Jean 8:34 - Mbeti ti Nzapa - Tënë so amu fini

³⁴ Jésus atene na ala: “Biani, mbi tene na ala taa-tënë: zo so asara siokpari aga ngbaa ti siokpari awe.

Jean 8:34 Referans Kwoze

Rome 6:16

Ala hinga pepe? Tongana ala mu tere ti ala na ngbaa na gbe ti mbeni zo, ti ma yanga ti lo, ala ga angbaa ti zo so ala yeke ma yanga ti lo so awe; so ti tene, tongana ala mu tere ti ala na siokpari, ala ga angbaa ti siokpari awe si siokpari ayeke gue na ala na kuâ, me tongana ala mu tere ti ala ti ma yanga ti Nzapa, Nzapa ayeke sara si ala ga mbirimbiri na le ti lo.

2 Pierre 2:19

Ala yeke mu zendo na azo atene, fade ala yeke zi azo ni na gbe ti ngbaa. Andaa ala wani ayeke angbaa ti aye so ayeke gboto ala ti gue na ala na kuâ, ngbanga ti so zo ayeke ngbaa ti ye so nzara ni ahon ndö ti lo.

Amato 5:22

Sarango ye ti kirikiri ti zo wani laa akanga lo; siokpari ti lo agbu lo tongana kuku.

Rome 6:12

Nilaa, alingbi siokpari akiri ale-gbia pepe na ndö ti tere ti ala so ayeke kui ande kuingo so, tongaso si ala sara ye na lege ti asioni nzara ti be ti ala pepe.

Rome 6:6

E hinga so dutingo ti e ti kozo akui legeoko na Christ na ndö ti keke ti kroa awe. Tongaso sioni nzara ti be ti e akui nga si e kiri e duti na gbe ti ngbaa ti siokpari pepe.

Tite 3:3

E nga, e yeke ando azo so li ti e ayeke daa pepe, azo ti ngangu li, azo so agirisa lege. Ando, e mu be ti e kue ti sara aye so anzere na be ti e si nzara ti aye nde nde ahon ndö ti e; e yeke azo ti sioni si e yeke sara kota be na tere ti amba ti e. Azo ayeke ke e; e nga, e yeke ke tere na popo ti e.

Efeze 2:2

Ala yeke sara ye ando tongana ti azo ti dunia so; ala yeke ma gi yanga ti makonzi ti asioni yingo so ayeke na popo ti nduzu na sese, yingo so laa ayeke sara kua na be ti azo so ake ti ma yanga ti Nzapa.

Rome 7:25

Mbi mu singila na Nzapa na iri ti Jésus Christ, Kota Gbia ti e! Tongaso, lege so mbi yeke duti na ni ayeke so: na lege ti gbungo-li ti mbi, mbi ga ngbaa ti Ndia ti Nzapa si na lege ti dutingo ti mbi ti zo, mbi ga ngbaa ti ndia ti siokpari.

1 Agbia 21:25

Mbeni zo ti ka tere ti lo ti sara sioni na le ti KOTA GBIA tongana Akab ayeke daa laoko pepe. Biani, wali ti lo Yezabel laa ayeke pusu lo ti sara sioni.

Rome 8:21

ngbanga ti so fade a yeke zi ala na gbe ti ye so ayeke sara ala na ngbaa si ayeke buba ala so. Tongaso ala yeke li na ya ti gonda so ayeke ti amolenge ti Nzapa so asigigi na gbe ti ngbaa.

Rome 7:14

E hinga so *Ndia ayeke ye ti Yingo; ti mbi, mbi yeke zo senge, a ka mbi tongana ngbaa na siokpari.

Awatokua 8:23

Biani, mbi baa so sioni nzara ti warango ye asi singo na be ti mo si mo yeke ngbaa ti siokpari.”

Jean 3:3

Jésus akiri tënë na lo: “Biani, mbi tene na mo taa-tënë: tongana a kiri a du zo pepe, lo lingbi ti baa *Kodro-gbia ti Nzapa pepe.”

Matthieu 5:18

Mbi tene na ala taa-tënë: kozoni si yayu na sese ahon, fade gere ti mbeti ti Ndia wala mbeni kete ye ti tere ni oko ayeke hon pepe, ngbii asi na nda ti aye kue.