Jean 7:15 - Mbeti ti Nzapa - Tënë so amu fini

¹⁵ Li ti amakonzi ti azuife kue akpe si ala tene: “Koli so ahinga aye so tongana nyen, so lo manda mbeti pepe so?”

Jean 7:15 Referans Kwoze

Nzoni Tënë so Luc asu na mbeti 4:22

Ala kue ayeke gonda lo; li ti ala kue akpe ndali ti tënë ti nzoni be so ayeke sigigi na yanga ti lo. Ala hunda ndo, atene: “Molenge ti Joseph so laa pepe?”

Matthieu 13:54

Lo gue na Nazaret, gbata so lo kono daa si lo yeke fa ye na azo ti gbata ni na ya ti da ti sambelango Nzapa ti ala. Li ti azo ni kue akpe si ala yeke hunda ndo, atene: “Lo wara ndara so na ndo wa? Lo wara ngangu ti sarango aye ti kpene so na ndo wa?

Awatokua 26:24

So Paul afa nda ti tënë ti lo ngbii asi na ndo so, Festus adekongo na lo, atene: “Gbogbolinda asara mo, Paul! Mo manda mbeti mingi asara si mo ga zo ti gbogbolinda awe!”

Jean 7:46

Aturugu ni akiri tënë na ala, atene: “Mbeni zo ti tene tënë tongana koli so ayeke daa oko pepe!”

Nzoni Tënë so Luc asu na mbeti 2:47

Azo so kue ayeke ma lo, li ti ala kue akpe ndali ti hingango ye ti lo nga ndali ti atënë so lo yeke kiri na ni na ala.

Matthieu 22:22

So ala ma kiringo tënë so, li ti ala kue akpe; ala zia lo si ala hon.

Jean 1:19

Amakonzi ti azuife ti Jérusalem airi awayango-sandaga na azo ti mara ti Lévi si atokua ala na Jean, ti hunda lo, atene: “Mo yeke zo wa?”

Matthieu 22:33

So gba ti azo ni ama tënë so, li ti ala kue akpe ndali ti fango ye ti lo.

1 Samuel 10:11

Azo so kue ahinga lo kozoni ayeke baa lo na sarango ye tongana awayanga-Nzapa; ala hunda tere ti ala, atene: “Nyen laa asi na molenge ti Kish so? Saul nga aga wayanga-Nzapa awe?”

Jean 7:11

Amakonzi ti azuife ayeke gi lo na ya ti matanga ni, ala hunda ndo, atene: “Lo yeke na ndo wa?”

Jean 7:13

Me zo ti tenengo tënë ti lo polele ayeke daa pepe, ngbanga ti so mbeto ti amakonzi ti azuife ayeke sara ala.

Awatokua 4:13

So azo ti fango ngbanga ni abaa Pierre na Jean ayeke tene tënë na mbeto pepe si ala hinga nga atene, ala yeke gi asenge zo so amanda mbeti pepe, li ti ala kue akpe. Ala hinga atene, akoli so ayeke ando na tere ti Jésus.

Ésaïe 29:12

Tongaso a mu mbeti ni na zo so ahinga ti diko mbeti pepe si a tene na lo: “Diko mbeti so!” Me zo ni akiri tënë: “Mbi hinga ti diko mbeti pepe.”