Jean 5:32 - Mbeti ti Nzapa - Tënë so amu fini

³² Me mbeni zo nde laa ayeke tene tënë na ndö ti mbi. Mbi hinga so, tënë so lo yeke tene na ndö ti mbi ayeke taa-tënë.

Jean 5:32 Referans Kwoze

Jean 12:50

Mbi hinga so, tënë ti yanga ti lo ayeke mu na zo fini so angba lakue lakue. Tënë so mbi yeke tene, mbi tene tongana ti so Babâ atene na mbi.”

Jean 1:33

Mbi hinga ti mbi lo kozoni pepe, me lo so atokua mbi ti batize azo na ngu, lo tene: ‘Zo so mo yeke baa ande Yingo azu si aduti na ndö ti lo, lo laa lo yeke batize azo na Yingo-Vuru.’

Matthieu 3:17

Mbeni go alondo na yayu si atene: “So ayeke Molenge ti mbi so mbi ye lo mingi, be ti mbi anzere na lo mingi.”

Nzoni Tënë so Luc asu na mbeti 3:22

Yingo-Vuru azu na ndö ti lo tongana *mbipa. Mbeni go alondo na yayu, atene: “Mo yeke Molenge ti mbi so mbi ye mo mingi, be ti mbi anzere na mo mingi.”

Marc 1:11

Mbeni go alondo na yayu, atene: “Mo yeke Molenge ti mbi so mbi ye mo mingi; be ti mbi anzere na mo mingi.”

Matthieu 17:5

So lo ngba ti tene tënë ni, mbeni mbinda so aza zango aga amu ndö ti ala kue. Mbeni go alondo na ya ti mbinda ni, atene: “So ayeke Molenge ti mbi so mbi ye lo mingi, be ti mbi anzere na lo mingi. Ala ma yanga ti lo!”

Jean 5:34

Ti mbi, mbi yeke gi titene zo atene tënë na ndö ti mbi pepe; me mbi yeke tene tënë so si ala lingbi ti soo kuâ.