, ye so abuba mo, ayeke ti so mo ke mbi awe, mbi so mbi lingbi fade ti mu maboko na mo so.

Abia (Psaumes) 107:7

Lo fa na ala lege so ague mbirimbiri ti si na mbeni gbata so azo ayeke daa.

Abia (Psaumes) 77:20

Mo suru lege ti mo na ya ti kota ngu-ingo, mo hon na ya ti ngu so alinda, zo oko abaa peko ti gere ti mo pepe.

Ésaïe 1:4

Ae! Ala azo ti mara ti sarango siokpari, ala azo ti fango zo, ala *ahale ti sioni, ala amolenge ti kirikiri! Ala zia *KOTA GBIA awe; ala ke Nzapa ti Israel, lo so lo yeke nde si lo yeke nzoni kue; ala zia peko ti ala na lo.

Abia (Psaumes) 136:16

Lo fa lege na azo ti lo na ya ti benyama. – Biani, nzoni be ti lo angba kpu na kpu!

Mbeti ti Job 4:8

Ti mbi, ye so mbi baa ayeke so: Azo so alu ye ti kirikiri na ala so alu pasi, ye ti kirikiri na pasi laa ala yeke ko lengo ni.

1 Mbai 28:9

– Ti mo, molenge ti mbi Salomon, ayeke nzoni mo hinga Nzapa ti babâ ti mo; mo sara na lo na be ti mo kue, tere ti mo ayapu na kua, ngbanga ti so KOTA GBIA laa ayeke baa ya ti be ti zo si lo hinga tënë ti be ti zo. Tongana mo gi lo, fade lo yeke zia lege na mo ti wara lo; me tongana mo zia lo, fade lo yeke ke mo kpu na kpu.

Ndia ti fani use ni 32:19

So KOTA GBIA abaa lege so amolenge ti lo ti koli na ti wali ayeke he lo, be ti lo aso.

Ndia ti fani use ni 32:10

KOTA GBIA awara azo ti Israel na benyama, na ndo so zo ayeke daa pepe, na ndo so a yeke ma gi toto ti *anzagua daa. Lo gbu ala na kate ti lo, lo bata ala nzoni, lo bata ala tongana mboma ti le ti lo.

Wungo ti azo 32:23

Me tongana ala sara tongaso pepe, andaa ala sara siokpari ti ke KOTA GBIA; ala yeke wara ye ti peko ti siokpari ti ala ni.

Jérémie 5:25

Sioni ti ala laa abuba lege ti aye so kue, siokpari ti ala laa akanga lege na ala ti wara anzoni ye so.

Jérémie 13:22

Fade mo yeke hunda tere ti mo, mo tene: ‘Ye so asi na mbi tongaso ngbanga ti nyen?’ Biani, tongana a yo yanga ti bongo ti mo na nduzu, tongana a sara ngangu na mo, ayeke ndali ti so mo sara sioni ahon ndoni.

Jérémie 19:4

Biani, azo ti Juda ado mbi, azia awe; ala buba ndo so kue awe, zo alingbi ti hinga ni mbeni pepe: na ndo ni so, ala zö dukani na ambeni nzapa nde. Ataa ala wani, ataa akotara ti ala, ataa agbia ti Juda ahinga anzapa ni so kozoni pepe. Ala sara si ndo ni asi singo na mene ti azo so tënë ayeke na li ti ala pepe.

Jérémie 44:3

Ye ni asi, ngbanga ti so azo ni azia ngonzo na be ti mbi na lege ti sioni so ala sara. Biani, ala gue ti zö dukani na anzapa nde si ala voro anzapa ni, anzapa so ala hinga ala kozoni pepe. Ataa ala, azo ti Juda, ataa akotara ti ala ahinga nga anzapa ni so pepe.

Ezekiel 39:24

Mbi honde le ti mbi na ala si mbi sara na ala alingbi na *asioni ti ala nga na ngangu li ti ala.

2 Mbai 15:2

Lo gue, lo wara Asa si lo tene na lo: “Gbia Asa, mo na azo ti Juda nga na azo ti Benjamin kue, ala ma mbi si! *KOTA GBIA ayeke na ala, tongana ala yeke na lo. Tongana ala gi lo, fade lo yeke zi lege na ala ti wara lo; me tongana ala zia lo, fade lo nga lo yeke zia ala.

Mbeti ti Job 34:27

Lo sara ni, ngbanga ti so azo ni azia ti tambula na peko ti lo, ala ke ti hinga aye so kue lo fa na ala.

Amato 15:10

Zo so azia nzoni lege, fade a yeke pika lo ngangu. Zo so ake titene a gboto mê ti lo, lo yeke kui.

Ésaïe 59:13

e ke ndia ti mo, e bere tënë ti mo, e ke ti mu peko ti mo, Nzapa ti e, e tene gi atënë ti sarango ngangu na zo nga na sarango ngangu li. Ye so e leke na be ti e na ye so e gbu li ti e daa ayeke gi atënë ti mvene.

Mishe 1:5

Aye so kue asi ndali ti ngangu li ti *ahale ti Jacob, ndali ti asiokpari ti azo ti Israel. Zo wa laa ayeke pusu azo ti Jacob titene ala ga azo ti ngangu li? Ayeke azo ti Samarii pepe? Zo wa laa ayeke pusu azo ti Juda titene ala voro anzapa nde na ndo so ayeke na nduzu so? Ayeke azo ti Jérusalem pepe?