Jean 4:34 - Mbeti ti Nzapa - Tënë so amu fini

³⁴ Jésus atene na ala: “Kobe ti mbi ayeke ti sara ye so be ti lo so atokua mbi aye, ti hunzi kua so lo mu na mbi ti sarango ni.

Jean 4:34 Referans Kwoze

Jean 6:38

Mbi londo na yayu, mbi ga na ndo so ti sara ye ti be ti mbi pepe, me ti sara ye so be ti lo so atokua mbi aye.

Jean 5:30

Mbi lingbi ti sara ye ti be ti mbi wani pepe. Mbi yeke fâ ngbanga gi na lege ti tënë so mbi ma. Ngbanga ti mbi ayeke na legeni, ndali ti so mbi yeke gi ti sara ye ti be ti mbi wani pepe, me ye so be ti lo so atokua mbi aye.”

Mbeti ti Job 23:12

Mbi zia atënë ti yanga ti lo pepe ti sara mbeni ye nde; ambela ti lo kue, mbi bata ni na be ti mbi.

Jean 17:4

Mbi gonda mo na ndö ti sese so awe, mbi hunzi kua so mo mu na mbi ti sara awe.

Jean 19:30

Jésus anyon kpingo vin ni si na pekoni, lo tene: “Ye kue ahunzi awe!” Lo ba li ti lo na sese si lo kui.

Matthieu 26:39

Lo hon yongoro kete, lo ti, lo kpo li ti lo na sese, lo sambela, lo tene: “Babâ ti mbi, tongana lege ayeke daa, ayeke nzoni kopo ti pasi so ahon yongoro na tere ti mbi. Me mbi ye pepe titene mo sara ye so be ti mbi aye, me mo sara gi ye so be ti mo aye.”

Jean 5:36

Me ambeni ye ayeke daa so atene tënë na ndö ti mbi ahon ti Jean. Aye ni ayeke aye so Babâ wani amu na mbi ti sarango ni; mbi yeke sara aye ni si aye ni ayeke fa so Babâ laa atokua mbi.

Jean 4:32

Jésus akiri tënë na ala: “Mbi yeke na mbeni kobe ti tengo ni so ala hinga pepe.”

Nzoni Tënë so Luc asu na mbeti 19:10

Biani, *Molenge ti Zo aga ti gi na ti soo azo so agirisa awe.”

Abia (Psaumes) 40:8

Nilaa mbi tene: “Baa, mbi yeke ga; na ya ti mbeti ti *Ndia, a su tënë ti ye so mbi lingbi ti sara.”

Ahebro 12:2

Le ti e angba na ndö ti Jésus. Lo laa lo zi lege ti mabe na e si lo sara titene e ngba na lege ti mabe ni ngbii asi na ndani. Lo yeda si azo afâ lo na ndö ti keke ti kroa, lo sara kamene ti kuâ so lo kui na ndö ti keke ti kroa pepe. Lo yeda ndali ti so lo hinga kozoni so fade lo yeke duti na ngia. Fadeso, lo yeke duti na tere ti mbata ti Gbia Nzapa, na mbage ti maboko ti lo ti koli.

Nzoni Tënë so Luc asu na mbeti 15:10

Ndani laa mbi tene na ala: ngia ayeke na popo ti *a-ange ti Nzapa, ndali ti zo ti siokpari oko so azia ngbene lege ti sarango ye ti lo.”

Awatokua 20:35

Lakue, mbi fa na ala ti sara kua si fade ala lingbi ti mu maboko na azo ti mawa. Ala dabe ti ala na atënë so *Kota Gbia Jésus wani atene: ‘Mungo ye anzere ahon warango ye!’ ”

Jean 6:33

ndali ti so mapa ti Nzapa ayeke zo so alondo na yayu, lo zu si lo yeke mu fini na azo ti dunia.”

Matthieu 3:15

Me Jésus akiri tënë na lo: “Ti fadeso, ayeke nzoni e sara tongaso si e lingbi ti sara ye so kue ayeke mbirimbiri na le ti Nzapa.” Tongaso Jean ayeda.

Nzoni Tënë so Luc asu na mbeti 2:49

Jésus akiri tënë na ala: “Ala gi mbi ngbanga ti nyen? Ala hinga atene, alingbi mbi duti na ya ti da ti Babâ ti mbi pepe?”

Jean 8:29

Lo so atokua mbi, lo yeke na mbi. Lo zia mbi gi mbi oko pepe, ngbanga ti so mbi yeke sara lakue ye so anzere na be ti lo.”

Jean 19:28

Na pekoni, Jésus ahinga atene, fadeso ye kue ahunzi awe. Ti sara si tënë ti Mbeti ti Nzapa aga taa-tënë, lo tene: “Nzara ti ngu asara mbi!”

Matthieu 9:19

Tongaso, Jésus na adisiple ti lo alondo si ala mu peko ti koli so.