Jean 9:10 - Mbeti ti Nzapa - Tënë so amu fini

¹⁰ Ala hunda lo, atene: “Asara tongana nyen si mo yeke baa ndo fadeso?”

Jean 9:10 Referans Kwoze

1 Korente 15:35

Fade mbeni zo ayeke hunda ndo, atene: “Fade akuâ ayeke zingo tongana nyen? Tere wa laa ala yeke duti na ni?”

Jean 9:26

Ala kiri ahunda lo, atene: “Me nyen laa lo sara na mo? Lo zi le ti mo ni tongana nyen?”

Jean 9:21

Me e hinga ye so asara si lo yeke baa ndo fadeso pepe; e hinga nga zo so azi le ti lo pepe. Ala hunda lo, lo ga koli awe, fade lo wani, lo yeke kiri tënë daa na ala.”

Jean 9:15

Tongaso afarizien nga ahunda koli ni na ye so asara si lo yeke baa ndo so. Koli ni atene na ala: “Lo zia potopoto na le ti mbi, mbi sukula le ti mbi ni si fadeso mbi yeke baa ndo.”

Jean 3:9

Nikodeme atene na Jésus: “Ye ni ayeke duti ande tongana nyen?”

Marc 4:27

Ataa lo lango, ataa lo lango pepe, bi na lâ, le ti kobe ni ayeke sigigi, akono; me lo hinga lege so le ti kobe ni asigigi si akono so pepe.

Zo ti bongbingo azo 11:5

Pupu so ayeke mu fini na zo, mo hinga lege ni pepe; lege so molenge ayeke kono na ya ti mama ti ngo, mo hinga nga ni pepe. Legeoko nga, Nzapa so asara aye kue so, mo lingbi nga ti hinga lege so lo sara na aye ni pepe.

Jérémie 36:17

Na pekoni, ala hunda Baruk: “Fa na e, mo su atënë so kue tongana nyen?”

Jean 6:1

Na pekoni, Jésus amu lege, lo gue na mbage ti kota ngu ti Galile, so mbeni iri ni Tiberiade.

Jean 9:9

Ambeni atene: “Een, lo laa.” Me ambeni atene: “Ên-en, lo laa pepe. Zo ni akpa lo kpango.” Koli ni wani atene na ala: “Mbi laa!”

Jean 9:11

Koli ni akiri tënë na ala: “Koli so iri ti lo Jésus so, lo laa lo sara potopoto ti sese, lo zia na le ti mbi si lo tene: ‘Gue na du ti ngu ti Siloe, mo sukula le ti mo.’ Mbi gue si gi na peko ti so mbi sukula le ti mbi awe, mbi baa ndo!”