Jean 6:15 - Mbeti ti Nzapa - Tënë so amu fini

¹⁵ Jésus ahinga atene, azo ni aye ti ga ti mu lo na ngangu ti sara si lo ga gbia. Nilaa lo gboto tere ti lo, lo gue, lo duti na ndö ti hoto gi lo oko.

Jean 6:15 Referans Kwoze

Jean 18:36

Jésus akiri tënë na lo: “Kodro-gbia ti mbi ayeke ti dunia so pepe. Tongana kodro-gbia ti mbi ayeke fade ti dunia so, ka azo ti mbi atiri bira ti kanga lege si azo aga na mbi na amakonzi ti azuife pepe. Me fadeso, kodro-gbia ti mbi ayeke ti ndo so ge pepe.”

Nzoni Tënë so Luc asu na mbeti 19:38

Ala tene: “Ayeke nzoni Nzapa asara tufa na ndö ti gbia so aga na iri ti Kota Gbia! Siriri aduti na yayu kâ si a gonda Nzapa so ayeke na yayu kâ na ndö ti aye kue!”

Marc 11:9

Azo so ayeke tambula na dawa ti Jésus na ala so ayeke tambula na peko ti lo ayeke dekongo, atene: “E gonda Nzapa! Ayeke nzoni Nzapa asara tufa na ndö ti lo so aga na iri ti *Kota Gbia!

Ahebro 4:13

Ye so kue Nzapa asara, mbeni oko so ahonde na le ti lo ayeke daa pepe. Ye kue ayeke na gbe ti le ti lo polele; ye so kue e yeke sara, fade e yeke fa peko ni na lo.

Jean 5:41

“Mbi yeke gi titene azo agonda mbi pepe.

Jean 6:3

Tongaso Jésus ague na li ti mbeni hoto; kâ, lo na adisiple ti lo aduti.

Matthieu 5:1

So Jésus abaa gba ti azo so, lo gue na li ti hoto, lo duti; adisiple ti lo abongbi na tere ti lo

Jean 6:22

Lango oko na pekoni, gba ti azo so angba na mbage ti ngu ni abaa so, gi ngo oko laa ayeke kâ. Ala hinga so Jésus ako na ya ti ngo legeoko na adisiple ti lo pepe; gi adisiple oko laa ahon.