Jean 5:7 - Mbeti ti Nzapa - Tënë so amu fini

⁷ Zo ti kobela ni akiri tënë na lo, atene: “Kota Gbia, na ndembe so ngu ni ayeke yingi, mbeni zo ti bi mbi na ya ni ayeke daa pepe. Tongana mbi londo ti gue, mbeni zo ali daa kozo ti mbi awe.”

Jean 5:7 Referans Kwoze

Abia (Psaumes) 72:12

Biani, zo ti mawa so ayeke toto na gbia ni, gbia ni ayeke zi lo na ya ti pasi, zo ti mawa so mbeni zo ti mu maboko na lo ayeke daa pepe, gbia ni ayeke mu maboko na lo.

Ndia ti fani use ni 32:36

Biani, fade KOTA GBIA ayeke fâ ngbanga ti azo ti lo, lo yeke baa mawa ti azo ti kua ti lo na ndembe so lo yeke baa so ngangu ti ala ahunzi awe, mbeni zo ti mu maboko na ala ayeke daa pepe, ngbaa, wala zo so asigigi na gbe ti ngbaa ayeke daa mbeni pepe.

1 Korente 9:24

Ala hinga pepe? Na lando ti awanguru, azo ti kpengo loro kue laa ayeke kpe loro ni, me gi zo oko laa ayeke wara kangu ti wen! Ala kpe loro na lege so ala lingbi ti wara kangu ti wen.

Abia (Psaumes) 142:4

Na ndembe so be ti mbi awoko kue, mo laa mo hinga ndo so mbi yeke gue daa. Na ndö ti lege so mbi yeke hon daa, azo azia kuku ti gbu na mbi.

Rome 5:6

Biani, na ndembe so lani e yeke na ngangu pepe, Christ akui ndali ti azo ti siokpari, gi na ngoi so Nzapa aye.

Jean 5:3

Gba ti azo ti kobela alango na gbe ti averanda ni: awaziba, azo so gere ti ala abuba na azo so mbeni mbage ti tere ti ala abuba. [Ala yeke ku ndembe so ngu ni ayeke yingi,

Jean 5:2

Na Jérusalem, nduru na yanga ti gbagba ti gbata ni so iri ni Ti-ataba, mbeni ngu ayeke daa, iri ni na yanga ti hebro ayeke Betzata. Averanda oku ayeke na tere ti ngu ni.

Jean 5:4

ngbanga ti so na ambeni ngoi, mbeni *ange ti *Kota Gbia ayeke zu na ya ti ngu ni ti yingi ni. Zo ti kobela so ayeke zu kozo na ya ti ngu ni na peko ti so ngu ni ayingi, ataa kobela ti lo ni ayeke nyen, kobela ni ayeke kai.]

Jean 5:6

Jésus abaa lo yeke lango na sese, lo ma a tene, kobela ti lo aninga mingi si lo hunda lo, atene: “Mo ye tere ti mo aga nzoni?”