Jérémie 2:11 - Mbeti ti Nzapa - Tënë so amu fini

¹¹ Laoko ala baa mbeni mara so azia anzapa ti lo ti mu ambeni nde? Ataa so ala yeke anzapa pepe! Me azo ti mbi azia mbi, mbi so mbi yeke nengo ti ala, ala mu peko ti ye so alingbi ti sara mbeni ye oko pepe.

Jérémie 2:11 Referans Kwoze

Rome 1:23

Nzapa so alingbi na gonda si lo yeke na fini kpu na kpu, azo azia ti voro lo si ala yeke voro limo ti zo so ayeke kui kuingo, ti andeke, ti anyama ti gere osio na ti anyama so ayeke hara harango.

Ésaïe 37:19

Agbia ni abi anzapa ti azo ni na le ti wâ. Andaa, anzapa ni ayeke taa Nzapa pepe, me ala yeke gi ye so maboko ti zo laa asara ni na keke nga na têne; nilaa agbia ti Asirii abuba anzapa ni kue.

Jérémie 16:20

Azo alingbi ti leke anzapa ndali ti ala wani? So ala yeke anzapa pepe so!”

Abia (Psaumes) 106:20

Ala zia Nzapa, lo so lo yeke gonda ti ala ti voro limo ti bagara so ayeke te gi pere.

Mishe 4:5

Amara oko oko ayeke sara ye gi na iri ti anzapa ti ala; me ti e, e yeke sara ye gi na iri ti KOTA GBIA, Nzapa ti e kpu na kpu.

1 Korente 8:4

Tongaso, e lingbi ti te kasa ti anyama so azo aya na sandaga na anzapa nde so? E hinga so mbeni nzapa nde ayeke na dunia so pepe, Nzapa ayeke gi oko.

Jérémie 2:8

Awayango-sandaga ahunda ndo pepe, atene: ‘KOTA GBIA ayeke na ndo wa?’ Azo so ahinga nda ti *Ndia ahinga mbi pepe. Azo ti li ti kodro ake mbi awe; awayanga-Nzapa ayeke tene peko ti tënë ti yanga ti Baal si ala mu peko ti aye so alingbi ti sara mbeni ye oko pepe.

Jérémie 2:5

Tënë so *KOTA GBIA atene ayeke so: “Lawa laa akotara ti ala abaa mbeni ye ti kirikiri so mbi sara si ala hon yongoro na tere ti mbi so? Ala gue na peko ti asenge senge ye si ala nga, ala ga asenge senge ye.

Abia (Psaumes) 115:4

Anzapa ti amara nde, a sara ala na wen ti nginza nga na lôro, maboko ti zo laa asara ala.

Abia (Psaumes) 3:3

Azo so ayeke tene tënë na iri ti mbi, ala yeke mingi; ala tene: “Nzapa ayeke soo lo na kuâ lawa!” Luti kete

Ndia ti fani use ni 33:29

Ti ala nzoni, ala azo ti Israel! Mara wa laa alingbi na ti ala? Mara ti ala oko laa KOTA GBIA asoo ni. KOTA GBIA ayeke *vala ti batango ala, lo yeke ye ti bira so asara si ala so benda. Fade awato ti ala ayeke handa ala na lege ti mayere, me ala, azo ti Israel, ala yeke do awato ni na gbe ti gere ti ala.”

1 Pierre 1:18

Ala wara nzoni ye oko pepe na lege ti sarango ye so ala mu na peko ti akotara ti ala. Me ala hinga awe ye so azi ala na ya ti sarango ye ni so, ye ni alingbi ti buba tongana nginza wala lôro pepe;

Galasii 4:8

Ando, ala hinga Nzapa pepe, ala yeke angbaa ti aye so ala baa ti ala atene, ayeke anzapa, andaa aye ni so ayeke anzapa biani pepe.

