Jean 3:32 - Mbeti ti Nzapa - Tënë so amu fini

³² Lo yeke fa gi peko ti tënë ti aye so lo baa si lo ma; me zo oko ti yeda na tënë so lo yeke fa so ayeke daa pepe.

Jean 3:32 Referans Kwoze

Jean 3:11

Biani, mbi tene na mo taa-tënë: ye so e hinga laa e yeke fa peko ni na azo; ye so e baa laa e yeke tene tënë ni na azo, me ala azo, tënë so e yeke tene, ala ye ti ma ni pepe.

Jean 15:15

Mbi yeke kiri ti iri ala azo ti kua pepe, ngbanga ti so zo ti kua ahinga ye so makonzi ti lo ayeke sara pepe. Me mbi iri ala amba ti mbi so mbi na ala e ye tere, ngbanga ti so mbi fa na ala aye so kue mbi ma na yanga ti Babâ.

Jean 1:11

Lo ga na taa kodro ti lo, me azo ti kodro ti lo ayamba lo pepe.

Jean 8:26

Mbi yeke na tënë mingi ti tene na tere ti ala, mbi yeke nga na ngbanga ti fâ na li ti ala. Me lo so atokua mbi, lo yeke tene taa-tënë; gi tënë so mbi ma na yanga ti lo laa mbi yeke tene na azo ti dunia.”

Jean 5:20

ngbanga ti so Babâ aye Molenge ti lo si lo fa na Molenge ni aye so kue lo yeke sara. Fade lo yeke fa na Molenge ni ambeni ye ti sarango ni so ayeke kota ahon so si fade li ti ala azo, akpe.

Jean 3:33

Zo so ayeda na tënë ti lo, lo yeke fa mbirimbiri na le ti azo so, Nzapa ayeke tene taa-tënë.

Jean 3:26

Ala gue, awara Jean si ala tene na lo: “Wafango-ye, koli so lani mo na lo ayeke na mbage ti ngu ti Jourdain kâ so, lo so mo fa peko ti tënë ti lo so, baa, lo kiri lo yeke batize azo si azo kue ayeke gue gi na lo!”

Ésaïe 53:1

Zo wa laa ayeda na tënë so e ma? Zo wa laa ahinga ngangu ti maboko ti KOTA GBIA?

Ésaïe 50:2

Mbi ga, mbi wara zo oko pepe, ngbanga ti nyen? Mbi iri ndo, zo oko ayeda pepe, ngbanga ti nyen? Maboko ti mbi ayeke nduru mingi titene mbi zi ala? Ngangu laa atia mbi titene mbi soo ala? Gi so mbi suku, kota ngu-ingo ahole; mbi sara si *abale aga kuru sese. Ndali ti so ngu ayeke daa pepe, asusu ayeke kui nzara ti ngu si ala yeke fun.

Matthieu 7:8

Zo so ahunda ye, fade a yeke mu na lo; zo so agi ye, fade lo yeke wara; zo so apika yanga ti da, fade a yeke zi na lo.

Jean 18:37

Pilate ahunda lo, atene: “Ye ni, mo yeke gbia?” Jésus akiri tënë: “Gi tënë ni laa mo tene awe so: mbi yeke gbia. A du mbi si mbi ga na dunia so ti fa ye na ndö ti taa-tënë na azo. Zo so ayeke zo ti taa-tënë, fade lo yeke ma tënë ti mbi.”