Jean 5:14 - Mbeti ti Nzapa - Tënë so amu fini

¹⁴ Na pekoni, Jésus atengbi na koli ni na ya ti kota da ti Nzapa si lo tene na lo: “Tere ti mo aga nzoni fadeso awe. Kiri mo sara siokpari pepe, ngbanga ti fade mbeni ye ti sioni asi na mo ahon ti kozo.”

Jean 5:14 Referans Kwoze

Jean 8:11

Wali ni akiri tënë na lo: “*Kota Gbia, zo oko pepe!” Jésus atene na lo: “Mbi nga, mbi yeke fâ ngbanga na li ti mo pepe. Mo gue, me mo kiri mo sara siokpari pepe.”]

Abia (Psaumes) 118:18

Biani, KOTA GBIA apika mbi, me lo zia mbi titene mbi kui pepe.

Néhémie 9:28

Me gi so ala wara lege ti duti na siriri awe, ala kiri ato nda ti sara siokpari so ake mo. Nilaa mo zia ala na maboko ti awato ti ala so asara komandema na ndö ti ala. Tongaso ala kiri atoto na mo si kâ na yayu, mo ma ala. Na lege ti kota nzoni be ti mo, mo zi ala fani mingi.

Matthieu 12:45

Tongaso lo gue, lo mu ambeni yingo mbarambara so ayeke sioni ahon lo; lo na ala aga ali na ya ti da ni si aduti daa. Na pekoni, dutingo ti zo so ayeke ga sioni ahon ti kozoni. Ye so ayeke si ande na azo ti sioni ti fadeso laa.”

Awayango-sandaga 26:27

“Na peko ti aye so kue, tongana ala ma yanga ti mbi pepe si ala ngba ti sara ngangu li na mbi,

Marc 2:5

Jésus abaa mabe ti azo ni si lo tene na zo so mbage ti tere ti lo abuba so, lo tene: “Molenge ti mbi, a zi asiokpari ti mo awe.”

Ésaïe 38:20

KOTA GBIA, mo soo mbi awe. Tongaso, e yeke pika mozoko ti gonda na mo na lango ti fini ti e kue, na ya ti da ti mo, KOTA GBIA.

Abia (Psaumes) 27:6

Ti fadeso, mbi yeke tambula gi na baba na le ti awato ti mbi so angoro mbi. Na ya ti kota da ti KOTA GBIA, mbi yeke dekongo na ngia si mbi yeke ya na lo asandaga. Fade mbi yeke pika mozoko ti gonda na lo si mbi yeke he bia ti yamba na lo.

Jean 5:5

Mbeni koli ayeke kâ so lo yeke na kobela asara ngu baleota na miombe.

2 Mbai 28:22

Na ngoi so gbia Ahaz ayeke na ya ti kpale so, lo ngba ngbango ti sara sioni mingi so ake KOTA GBIA.

Abia (Psaumes) 9:13

Azo so atuku mene ti amba ti ala, lo yeke hunda tënë ni na ala, lo yeke dabe ti lo na ni; lo yeke girisa toto ti azo ti mawa pepe.

1 Pierre 4:3

Ando, ala mu ngoi mingi ti sarango na aye tongana ti azo so ahinga Nzapa pepe. Ala yeke sara aye ti ndumba, ala yeke sara nzara ti aye ti amba ti ala, ala yeke angbaa ti samba, ala yeke sara matanga ti te, ti nyon butuma, ala yeke voro anzapa nde, ye so akpa titene zo asara ni pepe.

Awayango-sandaga 7:12

Tongana mbeni zo aga na sandaga ti beoko titene lo mu singila na Nzapa, ayeke nzoni lo ga na gatoo so a tuku mafuta daa, a gbu ya ni si a sara na mama ni pepe; lo ga nga na makara so a kpaka mafuta na tere ni nga na gatoo so a sara na farini, a tuku mafuta daa si a gbu ya ni.

Ésaïe 38:22

Ezekias ahunda ndo, atene: “Nyen laa ayeke fa na mbi atene, fade mbi yeke kiri ti gue na ya ti kota da ti KOTA GBIA?”

Jean 5:13

Koli so tere ti lo aga nzoni so ahinga lo pepe, ngbanga ti so Jésus asigigi na popo ti gba ti azo so ayeke kâ si lo hon ti lo.

Awayango-sandaga 13:20

Wayango-sandaga ni ayeke baa tere ti lo. Tongana sukungo ye ni akoro du na ya ti poro ti tere ti zo ni si kua ti tere ti lo aga vuru ni, wayango-sandaga ayeke fa atene, zo ni aga *sioni awe; so ayeke mbeni mara ti buruma so ato nda ti sigigi na ndo so ye ni asuku daa so.

Abia (Psaumes) 18:22

Biani, mbi ngba na lege ti KOTA GBIA lakue, mbi sara mbeni ye ti ke Nzapa ti mbi pepe.