Jean 3:7 - Mbeti ti Nzapa - Tënë so amu fini

⁷ So mbi tene na mo, mbi tene: ‘Alingbi a kiri a du ala si’ so, li ti mo akpe pepe.

Jean 3:7 Referans Kwoze

Jean 3:3

Jésus akiri tënë na lo: “Biani, mbi tene na mo taa-tënë: tongana a kiri a du zo pepe, lo lingbi ti baa *Kodro-gbia ti Nzapa pepe.”

Aye so Nzapa afa 21:27

Mbeni ye ti *sioni oko ayeke li na ya ti gbata so pepe, ataa zo ti sarango aye ti sioni so zo alingbi ti baa na le ti lo fani use pepe, ataa zo ti mvene, ayeke li daa pepe. Me gi azo so iri ti ala ayeke na ya ti mbeti ti Molenge ti Taba, mbeti so a su iri ti azo so ayeke na taa fini daa, ala laa ayeke li na ya ti gbata ni.

1 Pierre 1:22

So ala yeda ti sara ye alingbi na taa-tënë, ala sukula be ti ala awe ti ye a-ita ti ala na be oko. Ala ye tere na popo ti ala na vurungo be, ala zia lege ni pepe.

Ahebro 12:14

Ala gi lege ngangu ti duti na siriri na azo kue, ala gi nga lege ngangu titene fini ti ala aduti nde si aduti nzoni kue. Tongaso pepe, fade zo oko alingbi ti baa *Kota Gbia pepe.

Kolose 1:12

Na ngia na be, ala mu singila na Nzapa Babâ so asara si ala lingbi ti wara anzoni ye so lo leke ndali ti azo ti lo na ya ti lumiere.

Jean 3:12

So mbi tene na ala tënë ti aye ti sese ge, ala yeda na ni pepe so, tongana mbi tene na ala tënë ti aye ti yayu, fade ala yeke yeda?

Mbeti ti Job 15:14

Zo ayeke nyen si lo tene ni yeke *nzoni? Zo so wali adu lo ayeke nyen si lo tene ni yeke mbirimbiri?

Jean 5:28

Nilaa, ayeke nzoni li ti ala azo, akpe pepe, ngbanga ti so ngbonga ni ayeke ga so, azo so ayeke na ya ti du ti kuâ ayeke ma go ti lo

Jean 3:6

Zo ayeke du gi zo, Yingo ayeke du gi yingo.

Jean 3:8

Pupu ayeke ya na ndo so be ti lo aye; mo yeke ma ni, me mo hinga ndo so alondo daa, wala ndo so ayeke gue daa pepe. Ye ni ayeke tongaso na azo so Yingo adu ala.”