Jean 8:46 - Mbeti ti Nzapa - Tënë so amu fini

⁴⁶ Zo wa na popo ti ala alingbi ti fa siokpari so mbi sara? Tongana tënë ti mbi ayeke taa-tënë, ngbanga ti nyen si ala ma na be na mbi pepe?

Jean 8:46 Referans Kwoze

Ahebro 4:15

E yeke na kota wayango-sandaga so alingbi ti baa mawa ti e na ndo so ngangu atia e daa. Biani, aye ti tarango be kue asi na lo tongana ti so ayeke si na e, me lo sara ti lo siokpari oko pepe.

Jean 14:30

Ti fadeso, mbi yeke kiri ti tene tënë na ala mingi pepe, ndali ti so gbia ti dunia so ayeke ga. Lo yeke na ngangu na ndö ti mbi pepe,

Jean 8:7

So ala ngba ti hunda Jésus, lo mu li ti lo na nduzu si lo tene na ala: “Na popo ti ala, zo so asara siokpari oko pepe, ayeke nzoni lo mu têne, lo bo na wali ni kozoni!”

Marc 11:31

Ala tene na popo ti ala: “Tongana e tene: ‘Nzapa laa atokua Jean’, fade lo hunda e, lo tene: ‘Ngbanga ti nyen si ala yeda na tënë ti lo pepe?’

Matthieu 21:25

Zo wa laa atokua Jean ti batize azo? Nzapa wala azo?” Azo ni atene na popo ti ala: “Tongana e tene: ‘Nzapa laa atokua Jean’, fade lo hunda e, lo tene: ‘Ngbanga ti nyen si ala yeda na tënë ti lo pepe?’

1 Pierre 2:22

Christ asara siokpari pepe; tënë ti mvene asigigi na yanga ti lo laoko pepe.

Ahebro 7:26

Mara ti kota wayango-sandaga so alingbi fade na e laa. Lo yeke nde si lo yeke nzoni kue, tënë ayeke na li ti lo oko pepe, lo sara siokpari oko pepe; lo kangbi na azo ti siokpari, Nzapa amu lo si azia lo na yayu kâ na ndö ti aye kue.

2 Korente 5:21

Christ asara siokpari oko pepe, me Nzapa asara si siokpari ti e akiri na li ti lo. Tongaso na lege ti Christ, Nzapa asara si e ga mbirimbiri.

Jean 18:37

Pilate ahunda lo, atene: “Ye ni, mo yeke gbia?” Jésus akiri tënë: “Gi tënë ni laa mo tene awe so: mbi yeke gbia. A du mbi si mbi ga na dunia so ti fa ye na ndö ti taa-tënë na azo. Zo so ayeke zo ti taa-tënë, fade lo yeke ma tënë ti mbi.”

Jean 16:8

Tongana lo ga, fade lo yeke fa na azo ti dunia so atene, ala yeke handa tere ti ala na ndö ti tënë ti siokpari, na ndö ti tënë ti ye ti mbirimbiri nga na ndö ti tënë ti fango ngbanga ti Nzapa.

Jean 15:10

Tongana ala sara ye alingbi na andia ti mbi, fade ala yeke ngba na ya ti ndoye ti mbi, tongana ti so mbi sara ye alingbi na andia ti Babâ si mbi ngba na ya ti ndoye ti lo.

Jean 8:47

Zo so ayeke ti Nzapa ayeke ma atënë ti Nzapa. Ti ala, ala ma tënë ti mbi pepe, ngbanga ti so ala yeke azo ti Nzapa pepe.”