Jérémie 1:3 - Mbeti ti Nzapa - Tënë so amu fini

³ Tënë ni akiri asi na lo na ngoi so Yoakim, molenge ti Yosias, ayeke gbia ti Juda ngbii asi na ngoi so Sedesias, mbeni molenge ti Yosias ayeke gbia ti Juda; ngbii asi na ya ti ngu baleoko na oko ni so lo le-gbia. Na ngu ni so, na ya ti oku nze ni si a gbu azo ti Jérusalem, a gue na ala na kodro wande.

Jérémie 1:3 Referans Kwoze

Jérémie 39:2

Na lango gumbaya ti nze osio ni ti ngu baleoko na oko ni, azo ti Babilone akoro mbeni du na ya ti gbagba ti gbata ni.

2 Agbia 23:34

Na pekoni Neko amu Eliakim, molenge ti Yosias, azia lo gbia na peko ti babâ ti lo. Lo zia fini iri na ndö ti lo so atene Yoakim. Ti Yoakaz, Neko agbu lo ti ga zo ti kanga, lo gue na lo na Ezipte si lo kui kâ.

Zakarii 8:19

Tënë so KOTA GBIA so ayeke na ndö ti dunia kue atene ayeke so: “Alango ti kengo kobe so ala azo ti Juda, ala yeke ke na ya ti osio nze ni, oku nze ni, mbarambara nze ni nga na nze baleoko ni ti ngu oko oko, fade alango ni so ayeke kiri ti ga alango ti matanga, alango ti ngia na ti kota ngia nga na ti nzoni matanga. “Me ayeke nzoni ala ye taa-tënë nga na siriri.”

Zakarii 7:5

Mo tene na azo ti kodro ni kue nga na awayango-sandaga, mo tene: “Asara laso ngu balembarambara awe so ala yeke ke kobe si ala yeke toto na nze oku ni nga na nze mbarambara ni; ala sara aye ni so ndali ti mbi?

Jérémie 34:1

Nabukodonosor, gbia ti Babilone, lo na aturugu ti lo kue, na azo ti akodro-gbia ti sese so kue ayeke na gbe ti komandema ti lo nga na amara kue alondo ti tiri bira na Jérusalem nga na agbata so angoro Jérusalem. Na ngoi ni so, tënë ti *KOTA GBIA asi na Jérémie, atene:

1 Mbai 3:15

Amolenge ti Yosias ayeke Yohanan, kozo molenge ni; Yoakim, use molenge ni; Sedesias, ota molenge ni, Shalum, osio molenge ni.

2 Agbia 24:17

Na pekoni, gbia ti Babilone amu Matania, ita ti babâ ti Yoakin, azia lo gbia ti Juda. Lo zia fini iri na ndö ti lo so atene Sedesias.

Jérémie 1:4

Tënë ti KOTA GBIA asi na mbi, atene:

Jérémie 35:1

Na ngoi ti Yoakim, molenge ti Yosias, gbia ti Juda, tënë ti *KOTA GBIA asi na Jérémie, atene:

Jérémie 36:2

“Mu mbeni *rulo so a sara na poro ti nyama, mo su na le ni atënë so kue mbi tene na mo na tere ti akodro ti Israel, ti Juda nga na ti amara kue, ti londo na ngoi ti Yosias ngbii asi laso.