Jean 8:59 - Mbeti ti Nzapa - Tënë so amu fini

⁵⁹ Ala mu têne ti bo na Jésus, me lo honde tere ti lo si lo sigigi na ya ti kota da ti Nzapa ni, lo hon.

Jean 8:59 Referans Kwoze

Jean 11:8

Adisiple akiri tënë na lo, atene: “Wafango-ye, na ya ti alango so ahon, azuife so kâ agi lege ti bo mo na têne. Mo ye ti kiri kâ?”

Awayango-sandaga 24:16

Zo so azonga iri ti KOTA GBIA, fade a yeke fâ lo; bongbi ti azo ni kue ayeke bo lo na têne si ayeke fâ lo. Ataa zo ni ayeke wande, wala molenge ti kodro, fade a yeke fâ lo, ngbanga ti so lo zonga iri ti Nzapa.

Awatokua 7:57

Azo ni adekongo ngangu, ala kanga mê ti ala si ala kue atuku legeoko na ndö ti Étienne.

Jean 18:31

Pilate atene na ala: “Ala mu lo, ala wani afâ ngbanga na li ti lo na lege ti ndia ti ala.” Ala kiri tënë: “A mu lege na e ti fâ zo pepe.”

Jean 12:36

Na ngoi so lo so lo yeke lumiere ayeke na tere ti ala, ayeke nzoni ala ma na be na lo si ala ga azo so ayeke duti na ya ti lumiere.” Na peko ti tënë so Jésus ahon, lo honde tere ti lo si ala baa lo pepe.

Jean 11:54

Tongaso Jésus ake ti hon na le ti azuife polele. Lo gboto tere ti lo si lo gue na mbage ti benyama, na mbeni gbata so iri ni Efraim, lo na adisiple ti lo aduti kâ.

Jean 5:13

Koli so tere ti lo aga nzoni so ahinga lo pepe, ngbanga ti so Jésus asigigi na popo ti gba ti azo so ayeke kâ si lo hon ti lo.

Nzoni Tënë so Luc asu na mbeti 24:31

Tongaso le ti ala azi si ala hinga lo. Na pekoni, lo girisa na le ti ala

Tongo nda ti aye 19:11

ala sara si le ti azo so ayeke na yanga ti da ni so avuko, ti londo na amolenge ngbii asi na akota zo. Ala gi yanga ti da ni gbaa, akara ala.

1 Samuel 30:6

Be ti David afun kue, ngbanga ti azo aye ti bo lo na têne ti fâ lo. Be ti zo oko oko aso mingi ndali ti amolenge ti lo ti koli na ti wali. Me David awara ngangu ndali ti *KOTA GBIA, Nzapa ti lo.

Matthieu 12:14

So *afarizien asigigi na ya ti da ti sambelango Nzapa, ala bongbi ti gbu li ti ala ti gi lege ti fâ Jésus.

Jean 9:1

So Jésus ayeke hon na lege, lo baa mbeni zo so a du lo waziba.