Jérémie 17:24 - Mbeti ti Nzapa - Tënë so amu fini

²⁴ ‘Me ti ala, ala ma mbi nzoni; so tënë ti yanga ti KOTA GBIA laa. Na lango ti wungo tere, alingbi ala hon na akungba na ayanga ti gbagba ti gbata so pepe. Ala bata lango ni so nde ndali ti mbi, ala sara nga mbeni kua na lango ni so pepe.

Jérémie 17:24 Referans Kwoze

Ndia ti fani use ni 11:13

Tongana ala sara ye alingbi na atënë ti yanga ti KOTA GBIA so mbi yeke fa na ala laso, tongana ala ye KOTA GBIA Nzapa ti ala si ala sara na lo na be ti ala kue, na yingo ti ala kue,

Sigingo 15:26

Lo tene na ala, lo tene: “Tongana ala ma tënë ti mbi KOTA GBIA, Nzapa ti ala nzoni, tongana ala sara ye so ayeke mbirimbiri na le ti mbi, tongana ala dingi mê ti ala ti ma atënë ti yanga ti mbi, tongana ala sara ye alingbi na ambela ti mbi kue, fade mbi yeke zia mbeni kobela oko na tere ti ala pepe; kobela so lani mbi zia na tere ti azo ti Ezipte so. Biani, mbi KOTA GBIA laa mbi yeke kai kobela ti ala.”

Zakarii 6:15

Azo so ayeke na yongoro ndo ayeke ga ande ti kiri ti leke kota da ti KOTA GBIA. Tongaso, fade ala yeke hinga atene, KOTA GBIA so ayeke na ndö ti dunia kue laa atokua mbi na ala. Ye ni ayeke si ande tongana ala ma yanga ti KOTA GBIA, Nzapa ti ala biani.

Ésaïe 55:2

Ndani nyen si ala yeke buba nginza ndali ti ye so ayeke kobe pepe so? Ndani nyen si ala yeke baa pasi ndali ti ye so ayeke si ya ti zo pepe so? Ala ma mbi nzoni, fade ala yeke duti na nzoni kobe ti tengo ni, ala yeke te anzerengo kobe.

Ésaïe 21:7

Tongana lo baa pusu ti mbarata so ambarata use laa ayeke gboto ni, wala lo baa mbeni zo na ndö ti lele, wala lo baa mbeni zo na ndö ti *zambala, alingbi sanziri ni asara hange, le ti lo akpengba nganganga!”

Ndia ti fani use ni 11:22

Biani, alingbi ala sara kue ti bata atënë ti ndia so kue mbi yeke fa na ala, ala sara ye alingbi na ni. Ala ye KOTA GBIA Nzapa ti ala, ala tambula na lege so kue lo ye, ala ngba gi na tere ti lo.

Sigingo 20:8

“Alingbi mo dabe ti mo na *lango ti wungo tere, mo zia ni nde ndali ti mbi.

Ezekiel 20:20

Ala zia *lango ti wungo tere nde ndali ti mbi; lango ni afa songo so ayeke na popo ti mbi na ala, tongaso si ala hinga atene, mbi laa mbi yeke KOTA GBIA, Nzapa ti ala.’