Jérémie 10:8 - Mbeti ti Nzapa - Tënë so amu fini

⁸ Ala kue kue kue, ala yeke azo so li ti ala ayeke daa pepe, ala yeke abuba zo. Ayanda ni alingbi ti fa ye oko pepe, ala yeke gi keke senge.

Jérémie 10:8 Referans Kwoze

Zakarii 10:2

Anzapa ti da ayeke kiri na ala atënë ti mvene, azo ti bango nda ti aye ayeke fa na ala nda ti ye na legeni pepe; abango-li ti ala ayeke gi asenge ye, atënë ti dengo be so ala yeke tene na azo ayeke gi ye ti handango azo ni. Ndani laa azo ni ague, mawa na be ti ala tongana ataba so zo ti batango ala ayeke daa pepe.

Jérémie 10:14

Azo kue ayeke azo so li ti ala ayeke daa pepe, ala hinga ndo pepe; awakode-kua kue ti lôro, kamene agbu le ti ala ndali ti ayanda ti ala, ayanda ti ala ni ayeke ye ti mvene, pupu ayeke na ya ti ala pepe.

Habakuk 2:18

Yanda so zo amu keke si aleke na ni, kua ti lo ayeke nyen? Wen so zo akporo na wâ si lo leke na limo ti yanda ni so, limo ni ayeke fa tënë ti mvene. Wakode-kua laa aleke aye ni so, ala yeke tene tënë pepe; lo zia be ti lo na ndö ti ayanda ni ngbanga ti nyen?

Ésaïe 44:19

Zo oko ayeke gbu li ti lo wani pepe, zo oko ayeke hinga ndo nzoni pepe, zo oko ayeke hinga nda ti ye nzoni pepe si lo tene na be ti lo wani, lo tene: “Mbage ti keke so, mbi sara na wâ, mbi to kobe ti mbi na le ti wâ ni, mbi zö nyama so mbi te. Na tanga ti mbage ti keke ni, mbi sara na ye so zo alingbi ti baa na le ti lo fani use pepe. Mbi yeke kuku na gbe ti nduru keke!”

Ésaïe 41:29

Ala kue ayeke ye oko pepe: kua ti ala ayeke senge senge, ayanda ti ala ayeke pupu senge, ye ayeke daa pepe!”

Abia (Psaumes) 135:18

Azo so asara anzapa ni, azo so azia be ti ala na ndö ti anzapa ni, ayeke nzoni ala ga tongana ala!

Abia (Psaumes) 115:8

Azo so asara anzapa ni, azo so azia be ti ala na ndö ti anzapa ni, ayeke nzoni ala ga tongana ala.

Jérémie 4:22

KOTA GBIA atene: “Biani, li ti azo ti mbi ayeke daa pepe, ala hinga mbi pepe. Ala yeke amolenge so li ti ala ayeke daa pepe; ala hinga ye oko pepe. Ala yapu na sarango sioni ye; me ala hinga ti sara nzoni ye pepe.”

Jérémie 2:27

“Ala yeke tene na keke: ‘Mo laa mo yeke babâ ti mbi!’ Ala yeke tene nga na têne: ‘Mo laa mo du mbi!’ Titene ala zia le ti ala na mbage ti mbi, ala zia gi peko ti ala na mbi! Me tongana ye ti ngangu asi na ala awe, ala yeke londo ti iri mbi, atene: ‘Ga mo soo e maa!’

Osée 4:12

Azo ti mbi ayeke hunda yanda ti ala ti keke si nduru keke laa ayeke kiri tënë na ala. Biani, yingo ti sarango ye ti ndumba asara si ala girisa lege. Na sarango ye ti ndumba ni, ala yeke gue yongoro na Nzapa ti ala.

Ésaïe 44:18

Azo ni so ahinga ye oko pepe, ala hinga ndo oko pepe. Biani, le ti ala na gbungo-li ti ala akanga awe, ala lingbi ti baa ndo pepe, ala lingbi ti hinga nda ti ye pepe.

Jérémie 3:9

Lo sara aye ti ndumba ni na ayanda so a sara na têne nga na keke si na lege ti sarango ye ti kirikiri ti lo, lo sara si kodro ni kue aga sioni.

Jérémie 5:4

Mbi tene na be ti mbi, mbi tene: “Azo so ayeke akete zo, ala hinga ndo pepe. Ye so KOTA GBIA aye, ala hinga ni pepe; ala hinga atënë ti ndia ti Nzapa ti ala pepe.

Jonas 2:8

So mbi ga nduru na kuâ, be ti mbi ati na ndö ti mo, KOTA GBIA. Mbi sambela mo si mo ma sambela ti mbi na ya ti kota da ti mo so ayeke nde si ayeke nzoni kue so.