Jérémie 14:4 - Mbeti ti Nzapa - Tënë so amu fini

⁴ Sese kue asuru surungo, ngbanga ti so ngu apika pepe. Tongaso, kamene agbu le ti azo ti fango yaka si ala ba li ti ala na sese.

Jérémie 14:4 Referans Kwoze

Joël 1:11

Azo ti fango yaka, be ti ala awoko kue awe; azo ti fango yaka ti vinye, ala dema tere, ngbanga ti so ble na *orze atia awe, akobe ti yaka abuba awe.

Jérémie 3:3

Ndani laa le ti nduzu akanga si ngu-Nzapa ti ndani apika pepe. Me le ti mo angba ti za tongana ti wali-ndumba; kamene asara nga mo kete pepe.

Joël 1:17

Ale ti kobe so azo alu ahole na gbe ti sese; ya ti gogoro angba senge, ada ti batango akobe akungbi awe, ngbanga ti so *ble ayeke daa mbeni pepe.

Ndia ti fani use ni 29:23

Fade amara kue ayeke hunda ndo, atene: “Ngbanga ti nyen si KOTA GBIA asara ye na kodro so tongaso? Ngbanga ti nyen si kota ngonzo ti lo alondo tongaso?”

Jérémie 2:37

Fade mo yeke londo kâ ti kiri, li ti mo aba na sese, ngbanga ti so KOTA GBIA ake azo so mo mu tere ti mo na ala so. So nzoni lege titene mo bata tere ti mo laa pepe.”

Amos 4:8

Azo alondo na ya ti agbata use wala ota, nzara ti ngu awoko ala kue si ala gue ti gi ngu ti nyongo ni na mbeni gbata, me ala wara ngu alingbi na ala pepe. Ataa ye so kue, ala kiri na mbage ti mbi pepe; so tënë ti yanga ti KOTA GBIA laa.

Awayango-sandaga 26:18

“Na peko ti aye so kue, tongana ala ma yanga ti mbi pepe, fade mbi yeke kiri ti pika ala ngangu fani mbarambara ndali ti asiokpari ti ala.