Jean 9:7 - Mbeti ti Nzapa - Tënë so amu fini

⁷ si lo tene na lo: “Gue mo sukula le ti mo na du ti ngu ti Siloe.” Nda ti iri ti Siloe atene “Zo ti tokua”. Tongaso koli ni ague, lo sukula le ti lo si na kiringo ti lo, lo baa ndo nzoni.

Jean 9:7 Referans Kwoze

Ésaïe 35:5

Tongaso, fade awaziba ayeke kiri ti baa ndo; azo so mê ti ala akanga ayeke kiri ti ma ndo.

Jean 11:37

Me ambeni atene ti ala: “Lo so lo zi le ti waziba so, lo lingbi fade pepe ti kanga lege na Lazare ti kui?”

Jean 9:11

Koli ni akiri tënë na ala: “Koli so iri ti lo Jésus so, lo laa lo sara potopoto ti sese, lo zia na le ti mbi si lo tene: ‘Gue na du ti ngu ti Siloe, mo sukula le ti mo.’ Mbi gue si gi na peko ti so mbi sukula le ti mbi awe, mbi baa ndo!”

Awatokua 26:18

Mbi tokua mo ti zi le ti ala, ti mu ala na ya ti vukongo ndo ti sigigi na ala na ya ti lumiere; mo yeke zi ala na gbe ti ngangu ti Satan ti gue na ala na Nzapa. Tongana ala ma na be na mbi, fade a yeke zi siokpari na li ti ala si ala yeke wara ndo na popo ti azo ti Nzapa.’ ”

Ésaïe 8:6

“Azo ti Juda ake ngu ti Siloe so ayeke sua yeke-yeke; be ti ala anzere ndali ti gbia Resen na gbia Peka, molenge ti Remalia.

Abia (Psaumes) 146:8

KOTA GBIA ayeke zi le ti azo so le ti ala akanga. Azo so ati na sese, KOTA GBIA ayeke mu ala na nduzu; KOTA GBIA aye azo ti mbirimbiri.

Nzoni Tënë so Luc asu na mbeti 13:4

Ka azo baleoko na miombe so da ti Siloe so ayo na nduzu ati na ndö ti ala si afâ ala kue so, ala baa ti ala atene, azo ni asara sioni ahon azo ti Jérusalem kue?

Ésaïe 42:7

Mo yeke zi le ti awaziba, mo yeke zi azo ti kanga na da ti kanga, mo yeke sigigi na azo so ayeke na ya ti sururu, ala so ayeke ku na ya ti vukongo ndo.”

Néhémie 3:15

Shalun, molenge ti Kol-Hoze, makonzi ti kete sese ti Mispa asara yanga ti gbagba so iri ni Ti-li-ti-ngu. So lo sara yanga ti gbagba ni awe, lo sara li ni daa; lo zia ale ti yanga ti gbagba ni daa, na angbongboro wen ti kangango na ni nga na akerere ni. Lo leke nga gbagba so ayeke nduru na *lende ti Siloe, na popo ti pendere ndo ti gbia so a lu akongo daa nga na eskalie so alondo na Gbata ti David ti zu na gbeni.

Sigingo 4:11

KOTA GBIA akiri tënë na lo, atene: “Zo wa laa asara yanga ti zo, zo wa? Zo wa laa asara si zo aga buburu, wala mê ti zo akanga, zo wa? Zo wa laa asara si zo abaa ndo, wala le ti zo akanga, zo wa? Ayeke mbi KOTA GBIA pepe?

Galasii 4:4

Me so ndembe ni alingbi na le ti Nzapa awe, lo tokua Molenge ti lo; wali laa adu lo, lo duti na gbe ti *Ndia ti azuife

Rome 8:3

Ndia ti Moïse alingbi ti sara ye so lani pepe, ngbanga ti so aye so atia na ya ti fini ti zo akanga lege na ndia ti sarango ni, me Nzapa asara ni: lo tokua Molenge ti lo wani so amu tere ti zo – tere so ayeke tongana ti zo ti siokpari – titene lo zi azo na ya ti siokpari. Na lege so, Nzapa afâ ngbanga na ndö ti siokpari so ayeke sara kua na ya ti tere ti zo.

Jean 10:36

Me ti mbi, Babâ ti mbi azia mbi nde si lo tokua mbi na ndö ti dunia so. Ngbanga ti nyen laa ala tene: ‘Mo yeke zonga Nzapa!’ Ngbanga ti so mbi tene: ‘Mbi yeke Molenge ti Nzapa’ so?

Jean 9:39

Jésus atene: “Mbi ga na dunia so ti fâ ngbanga: tongaso si awaziba abaa ndo si azo so ayeke baa ndo, akiri aga awaziba.”

Nzoni Tënë so Luc asu na mbeti 2:32

Lo yeke lumiere so ayeke fa mo na azo ti amara kue; lo yeke gonda ti azo ti Israel so ayeke azo ti mo.”

Ésaïe 43:8

Azo so le ti ala ayeke daa, me ala yeke baa ndo pepe so, azo so mê ti ala ayeke daa, me ala ma ndo pepe so, ala sigigi na ala.

Ésaïe 32:3

Le ti azo so alingbi fade ti baa ndo ayeke kiri ti kanga pepe, mê ti azo so alingbi fade ti ma ndo ayeke kiri ti ma ndo nzoni.

Matthieu 11:5

awaziba akiri abaa ndo, azo so gere ti ala abuba akiri atambula nzoni, tere ti azo ti buruma aga nzoni, azo so mê ti ala akanga akiri ama ndo, azo azingo na kuâ, a fa Nzoni Tënë na azo ti mawa.