Jean 3:33 - Mbeti ti Nzapa - Tënë so amu fini

³³ Zo so ayeda na tënë ti lo, lo yeke fa mbirimbiri na le ti azo so, Nzapa ayeke tene taa-tënë.

Jean 3:33 Referans Kwoze

Ahebro 6:17

Andaa, azo so Nzapa amu zendo ti mu aye na ala, lo ye ti fa biani na ala so be ti lo angba lakue na ndö ti zendo ni. Ndani laa lo deba yanga ti lo na ndö ti zendo ni.

Efeze 1:13

Na lege ti gango so ala ga oko na Christ, ala nga, ala ma taa-tënë so ayeke Nzoni Tënë si ayeke soo ala na kuâ; ala ma na be si Nzapa asara nzoroko na tere ti ala, nzoroko ni ayeke Yingo-Vuru so lo mu ando zendo ni.

2 Korente 1:22

lo nga laa lo zia nzoroko ti lo na ndö ti e, lo zia Yingo ti lo na be ti e ti fa atene, anzoni ye so lo bata ndali ti e, fade lo yeke mu ni kue na e.

2 Korente 1:18

Na le ti Nzapa, tënë so mbi tene na ala, mbi tene ge “een” si mbi tene kâ “ên-en” pepe.

Jean 6:27

Ayeke nzoni ala sara kua ndali ti kobe so ayeke buba pepe, me ndali ti kobe so ayeke ngba si ayeke mu na zo fini so angba lakue lakue. *Molenge ti Zo laa ayeke mu ande na ala kobe ni so, ngbanga ti so Babâ, lo so lo yeke Nzapa wani laa amu na lo ngangu ni.”

Jean 8:26

Mbi yeke na tënë mingi ti tene na tere ti ala, mbi yeke nga na ngbanga ti fâ na li ti ala. Me lo so atokua mbi, lo yeke tene taa-tënë; gi tënë so mbi ma na yanga ti lo laa mbi yeke tene na azo ti dunia.”

Rome 4:11

Na ngoi so Abraham ade ti fâ ganza pepe, lo wara mbeni nzoroko so afa atene, Nzapa abaa lo tongana zo ti mbirimbiri na lege ti mabe. Nilaa Abraham aga babâ ti azo so kue ama na be, ataa so lo de ti fâ ganza pepe si Nzapa abaa ala nga tongana azo ti mbirimbiri.

Rome 15:28

Tongana mbi sara ye so kue awe si na le ti azo kue, mbi mu na ala nginza so azo abongbi so awe, fade mbi yeke gue na Espanye. Na hongo ni, fade mbi yeke si na ala kâ.

1 Korente 9:2

Tongana ambeni zo abaa mbi tongana watokua pepe, ti ala, azo ti *Eglize ti Korente, mbi yeke watokua biani! Biani, ala laa afa atene, mbi yeke watokua na lege so ala ga oko na Kota Gbia awe.

Efeze 4:30

Ala mu vundu na Yingo-Vuru pepe. Yingo-Vuru ayeke tongana nzoroko so Nzapa azia na tere ti ala ti fa so ala yeke ti lo. Na lege ti Yingo-Vuru, Nzapa akiri afa so mbeni lâ, fade lo yeke zi ala na ya ti siokpari biani biani.

2 Timothée 2:19

Me kpengbango gere ti da so Nzapa aleke so ayeke yingi ande pepe. A su mbeti so na tere ti gere ti da ni, atene: “*Kota Gbia ahinga azo ti lo.” Mbeti ni akiri atene: “Zo so atene, ni yeke zo ti Kota Gbia, ayeke nzoni lo zia lege ti sarango ye ti sioni.”

1 Jean 1:10

Tongana e tene, e sara siokpari pepe, andaa e yeke sara si Nzapa aga zo ti mvene si tënë ti lo ayeke na be ti e pepe.