1 Samuel 4:21

Lo di iri ti molenge ni Ikabod si lo tene: “Gonda ti Nzapa ayeke mbeni pepe na kodro ti Israel.” Lo di iri ti molenge ni Ikabod, ngbanga ti so a mu sanduku ti mbuki ti Nzapa ahon na ni, a fâ kogara ti lo nga na koli ti lo.

2 Mbai 13:9

Ala tumba taa awayango-sandaga ti KOTA GBIA, ahale ti Aaron nga na azo ti mara ti Lévi si ala soro awayango-sandaga ti ala wani tongana ti so azo ti ambeni kodro asara! Zo so aga na koli-bagara oko na akoli-taba mbarambara, ala yeke soro lo tongana wayango-sandaga titene lo sara kua na anzapa so ayeke taa Nzapa pepe.

Jérémie 5:7

“Jérusalem, fade mbi yeke zi siokpari na li ti mo tongana nyen? Amolenge ti mo azia mbi awe; ala yeke deba na iri ti aye so ayeke Nzapa pepe. Mbi mu na ala anzoni ye kue so alingbi; me ala gue na peko ti koli wala wali nde, ala yeke gbugburu tere ti ala na da ti wali-ndumba.

Jérémie 18:13

Tongaso, tënë so *KOTA GBIA atene ayeke so: “Ala hunda ndo na popo ti amara nde: zo wa laa ama mara ti tënë tongaso na mê ti lo laoko, zo wa? Maseka-wali Israel asara kota ye ti buba.

Ezekiel 5:7

Nilaa, tënë so mbi Kota Gbia NZAPA, mbi tene ayeke so: Ala sara aye ti kirikiri mingi ahon amara nde so angoro ala, ala sara ye alingbi na atënë ti ndia ti mbi pepe nga na aye so mbi fa; ataa atënë ti ndia ti mbi na ti amara nde so angoro ala, ala azo ti Jérusalem, ala sara ye alingbi na ni pepe.

Ezekiel 14:5

Tongaso, fade tënë ti mbi ayeke ndu be ti azo ti Israel, ala so kue ague yongoro na mbi ndali ti ayanda ti ala so.

Ndia ti fani use ni 32:16

Azo ti Israel azia ngonzo na be ti KOTA GBIA na lege ti sarango aye so ayeke sioni mingi, ala sara si mbanda ti lo alondo na lege ti vorongo anzapa nde.

Ndia ti fani use ni 32:21

Ala sara si mbanda ti mbi alondo na lege ti vorongo anzapa so ayeke taa Nzapa pepe; ala zia ngonzo na be ti mbi na lege ti ayanda ti ala. Mbi nga, mbi yeke sara si mbanda ti ala alondo na lege ti ye so ayeke taa mara pepe, mbi yeke zia ngonzo na be ti ala na lege ti mbeni mara so ahinga ndo pepe.

1 Agbia 11:33

Mbi yeke sara ye ni tongaso, ngbanga ti so azo ti Israel ado mbi azia si ala voro Astarte, nzapa-wali ti azo ti mara ti Sidon; ala voro Kemosh, nzapa ti azo ti mara ti Moab nga na Milkom, nzapa ti azo ti mara ti Amon. Azo ti Israel amu lege so mbi fa na ala so pepe, ala sara ye so ayeke nzoni na le ti mbi pepe; ala sara ye na lege ti andia ti mbi pepe nga na lege ti asarango ye so mbi fa na ala so pepe. Ala sara ye tongana ti David, babâ ti Salomon pepe.

2 Agbia 1:3

Me *ange ti *KOTA GBIA aga atene na Élie, zo ti gbata ti Tishebe, atene: “Londo, mo gue, mo wara azo so gbia ti Samarii atokua ala so; mo tene na ala, mo tene: ‘Nzapa ayeke na Israel pepe? Ala gue ti hunda Baal-Zebub, nzapa ti gbata ti Ekron ngbanga ti nyen?’