Biblia Todo Logo
Bib sou entènèt

- Piblisite -




Jérémie 1:18 - Mbeti ti Nzapa - Tënë so amu fini

18 Ti londo na lango ti laso, mbi zia mo ti duti tongana gbata so gbagba ti bira ayeke na tere ni, tongana yongoro keke ti da so a sara ni na wen, tongana dere ti da so a sara ni na bengba wen ndali ti kodro ni kue: ti kanga lege na agbia ti Juda, na akota zo ti kodro ni, na awayango-sandaga nga na azo ti Juda kue.

Gade chapit la Kopi




Jérémie 1:18
21 Referans Kwoze  

Kota Gbia NZAPA laa ayeke mu na mbi maboko, ndani laa zongango ndo ti ala asara ye oko na mbi pepe. Mbi sara si ndö ti le ti mbi akpengba tongana têne. Mbi hinga, mbi tene, fade kamene ayeke sara mbi pepe.


Na dawa ti ala, mbi yeke sara si mo ga tongana mbeni gbagba so a sara na bengba wen, so zo alingbi ti kungbi ni pepe. Fade ala yeke tiri na mo, me ala yeke kinda mo pepe, ngbanga ti so mbi yeke na mo ti soo mo, ti zi mo na maboko ti ala; so tënë ti yanga ti KOTA GBIA laa.


“Jérémie, mbi zia mo titene mo ga zo ti tarango azo ti mbi tongana ti so zo ti pikango ndao ayeke tara wen. Fade mo yeke tara sarango ye ti ala si mo hinga ni.”


“Tënë so KOTA GBIA, Nzapa ti Israel atene ayeke so: ‘Ala gue, atene na gbia ti Juda so atokua ala ti ga ti baa mbi so, ala tene: aturugu ti Faraon so aga fade ti mu maboko na ala so amu lege ti kiri na Ezipte, kodro ti ala awe.


“Tënë so *KOTA GBIA atene ayeke so: ‘Zo so ayeke ngba ande na ya ti gbata so, fade lo yeke kui na lege ti bira, kota nzara na sioni kobela ti bubango kodro. Me zo so ayeke sigigi na ya ti gbata ni ti zia tere ti lo na maboko ti azo ti Babilone, fade lo yeke soo fini ti lo; ye so ayeke ngba na lo ayeke gi fini ti lo.’ ”


Ti fadeso, kite ni ayeke daa pepe: fade ala yeke kui na lege ti bira, kota nzara na sioni kobela ti bubango kodro na ya ti kodro so ala ye ti gue ti honde tere ti ala daa.”


Ti mo, fade mo yeke kpe na maboko ti lo pepe; a yeke gbu mo si a zia mo na maboko ti lo. Mo na gbia ti Babilone ayeke baa tere le na le si lo wani, lo yeke tene tënë na mo. Na pekoni, mo yeke gue na Babilone.


Tënë so KOTA GBIA, Nzapa ti Israel atene ayeke so: ‘Aye ti bira so ala yeke mu ti tiri na gbia ti Babilone nga na aturugu ti lo so ayeke na gigi ti gbagba ni so, fade mbi yeke sara si aye ti bira ni aturne, atuku kue na be ti gbata ni.


Na pekoni, lo mu Simon, lo gue na lo na Jésus. Jésus abaa Simon si lo tene na lo: “Mo yeke Simon, molenge ti Jean; fade azo ayeke iri mo Sefas.” – Nda ti iri so atene “Pierre”. –


Me tongana mo ke ti zia tere ti mo na maboko ti aturugu ti kota kamba ti gbia ti Babilone, fade a yeke zia gbata so na maboko ti azo ti Babilone si ala yeke bi wâ na ya ni; ti mo, mo yeke kpe na maboko ti ala pepe.’ ”


“Zo so aso benda, fade mbi yeke sara titene lo ga tongana ngbongboro têne ti gbungo-li ti da, na ya ti kota da ti Nzapa ti mbi; lo yeke sigigi na ya ti da ni oko pepe. Mbi yeke su iri ti Nzapa ti mbi na iri ti gbata ti Nzapa ti mbi so ayeke fini Jérusalem na tere ti zo ni, gbata so ayeke londo na tere ti Nzapa ti mbi na yayu si ayeke zu na sese. Mbi yeke su nga fini iri ti mbi na tere ti zo ni.


Ti mo, ayeke nzoni mo leke tere ti mo! Londo, mo tene na ala atënë so kue mbi yeke mu yanga na mo ti tene. Ayeke nzoni mbeto ti ala asara mo pepe; tongaso pepe, mbi yeke sara titene mbeto ti ala agbu mo na dawa ti ala.


Fade ala yeke tiri na mo, me ala yeke hon ndö ti mo pepe, ngbanga ti so mbi yeke na mo ti zi mo na maboko ti ala; so tënë ti yanga ti KOTA GBIA laa.”


Mama ti mbi, so mawa na mbi so mo du mbi so! Na ya ti kodro ni kue, azo ake mbi, ala ye gi kuâ ti mbi. Yongo ti mbi ayeke na li ti zo pepe, yongo ti mbeni zo ayeke na li ti mbi nga pepe, me azo kue ayeke deba mbi!


Me ti Jérémie, Ahikam, molenge ti Shafan abata lo; lo sara si Jérémie ati pepe na maboko ti azo so aye fade gi kuâ ti lo so.


Me KOTA GBIA ayeke na mbi, lo yeke ngangu zo ti tiringo bira ndali ti mbi. Ndani laa, fade azo ti sarango ngangu na mbi ayeke ti; ala yeke sara ye oko na mbi pepe. Kamene ayeke hon ndö ti ala lakue lakue, ngbanga ti so ye ni akara ala; zo ayeke girisa tënë ni pepe.


Swiv nou:

Piblisite


Piblisite