Biblia Todo Logo
Bib sou entènèt

- Piblisite -




Jean 3:17 - Mbeti ti Nzapa - Tënë so amu fini

17 Nzapa atokua Molenge ti lo na dunia so ti fâ ngbanga na li ti azo ti dunia ni pepe, me ti soo ala.

Gade chapit la Kopi




Jean 3:17
36 Referans Kwoze  

E baa na le ti e si e yeke tene na azo tënë so: Babâ atokua Molenge ti lo titene lo ga Wasongo azo ti dunia so.


Biani, *Molenge ti Zo aga ti gi na ti soo azo so agirisa awe.”


Babâ ti mbi so atokua mbi, lo yeke na fini; na lege ti lo laa mbi yeke na fini. Nilaa, zo so ate tere ti mbi, lo yeke ngba na fini na lege ti mbi.


Ye so be ti Babâ ti mbi aye ayeke so: zo so kue abaa Molenge ni si ama na be na lo, lo yeke na fini so angba lakue lakue; fade mbi, mbi yeke zingo lo na kuâ na lango ti ndani.”


Jésus akiri tënë na ala: “Kua so Nzapa ahunda na ala ti sarango ni ayeke ti ma na be na zo so lo tokua lo.”


Jésus akiri tënë na ala: “Siriri aduti na ala! Tongana ti so Babâ atokua mbi, mbi nga, mbi tokua ala.”


Jésus Christ amu tere ti lo na *sandaga ti zi asiokpari ti e; gi asiokpari ti e oko pepe, me ti azo ti dunia kue.


Fini so angba lakue lakue ayeke titene azo ahinga mo, mo so mo yeke oko taa Nzapa si ala hinga nga Jésus Christ, lo so mo tokua lo.


Mbi hinga so, mo yeke ma mbi lakue, me mbi yeke tene tënë so titene azo so ayeke na tere ti mbi ge so alingbi ti ma na be so mo laa mo tokua mbi.”


Ti mbi, mbi hinga lo, ngbanga ti so mbi londo na lo si mbi ga; lo laa lo tokua mbi.”


Ala baa ti ala atene, mbi laa mbi yeke bi tënë na li ti ala na gbe ti Babâ? Oko pepe. Moïse, lo so ala zia be ti ala na ndö ti lo, lo laa lo yeke bi tënë na li ti ala.


Dodo na ngia, mo gbata ti *Sion! Dekongo na ngia, mo gbata ti Jérusalem! Baa, gbia ti mo ayeke ga na mbage ti mo; lo yeke mbirimbiri, lo so benda, lo sara tere ti lo tongana senge zo, lo duti na ndö ti lele, lo duti na ndö ti molenge ti lele.


Jésus atene na ala: “Tongana Nzapa ayeke fade Babâ ti ala, ka ala ye mbi, ngbanga ti so mbi londo na lo laa mbi ga. Mbi ga gi ti li ti mbi pepe, me lo laa lo tokua mbi.


Lango oko na pekoni, Jean abaa Jésus so ayeke ga na mbage ti lo si lo tene: “Baa, Kete Taba ti Nzapa so ayeke zi siokpari na li ti azo ti dunia laa!


Biani, mbi mu na ala atënë so mo mu na mbi si ala yamba ni. Tongaso ala hinga biani atene, mbi londo na mo si mbi ga, ala ma nga na be so mo laa mo tokua mbi.


Me ti mbi, Babâ ti mbi azia mbi nde si lo tokua mbi na ndö ti dunia so. Ngbanga ti nyen laa ala tene: ‘Mo yeke zonga Nzapa!’ Ngbanga ti so mbi tene: ‘Mbi yeke Molenge ti Nzapa’ so?


Me ambeni ye ayeke daa so atene tënë na ndö ti mbi ahon ti Jean. Aye ni ayeke aye so Babâ wani amu na mbi ti sarango ni; mbi yeke sara aye ni si aye ni ayeke fa so Babâ laa atokua mbi.


Mbi sambela titene ala kue aga gi oko! Babâ, ayeke nzoni ala ga oko na e, tongana ti so mbi na mo, e yeke oko. Ayeke nzoni ala ga oko si fade azo ti dunia ahinga atene, mo laa mo tokua mbi.


Tënë ti lo angba na be ti ala pepe, ngbanga ti so ala ma na be na zo so lo tokua lo so pepe.


“Baa, fade maseka-wali so ade ti hinga koli pepe ayeke mu ngo, lo yeke du molenge-koli; fade a yeke di iri ti lo Emmanuel.” – Nda ti iri so atene: “Nzapa ayeke na e”. –


“Ala sara hange si ala baa mbeni molenge oko na popo ti amolenge so tongana mbumbuse zo pepe! Mbi tene na ala so *a-ange ti amolenge so ayeke kâ na yayu, ala yeke luti lakue na le ti Nzapa, Babâ ti mbi so ayeke na yayu. [


Zo so Nzapa atokua lo, lo yeke tene gi atënë ti Nzapa, ngbanga ti so Nzapa amu Yingo ti lo ahon ndoni na zo ni.


Mbi londo na yayu, mbi ga na ndo so ti sara ye ti be ti mbi pepe, me ti sara ye so be ti lo so atokua mbi aye.


Wali ni akiri tënë na lo: “*Kota Gbia, zo oko pepe!” Jésus atene na lo: “Mbi nga, mbi yeke fâ ngbanga na li ti mo pepe. Mo gue, me mo kiri mo sara siokpari pepe.”]


Mbi tokua ala na ndö ti dunia, tongana ti so mo tokua mbi na ndö ti dunia.


Mbi ga oko na ala, tongana ti so mbi na mo, e yeke oko si ala ga oko biani, tongaso si azo ti dunia ahinga atene, mo laa mo tokua mbi, tongaso si ala hinga nga atene, mo ye ala tongana ti so mo ye mbi.


Babâ so mo yeke mbirimbiri, azo ti dunia so ahinga mo pepe, me mbi hinga mo. Adisiple ti mbi ahinga atene, mo laa mo tokua mbi.


*Molenge ti Zo aga ti soo azo so agirisa awe.]


Swiv nou:

Piblisite


Piblisite